གཡུང་དྲུང་བོན་གྱི་དྲྭ་རྒྱ།

སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་ཕྱེད་ཡིག་རྒྱུགས་ཆེན་མོ་དབུ་འཛུགས་གནང་བ།

IMG_0027

ཕྱི་ལོ་ ༢༠༡༤ ཟླ་ ༧ ཚེས་ ༢༦ ཉིནས་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་དབུ་འཛུགས་གནང་བ།

གཤམ་ནས་བཤད་སྒྲུབ་མཁན་ཟུར་དགེ་བཤེས་གཤེན་བསྟན་རབ་གསལ་རིན་པོ་ཆེ་ལགས་ནས་ཡིག་རྒྱུགས་སྐོར་གྱི་གསལ་བཤད།

རྩ་བའི་ལོ་གཅིག་གི་ནང་ལོ་ཕྱེད་ཡིགས་རྒྱུགས་དང་ལོ་འཁོར་ཆེན་མོའི་ཡིག་རྒྱུགས་གཉིས་ཡོད། དེ་གཉིས་ལ་རྩ་ཐོབ་ཨང་གྲངས་ངག་རྒྱུགས་ལ་ཨང་ཐོབ་ལྔ་བཅུ་དང་། འབྲི་རྒྱུགས་ལ་ལྔ་བཅུ། རྩོད་རྒྱུགས་ལ་ལྔ་བཅུ། རིག་གནས་ལ་བཞི་བཅུ་བཅས་ཁྱོན་བསྡོམ་ཨང་གྲངས་(༡༩༠)ཡོད། ཡིག་ཚད་གཏོང་བའི་ཟླ་དུས་ནི་ལོ་ཕྱེད་ཡིག་རྒྱུགས་བོད་ཟླ་ལྔ་པའི་ཚེས་ཉི་ཤུ་གཅིག་ནས་ཉེར་ཤུ་ལྔ་བར་དང་། ལོ་འཁོར་ཡིག་རྒྱུགས་ཆེན་མོ་བོད་ཟླ་བཅུ་གཅིག་པའི་ཚེས་བཅུ་དྲུག་ནས་ཉི་ཤུ་བར་ཁྱོན་བསྡོམ་ཉིན་གྲངས་བཅུ་ཡིན།

ཡིག་རྒྱུགས་ལ་འབྲི་རྒྱུགས་དང་ངག་རྒྱུགས་རྩོད་རྒྱུགས་གསུམ་ཡོད།

{འབྲི་རྒྱུགས་}ནི་གཏན་འབེབས་གཞུང་ཁྲིད་ཀྱི་རྒྱུགས་ཤོག་ཁག་དྲི་བ་རྣམས་ལ་ལན་འབྲི་གནང་རྒྱུ་དང་།

{ངག་རྒྱུགས་}   ནི་རང་ཉིད་གཞུང་ཁྲིད་གང་དུ་སླེབས་པའི་རྩ་གཞུང་དེའི་དྲི་བ་ཁག་ལས་ངག་ཐོག་ནས་རྩ་གཞུང་ལྟར་ཆད་ལྷག་མེད་པར་འབྲི་དགོས། {ལོ་རིམ་དང་པོ་}   ཟླ་དྲུག་སྔ་མར་འབྲི་རྒྱུགས་མི་དགོས་{ངག་རྒྱུགས་}   ནི་ཐུན་མོང་བསྡུས་གྲྭའི་སྤྱིར་བསྟན་ལས་མཚན་ཉིད་བརྒྱ་དང་ཉེར་ལྔ་ནང་གི་དྲི་བ་ཁག་ངག་ཐོག་ནས་རྒྱུགས་འབུལ་དགོས། ཟླ་དྲུག་ཕྱི་མའི་ངག་རྒྱུགས་ནི་རིག་ལམ་ཆེ་འབྲིང་ཆུངགསུམ་ལས་ས་བཅད་དང་བཤད་བྱའི་གཞུང་གི་སྡོམ་ཚིག་གི་དྲི་བ་ཁག་ལ་ལན་འབྲི་དགོས། {རྩོད་རྒྱུགས་}  ནི་རྒྱུགས་སྤྲོད་གནང་སྟངས་མི་འདྲ་བ་ཁག་གཉིས་ཡོད། {དང་པོ་ནི་ལོ་འཁོར་མའི་ནང་སྔོན་འགྲོ་དངོས་གཞི་གཉིས་བསྡོམ་གྱི་བདུན་རེའི་དམ་བཅའ་ དྲུག་ལ་འབྱོར་ཐོ་མ་འཁོད་ཚེ་རྩོད་རྒྱུགས་མ་འཕྲོད་པ་དང་དེ་མིན་གྱི་སློབ་གཉེར་བ་རྣམས་རྩོད་རྒྱུགས་འཕྲོད་པའི་ཐོབ་ཆའི་ཨང་གྲངས་སྤྲད་རྒྱུ་དང་། {གཉིས་ པ་ནི་ལོ་རིམ་སོ་སོའི་གཞུང་ཆེན་ཁག་ལས་དཀའ་གནད་དང་དགོས་པ་ཆེ་ཁག་ལས་ལོ་རིམ་རེར་དྲི་བ་བརྒྱད་ཅུ་ལས་མ་ཉུང་བར་བཟོ་སྐྲུན་གྱིས་ཟླ་བ་གཉིས་ཀྱི་སྔོན་སློབ་གཉེར་བའི་ཕྱག་ཏུ་བཀྲམ་ནས་བརྡར་ཤ་ལེགས་པར་གཅོད་དགོས་པ་ཟད་དངོས་གཞི་རྩོད་རྒྱུགས་སྐབས་སུ་དྲི་བ་དེ་དག་༧སྐྱབས་རྗེ་དཔོན་སློབ་རིན་པོ་ཆེའི་མདུན་ཅོག་ ཐོག་ཤོག་སྒྲིལ་དུ་སྒྲིག་པ་ལས་སློབ་གཉེར་བ་སོ་སོས་བླངས་ནས་༧སྐྱབས་རྗེ་དཔོན་ སློབ་རིན་པོ་ཆེའི་ཕྱག་ཏུ་འབུལ་བཞེས་ཀྱི་སྒྲོགས་སྦྱོང་མཛད་པ་ལྟར་ཚད་གསུམ་ རིག་པའི་ལམ་ནས་རྩོད་པ་གནང་རྒྱུ་དང་རྩོད་པ་ལེགས་མིན་ལ་ལྟོས་ནས་ཨང་ཐོབ་སྤྲད་ དགོས་པ་བཅས་ཡིན། {ལོ་རིམ་སྤར་ཕྱོགས་ནི་} རྩ་བའི་ཡིག་ རྒྱུགས་ཀྱི་ཐོབ་ཆའི་ཨང་གྲངས་གཅིག་བརྒྱ་དགུ་ཅུ་ལོན་པ་མ་ཟད་ལོ་འཁོར་མའི་ནང་དཔེ་ཁྲིད་དང་འཆད་རར་སོ་སོར་ཉིན་གྲངས་བརྒྱ་ཆ་བདུན་ཅུ་ལོན་པ་དང་སྔོན་འགྲོ་ དངོས་གཞི་གཉིས་བསྡོམ་གྱི་དམ་བཅའ་དྲུག་ལས་མང་བ་མ་ཆད་པའི་ལོ་འཁོར་ཡིག་རྒྱུགས་ཆེན་མོའི་གསར་བསྒྲགས་བྱུང་བའི་སློབ་གཉེར་བ་རྣམས་ལོ་རིམ་གོང་སྤར་བྱ་རྒྱུ་དང་།      དེ་ལྟ་བུར་ཆ་ཅན་མ་ཚང་པའི་རིགས་རང་གནས་སུ་བཞུགས་རྒྱུ་ལས་ལོ་རིམ་གོང་སྤར་བྱ་མི་འོས།

IMG_0024གཞན་ཡང་གསར་ཞུགས་པ་ཁག་གཅིག་ཚོགས་དང་འཆད་ར་དཔེ་ཁྲིད་སོགས་བརྒྱ་ཆ་འདེངས་ མིན་ལ་མ་བལྟོས་པར་ལོ་རིམ་གོང་སྤར་ཆོག་པའི་དམིགས་གསལ་ཡོད་དེ་ཡང་འདི་ལྟར་དགོན་སྡེ་གཞན་དུ་མཚན་ཉིད་སྦྱོངས་མྱོང་ཡོད་པ་གང་ཞིག་རང་གི་སློབ་ཚན་དང་འབྲེལ་བའི་འདིར་ལོ་རིམ་ཁག་ཏུ་འཛུལ་ཞུགས་བྱ་འདོད་ཡོད་རིགས། བསྡུས་ གྲྭ་ནས་བཟུང་རང་ཉིད་འཛུལ་ཞུགས་བྱ་འདོད་ཡོད་པའི་ལོ་རིམ་ཁག་གི་གཏན་འབེབས་ཀྱི་ ཡིག་ཆ་ལས་ངག་རྒྱུགས་དང་འབྲི་རྒྱུགས་བཅས་རྒྱུགས་འབུལ་བཞེས་རྒྱུ་དང། དེའང་གལ་ཏེ་ལོ་རིམ་འོག་མའི་ཁྲིད་གཞུང་གང་ཞིག་རྒྱུགས་མ་འཕྲོད་པ་བྱུང་ཚེ་དེའི་མཚམས་སུ་བཞུགས་རྒྱུ་ལས། དེ་ཡན་ཆད་འཛུལ་ཞུགས་གནང་ན་མི་འཐུས། དེ་མིན་གསར་ཞུགས་གྲྭ་རྒྱུན་གང་ནས་ཕེབས་རུང་། དེ་ སྔ་མཚན་ཉིད་སྦྱོངས་མྱོང་མེད་ཀྱང་ལོ་ཕྱེདཡིགས་རྒྱུགས་མ་བཏང་སྔོན་འབྱོར་བ་གང་ ཞིག་རང་ལ་ཡིག་རྒྱུགས་གཏོང་རྒྱུའི་འདོད་བློ་ཡོད་ཚེ་ལོ་རིམ་དང་པོའི་རྒྱུགས་ སྤྲོད་ཆོག་པ་དམིགས་གསལ་ཡོད། དེ་མིན་ཟླ་དྲུག་ཕྱི་མའི་འགོར་འབྱོར་རིགས་ཡིག་ཚད་ཀྱི་སྒྲིགས་གཞི་རིན་པོ་ཆེའི་དགོངས་དོན་བཞིན་ལོ་འཁོར་ཡིག་རྒྱུགས་གཏོང་འཐུས་མིན།

ཞེས་བཤད་སྒྲུབ་མཁན་རིན་པོ་ཆེ་ཟུར་པ་དགེ་བཤེས་གཤེན་བསྟན་རབ་གསལ་ནས་མཛད་པའི་གཏེར་བྱང་ལས་དྲངས།