སྐབས་གཉིས་པའི་ཞང་ཞུང་རིག་གནས་རིག་གཞུང་ཚོགས་འདུ་ལྷ་སར་འཚོགས་པ།

imageཟླ་12ཚེས་20ཉིན་གྱི་སྔ་དྲོ་ནས་བོད་ལྗོངས་ཞང་ཞུང་རིག་གནས་ཞིབ་གྲོས་ཚོགས་འདུ་སྐབས་གཉིས་པ་ལྷ་ས་གྲོང་ཁྱེར་དུ་འཚོག་འགོ་བརྩམས་ཤིང་། ཀྲུང་དབྱང་མི་རིགས་སློབ་ཆེན་དང་། ལྷོ་ནུབ་མི་རིགས་སློབ་ཆེན། ཀྲུང་གོའི་སྤྱི་ཚོགས་ཚན་རིག་ཁང་། བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་སོགས་ཀྱི་འབྲེལ་ཡོད་ཆེད་ལས་མཁས་པ་ཚོ་མཉམ་གཅིག་ཏུ་འཛོམས་ཏེ་ཞང་ཞུང་རིག་གནས་སྐོར་གྲོས་བསྡུར་གནང་བ་རེད།
ལྷ་སའི་གྲོང་ཨུ་ཧྲུའུ་ཅི་ཆེ་དགྲ་ལྷ་ཡིས་“གནས་རྫས་དཔྱད་ཞིབ་ཀྱི་དཔྱད་གཞིའི་ཡིག་རིགས་དང་ཚད་ལྡན་ཡིག་ཆའི་དཔྱད་གཞིའི་ཡིག་རིགས་དཀོན་པའི་དབང་གིས། ད་ལྟའི་བར་ལོ་3500ནས་ལོ་3700ཡོད་པའི་ཆོས་གོང་གནའ་ཤུལ་ནས་བོད་བཙན་པོའི་རྒྱལ་རབས་བར་སྐབས་ཀྱི་ལོ་རྒྱུས་ནི་དུས་ཡུན་རིང་པོ་སྟོང་པར་ལུས་བསྡད་ཡོད།” ཞང་ཞུང་གི་ལོ་རྒྱུས་རིག་གནས་ལ་ཞིབ་འཇུག་གཏིང་ཟབ་པོ་བྱེད་པར་བརྟེན་ནས་ལྷ་ས་ཡི་དུས་ཡུན་རིང་པོ་ལོ་ངོ་2000ལྷག་རིང་གི་ལོ་རྒྱུས་སྟོང་པ་ཁ་སྐོང་བྱེད་པར་ཕན་པ་མ་ཟད། ལྷ་སའི་ལོ་རྒྱུས་རྒྱུན་མཐུད་ནར་འགྱངས་གཏོང་བ་དང་། བོད་ཀྱི་སྲོལ་རྒྱུན་རིག་གནས་སྲུང་སྐྱོང་དང་རྒྱུད་འཛིན་བྱེད་པར་ལོ་རྒྱུས་དང་དོན་དངོས་ཀྱི་དོན་སྙིང་གལ་ཆེན་པོ་ལྡན་པ་རེད་ཅེས་གསུངས་པ་རེད།
ཆེ་དགྲ་ལྷ་ཡིས་ཚོགས་འདུར་ཞུགས་པའི་ཆེད་ལས་མཁས་པ་དང་ཤེས་ལྡན་མི་སྣ་ཚོས་ཐབས་འདོན་ཇུས་འབུལ་ཧུར་ཐག་དང་། རིག་གཞུང་དར་རྒྱས་སུ་འགྲོ་བར་མཉམ་དུ་སྐུལ་སྤེལ། རིག་གཞུང་གྲུབ་འབྲས་ལོངས་སུ་མཉམ་སྤྱོད་བཅས་བྱས་ཏེ་བོད་ཀྱི་ཞང་ཞུང་རིག་གནས་ཞིབ་འཇུག་ལས་དོན་མཐོ་ཚད་གསར་པ་ཞིག་སྐུལ་སྤེལ་གཏོང་དགོས་པའི་རེ་བ་བཏོན་གནང་བ་རེད།

མི་དམངས་དྲ་བ་ལས་དྲངས།

2,039 total views, 2 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།