མུ་ཁྲི་བཙན་པོའི་དཔྱད་རྩོམ་བདམས་བསྒྲིགས་འགྲེམ་སྤེལ་གནང་བའི་མཛད་སྒོ་སྤེལ་བ།

f0c89d4487257c9143150f954a4ccdc4དཔལ་གཤེན་བསྟན་ཀུན་ཁྱབ་བདེ་ཆེན་གླིང་ ངམ་༧བྱང་བྱ་དུར་དགའ་མལ་དགོན་ཆེན་དུ་སི་ཁྲོན་མི་རིགས་དཔེ་སྐྲུན་ཁང་ནས་པར་ བསྐྲུན་བྱས་པའི་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་ པོའི་དཔྱད་རྩོམ་བདམས་བསྒྲིགས་འགྲེམ་སྤེལ་གནང་བའི་མཛད་སྒོ་སྤེལ་བ། དེ་ཡང་༢༠༡༥ལོའི་ཟླ་བ་༦པའི་ཚེས་༢༩ཉིན་གྱི་སྔ་དྲོ་ཆུ་ཚོད་བཅུ་བའི་སྟེང་མདོ་ སྨད་གཡུང་དྲུང་བོན་གྱི་འདུས་སྡེ་ཆེན་མོ་༧དཔལ་གཤེན་བསྟན་བྱང་བྱ་དུར་དགའ་མལ་ དགོན་ཆེན་གྱི་མ་ཏྲིའི་སྨོན་ལམ་སྒྲུབ་ཆེན་ཉིན་དྲུག་པའི་ཉིན་ལ། གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་པོའི་དཔྱད་རྩོམ་ བདམས་བསྒྲིགས་འགྲེམ་སྤེལ་གནང་བའི་མཛད་སྒོ་སྤེལ། 644725b1818c4808951d3ca9ae58b612མཛད་སྒོའི་སྟེང་དུ་༧བྱང་བྱ་དུར་དགའ་མལ་དགོན་ཆེན་གྱི་༧མཁན་ཆེན་ཤེས་རབ་གཡུང་ དྲུང་དབང་རྒྱལ་རིན་པོ་ཆེ་དང་། དཔོན་སློབ་སྨན་རིའི་དགེ་བཤེས་ཤེས་རབ་མཐར་ཕྱིན་རིན་པོ་ཆེ། སྒྲུབ་སློབ་ཤེས་རབ་ལྷུན་གྲུབ། རིན་སྤུངས་དགོན་པའི་དབུ་བླ་རྣལ་འབྱོར་ལྷུན་གྲུབ་བསྟན་འཛིན། སྣང་ཞིག་ལྕགས་མདུད་ཟླ་བ་རྒྱལ་མཚན། དགའ་མལ་དགོན་པའི་བྲག་རྒན་བླ་མ་བསྟན་འཛིན་ཚུལ་རྒྱལ། བྲག་དཀར་གཡུང་དྲུང་དགོན་པའི་བླ་མ་འབྲས་བུ་བོན་འཛིན། སྐྱིད་འཛོམས་དགོན་པའི་བླ་མ་ཤེས་རབ་གོང་འཕེལ། ཁོད་སྤུངས་དར་རྒྱས་དགོན་པའི་བླ་མ་ཚེ་དབང་གཡུང་དྲུང་སོགས་བླ་སྤྲུལ་ཁག་དང་། 56fc21cbe8561e0ffc61d53a231e6b43དེ་བཞིན་ཟིང་ཆུ་རྫོང་འཐབ་ཕྱོགས་གཅིག་གྱུར་པུའུ་པུའུ་གཞོན་པ་སངས་བཀྲ་ཤིས། རྫོང་མི་རིགས་ཆོས་དོན་ཅུས་ཀྱི་ཅུས་གཞོན་བློ་ཐར། གསེར་ཆུ་ཡུལ་ཚོའི་དབུ་ཁྲིད་སྙན་གྲགས་རྗེ་སོགས་སྲིད་གཞུང་གི་དབུ་ཁྲིད་རྣམ་པ། གཞན་དགའ་མལ་དགོན་ཆེན་གྱི་དམངས་གཙོ་དོ་དམ་ཨུ་ཡོན་ལྷན་ཁང་གི་ཀྲུའུ་རེན་རྒན་ གཞོན་སོགས་དང་དགོན་ཁག་ལྔ་དང་ཕྱིའི་དགོན་ལག་བཅས་ཀྱི་ཀྲུའུ་རེན་རྒན་གཞོན། བྱང་བྱ་དུར་དགའ་མལ་དགོན་ཆེན་གྱི་གཡུང་དྲུང་བོན་གྱི་བཤད་སྒྲུབ་འདུས་སྡེ་དང་། མ་ཏྲིའི་སྨོན་ལམ་སྒྲུབ་ཆེན་དུ་ཕེབས་པའི་དགེ་འདུན་སེམས་དཔའི་སྡེ་བཅས་མཁན་ སློབ་བླ་སྤྲུལ་སྲིད་གཞུང་མི་སྣ། གྲྭ་མང་འདུས་སྡེ་བཅས་མི་སྣ་ཉིས་བརྒྱ་ལྷག་ལྷན་འཛོམས་ཐོག་མཛད་སྒོ་དབུ་ཚུགས་ མཛད། ཐོག་མར་སྤྱི་ཁྱབ་རྩོམ་སྒྲིག་པ་ཨ་དཔལ་བཟང་ལགས་ནས་མདོ་འཛིན་གནང་སྟེ་འཚོགས་ འདུའི་འགྲོ་རིམ་དང་ནང་དོན་སོགས་མཚམས་སྦྱོར་གནང་། a4fb4c5262066b11424d999a2f646918དེ་ནས་གཙོ་སྒྲིག་པ་རིན་སྤུངས་ཚུལ་བསྟན་གྱིས་གཡུང་དྲུང་བོན་དང་འབྲེལ་བའི་ དཔྱད་གླེང་ལོ་དེབ་མུ་ཁྲི་བཙན་པོ་འདི་ཉིད་༢༠༠༧ལོ་ནས་འགོ་ཚུགས་ཚུལ། ལོ་དེབ་འདི་བསྒྲིགས་དགོས་པའི་དམིགས་ཡུལ་དང་། ཁྱད་པར་དུ་༢༠༠༧ལོ་ནས་༢༠༡༤ལོའི་བར་གྱི་མུ་ཁྲི་བཙན་པོ་དེབ་བརྒྱད་ལེགས་རྩོམ་ སོ་ལྔ་བདམས་བསྒྲིགས་བྱས་ཏེ་སི་ཁྲོན་མི་རིགས་དཔེ་སྐྲུན་ཁང་ནས་པར་བསྐྲུན་ བྱེད་ཚུལ་སོགས་ཀྱི་སྐོར་མཚམས་སྦྱོར་གནང་།   དེ་ནས་༧སྤྱིའི་སློབ་སྟོན་པ་མཁན་ཆེན་ཤེས་རབ་གཡུང་དྲུང་དབང་རྒྱལ་རིན་པོ་ཆེ་ མཆོག་ནས་བཀའ་སློབ་ཟབ་རྒྱས་གནང་། དེ་ནས་དཔོན་སློབ་ཤེས་རབ་མཐར་ཕྱིན་རིན་པོ་ཆེ་ནས་གསུང་བཤད་གནང་། དེ་ནས་མཛད་སྒོར་ཕེབས་པའི་མཁན་སློབ་བླ་སྤྲུལ་ཁག་དང་རྫོང་གི་དབུ་ཁྲིད་སོགས་ ཀྱིས་སི་ཁྲོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི་༼གཡུང་དྲུང་བོན་ དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་པོའི་དཔྱད་རྩོམ་བདམས་བསྒྲིགས་༽ དེབ་དང་༢༠༡༤ལོའི་མུ་ཁྲི་བཙན་པོ་གཉིས་མཉམ་དུ་དབུ་འབྱེད་གནང་། b2b2c2227eb0728520ae02bb94a2efa8དེ་ནས་ཟིང་ཆུ་རྫོང་འཐབ་ཕྱོགས་གྱུར་པུའུའི་པུའུ་གཞོན་པ་སངས་བཀྲ་ཤིས་ལགས་ནས་ རྫོང་འཐབ་ཕྱོགས་གཅིག་གྱུར་པུའུ་དང་རྫོང་ནང་བསྟན་མཐུན་ཚོགས། རྫོང་མི་རིགས་ཆོས་དོན་ཅུས་ཀྱི་ཚབ་བྱས་ཏེ་གསུང་བཤད་གལ་ཆེན་གནང་། དེ་ནས་སྒྲུབ་སློབ་ཤེས་རབ་ལྷུན་གྲུབ་དང་། རིན་བླ་རྣལ་འབྱོར་ལྷུན་གྲུབ་བསྟན་འཛིན་གཙོས་པའི་བླ་སྤྲུལ་ཁག་དང་དགོན་པ་ཁག་ གི་ཀྲུའུ་རེན་རྣམས་ཀྱིས་མཛད་སྒོ་འདི་དང་འབྲེལ་ཏེ་གསུང་བཤད་ཟབ་རྒྱས་གནང་།  དེ་ནས་སྤྱི་ཁྱབ་རྩོམ་སྒྲིག་པ་ཨ་དཔལ་བཟང་ལགས་ནས་མཛད་སྒོའི་མཇུག་བསྡོམས་དང་འབྲེལ་ཏེ་གསུང་བཤད་གནང་།  དེ་ནས་མཛད་སྒོར་བཞུགས་པའི་བླ་སྤྲུལ་སྐྱ་སེར་ཡོངས་ནས་གཡུང་དྲུང་བསྟན་པ་རྒྱས་པའི་སྨོན་ལམ་གསུངས་ཏེ་མཛད་སྒོ་མཇུག་སྒྲིལ། རིན་སྤུངས་ཚུལ་བསྟན་ལགས་ནས་མཐུན་འགྱུར་གནང་།

2,341 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།