རྒྱ་གར་བོན་གཞིས་ཐོབ་རྒྱལ་གསར་པའི་དངོས་བྱུང་ལོ་རྒྱུས།

img428བོད་ཀྱི་བོན་པོའི་ཚོགས་པའི་ལོ་རྒྱུས་དངོས་བདེན་བྱུང་རིམ་གསལ་བའི་སྒྲོན་མེ།

གཡུང་དྲུང་བོན་གྱི་གདན་ས་༧དཔལ་གཤེན་བསྟན་སྨན་རི་དགོན་གྱི་དགེ་བཤེས་ཁ་ཤས་དང་བོན་གཞིས་ཀྱི་མི་རྒན་གཞོན་ཁ་ཤས་ནས། ༡༩༥༩ ལོར་བོད་རྒྱལ་ཁབ་ལ་བཟློག་ཏུ་མེད་པའི་གོད་ཆག་བྱུང་ནས་བོད་མི་རྣམས་རང་ཡུལ་བཞག་ནས་གཞན་ཡུལ་དུ་བཙན་བྱོལ་ལ་འགྲོ་དགོས་བྱུང་བ་རེད། བཙན་བྱོལ་བོད་མི་ཁྲི་ཁ་ཤས་ཡོད་པ་རྣམས་བོད་སྨད་རྒྱ་ནག་ས་མཚམས་ནས་སྟོད་རྒྱ་དཀར་ས་མཚམས་ཀྱི་མི་ཡོད་པ་དེའི་ནང་གཡུང་དྲུང་བོན་ལུགས་འཛིན་པ་ཉུང་ཤས་ལས་མེད་པ་དེ་རྣམས་ཁ་འཐོར་དུ་མ་སོང་བ་གང་འཚམས་མཉམ་དུ་ཡོད་རྐྱེན། བོད་ཀྱི་བོན་པོའི་ཚོགས་པ་དང་བོན་གཞིས་འཛུགས་རྒྱུའི་ས་བོན་ནམ་མ་རྩ་ལྟ་བུ་བྱུང་རེད་བསམ་གྱི་ཡོད་ཀྱང༌། དེངས་སྐབས་མི་ཁ་ཤས་ཀྱི་ངས་བྱས་པ་དང་ང་ཚོས་བྱས་པ་གསུང་མི་འདུག དེ་རྣམས་ལ་ཐོག་མར་བོན་ལུགས་འཛིན་པ་རྣམས་མཉམ་བསྡུ་ག་འདྲ་བྱུང་དྲིས་སྐབས། ཁ་གསལ་གསུང་རྒྱུ་མི་འདུག ཁྱེད་ཀྱི་དངོས་བདེན་བྱུང་རིམ་ཞིག་འབྲི་དགོས་ཞེས་ནན་བསྐུལ་གནང་བ་དང༌། ངོས་རང་ནས་དེང་སྐབས་ཡིག་ཐོག་ལ་ཡོད་པ་ཁ་ཤས་མཐོང་དུས་རང་གིས་བྱས་གཏམ་བཏང་གཏམ་རྣམས་ཡོད་ཀྱང༌། ལས་དོན་བྱེད་ཡུལ་ག་འདྲ་བྱས་ནས་བྱུང་རབས་མ་གསུང་བ་མ་ཟད་སོ་སོའི་ཕ་ཡུལ་གཅིག་པ་དགའ་ཉེ་ཡི་མི་མང་གསལ་བཏོན་བྱས་པ་ལས་དངོས་སུ་ལས་དོན་དེའི་ཐོག་མཉམ་བཞུགས་བྱེད་མི་མིང་ཙམ་ཡང་མ་གསལ་བ་ངག་ཐོག་ནས་གསུང་མི་རྣམས་ཀྱང་ངས་བྱས་ང་ཚོའི་བྱས་པ་དང༌། ཡང་བོད་ཀྱི་བོན་པོ་ཚོགས་པ་འདི་སྔོན་མ་ནས་ང་ཚོས་ལ་དྭགས་ལ་བཙུགས་ཡོད་སོགས་གསུང་བ་གོ་དུས། ང་རང་ཧ་ལས་པ་དང་བློ་ཕམ་ཡང་ཡོང་གི་འདུག

གང་ལུགས་ཞུས་ན། ༡༩༦༡ ནས་གཡུང་དྲུང་བོན་ལུགས་འཛིན་པ་རྣམས་རུག་རུག་མཉམ་དུ་ཡོང་ཐབས་སྐུ་ངལ་བརྒྱ་ཕྲག་གནང་མི་རྣམས། ད་མཚམས་བཀའ་དྲིན་རྗེས་དྲན་དང་གུས་བཏུད་ཞུ་རྒྱུ་ཕར་བཞག་མིང་ཙམ་ཡང་གསུང་མི་དང་བྲིས་མི་འདུག རྒྱུ་མཚན་དེར་བརྟེན་བོད་ཀྱི་བོན་པོའི་ཚོགས་པ་དང་བོན་གཞིས་ཐོབ་རྒྱལ་གསར་པ་ཞེས་པ་འདི་ཐོག་མར་འཛུགས་གཏན་ག་འདྲ་སེ་བྱུང་བ་དང༌། དེ་རྗེས་འགོ་བཙུགས་ནས་ལོ་གང་འཚམས་རིང་གི་བྱུང་རིམས་ལོ་རྒྱུས་དངོས་བདེན་མིག་ཐོག་ལག་ཟིན་བྱུང་བ་ཞིག་བྲིས་ཡོད།

དེའི་ནང་ང་རང་གི་ལོ་རྒྱུས་ཀྱང་རང་བཞིན་གྱིས་འབྲེལ་ཡོང་གི་འདུག གང་བྲིས་པ་དེ་རྣམས་འུད་བརྗོད་དང་སྒྲོ་བཏགས་མཛེས་རྒྱན་གོ་ཚུལ་སོགས་མེད་པ། དངོས་བདེན་བྱུང་རིམ་གསལ་བའི་སྒྲོན་མེ་ཞེས་པ་འདི་བྲིས་ཡོད།IMG_0181

འོན་ཀྱང་ང་རང་སྐྱེས་སྦྱངས་ཤེས་རབ་ཀྱི་ཆུ་ཚད་ཧ་ཅང་དམའ་བས་བརྗོད་དོན་གསལ་མིན་དང་བརྗོད་བྱེད་ཀྱི་ཚིག་སྦྱོར་བདེ་མིན་སོགས་ཞན་ཆ་མང་དག་ཡོད་ངེས་དང༌། ཚིག་གི་གཅོད་མཚམས་དང་དག་ཆའི་སྐོར་སོགས་གློག་ཀླད་དུ་དཔར་རྩ་སྒྲིག་སྐབས་མིག་བར་ཤོར་ནས་ལུས་པ་བཅས་ནོར་བ་ཇི་སྙེད་ཅིག་ཡོད་སྲིད་པར་ངེས་ན།

མཁྱེན་ལྡན་རྒྱ་ཆེའི་ཀློག་པ་པོ་རྣམས་ནས་ཐུགས་ཁྲེལ་མི་གནང་བ་ཞུ། བཅས་ཁྲིམས་ཞིབ་པ་ཆེ་བ་ཟུར་པ་བྱ་དུར་བསོད་ནམས་བཟང་པོས་ ༢༠༡༥ ཟླ་ ༥ ནང་མཇུག་བསྡུ་བ་ཡིན།

1,656 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།