གཡུང་དྲུང་བོན་གྱི་དྲྭ་རྒྱ།

གཤེན་བསྟན་འོད་སྣང་ཞེས་པའི་ཆེད་བསྒྲིགས་འོད་སྡེར།

IMG_3064.jpg

༢༠༡༣ ལོར་མདོ་སྨད་གཡུང་དྲུང་བོན་གྱི་འདུས་སྡེ་ཆེན་མོ་༧དགའ་མལ་དགོན་ཆེན་དུ་༼གཡུང་དྲུང་བོན་གྱི་གཡས་རུའི་འཆད་རྩོད་ཆེན་མོ་༽ཐེངས་དང་པོ་སོགས་གཡུང་དྲུང་བོན་དང་འབྲེལ་བའི་ཚོགས་ཆེན་གསུམ་ལྷན་དུ་འཚོགས་སྐབས་ཀྱི་ཆེད་བསྒྲིགས་འོད་སྡེར་༼གཤེན་བསྟན་འོད་སྣང་ ༽གི་དབུ་འབྱེད་འགྲེམ་སྤེལ་གྱི་མཛད་སྒོ་ཆེན་མོ་སྤེལ་བ། དེ་ཡང་བོད་རབ་བྱུང་བཅུ་བདུན་པའི་༼སྤྱི་ལོ་༢༠༡༤ལོའི་ཟླ་བ་༡༠བའི་ཚེས་༢༩ཉིན་༽ལ་མདོ་སྨད་རྔ་བ་ཁུལ་ཟིང་ཆུ་རྫོང་གཙོ་ཚང་དགོན་གྲོང་རྡལ་ནས་༢༠༡༣ལོར་མདོ་སྨད་གཡུང་དྲུང་བོན་གྱི་འདུས་སྡེ་ཆེན་མོ་༧དགའ་མལ་དགོན་ཆེན་དུ་༼ གཡུང་དྲུང་བོན་གྱི་གཡས་རུའི་འཆད་རྩོད་ཆེན་མོ་ ༽ཐེངས་དང་པོ་སོགས་གཡུང་དྲུང་བོན་དང་འབྲེལ་བའི་ཚོགས་ཆེན་གསུམ་ལྷན་དུ་འཚོགས་སྐབས་ཀྱི་ཆེད་བསྒྲིགས་འོད་སྡེར་༼ གཤེན་བསྟན་འོད་སྣང་ ༽གི་དབུ་འབྱེད་འགྲེམ་སྤེལ་གྱི་མཛད་སྒོ་ཆེན་མོ་སྤེལ་བ་རེད། མཛད་སྒོའི་སྟེང་ལ་ཟིང་ཆུའི་ཕྱི་ཡི་དགོན་ལག་བཅུ་གསུམ་དང་ནང་གི་དགོན་ཁག་ལྔའི་ ཞིས་དགོན་ཆེན་མོ་སྟེ་༧དགའ་མལ་དགོན་ཆེན་གྱི་༧མཁན་ཆེན་ཤེས་རབ་གཡུང་དྲུང་དབང་རྒྱལ་རིན་པོ་ཆེ་དང་༧དཔོན་སློབ་སྨན་རིའི་དགེ་བཤེས་ཤེས་རབ་མཐར་ཕྱིན་རིན་པོ་ ཆེ། སྒྲུབ་སློབ་ཤེས་རབ་ལྷུན་གྲུབ་རིན་པོ་ཆེ། ཟིང་ཆུ་རྫོང་ནང་བསྟན་མཐུན་ཚོགས་ཀྱི་ཚོགས་གཙོ་ཆེན་མོ་སྣང་ཞིག་ཚང་མཆོག་སྤྲུལ་ཤེས་རབ་འོད་ཟེར་རྒྱལ་མཚན་རིན་པོ་ཆེ་གཙོས་པའི་དགོན་ལག་ཁག་གི་བླ་མ་དང་མཁན་པོ་སྤྲུལ་སྐུ། དགོན་ཆེན་དང་དགོན་ལག་ཁག་གི་དམངས་གཙོ་དོ་དམ་ཨུ་ཡོན་ལྷན་ཁང་གི་ཀྲུའུ་རེན་རྒན་ གཞོན་སོགས་དང་། དེ་བཞིན་དགོན་སྡེ་ཁག་གི་ལྷ་སྡེ་རྣམས་ཀྱི་སྡེ་དཔོན་སོགས་སྐྱ་སེར་བརྒྱ་ཕྲག་ ལྷག་ཚོགས་བཞུགས་གནང་ཡོད་པ་དང་། དང་ཐོག་འོད་སྡེར་བཟོ་མཁན་གྱི་འགན་བཞེས་པ་སོགས་ནས་འོད་སྡེར་སྟོད་སྨད་བར་ གསུམ་གྱི་ཐད་ལ་ངོ་སྤྲོད་གནང་བ་དང་། དེ་ནས་དགོན་ཆེན་གྱི་༧མཁན་སློབ་རྣམ་གཉིས་གཙོས་པའི་དགོན་སྡེ་ཁག་གི་བླ་སྤྲུལ་ཐུན་མོང་ཡོངས་ནས་༼ གཤེན་བསྟན་འོད་སྣང་ ༽གི་དབུ་འབྱེད་གནང་བ་དང་། དེ་ནས་༧ མཁན་ཆེན་ཤེས་རབ་གཡུང་དྲུང་དབང་རྒྱལ་རིན་པོ་ཆེ་དང་དཔོན་སློབ་ཤེས་རབ་མཐར་ ཕྱིན། སྣང་ཞིག་ཚང་མཆོག་སྤྲུལ་ཤེས་རབ་འོད་ཟེར་རྒྱལ་མཚན་རྣམ་གསུམ་གྱིས་ཆེད་བསྒྲིགས་ འོད་སྡེར་༼གཤེན་བསྟན་འོད་སྣང་༽གི་སྤྱི་ཕུད་དང་པོ་དེ་༧སྐྱབས་རྗེ་སྨན་རིའི་ ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་དང་༧སྐྱབས་རྗེ་སྨན་ རིའི་དཔོན་སློབ་ཡོངས་འཛིན་བསྟན་འཛིན་རྣམ་དག་རིན་པོ་ཆེ། ༧རྒྱལ་བ་གཤེན་གྱི་གདུང་འཛིན་ཆེན་མོ་གཤེན་སྲས་ནོར་བུ་དབང་གི་རྒྱལ་པོ་རྣམ་གསུམ་ལ་ཕུལ་བ་དང་། དེ་ནས་ཚོགས་བཞུགས་པ་ཡོངས་ནས་ཆེད་བསྒྲིགས་འོད་སྡེར་སྟོད་སྨད་བར་གསུམ་པོ་རགས་ གཟིགས་སོགས་གནང་བ་དང་།
དེ་ནས་ཐེངས་འདིའི་ཆེད་བསྒྲིགས་འོད་སྡེར་གྱི་བརྙན་ལེན་པ་དང་སྒྲིག་སྦྱོར་བ་བཅས་ཀྱི་འགན་བཞེས་པ་རྔ་བཟའ་ནོར་བུ་ལགས་ལ་ཟིང་ཆུའི་བརྙན་ལེན་སྒྲིག་སྦྱོར་ ཆེད་མཁས་པའི་མཚན་སྙན་གྱི་བྱ་དགའ་དཔང་ཡིག་སོགས་གནང་སྟེ་དབུ་འབྱེད་འགྲེམ་ ལ་གྱི་མཛད་སྒོ་དེ་རྒྱལ་ཁ་དང་གཟི་བརྗིད་ངང་ནས་མཇུག་སྒྲིལ་བ་རེད།

ཅེས་དགའ་མལ་དགོན་ཆེན་གྱི་དྲུང་ཡིག་ཚན་ཁག་ནས།