ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་༧རྣམ་འདྲེན་མཉམ་མེད་བླ་མའི་རྒྱལ་ཚབ། རང་ཅག་བོན་འབངས་ཡོངས་ཀྱི་ལྷ་སྐལ་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་གི་དགོངས་པ་གཞིར་བཟུང་དང་།༧དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག ཕྱི་ལོ་༢༠༠༠ལོ་ནས་དབུ་འཛུགས་གནང་སྟེ། ཝར་ཎ་གཡུང་དྲུང་བོན་གྱི་དགེ་སློབ་ཁང་གི་མཐོ་རིམ་སློབ་ཕྲུག་ཁག་དང་། བོན་གཞིས་ཉིན་སློབ་ཀྱི་མཐོ་འབྲིང་སློབ་ཕྲུག
དེ་བཞིན་ཕྱོགས་མཐའ་ཁག་ནས་ཆེད་ཕེབས་གནང་བའི་བོན་གྱི་སྐོར་ལ་ཐུགས་སྣང་ཟབ་པའི་གཞོན་སྐྱེས་སློབ་ཕྲུག་ཁག་གི་དབྱར་ཁའི་གུང་གསེང་དང་སྟབས་བསྟུན་ཏེ་ཆེད་དུ་”གཡུང་དྲུང་བོན་གྱི་སྐོར་བགྲོ་གླེང་” གོ་སྒྲིག་ཞུ་བཞིན་ཡོད་པ་ལགས་ན། ད་ལོར་ཡང་སློབ་ཕྲུག་ཁག་གི་དབྱར་ཁའི་གུང་གསེང་དང་བསྟུན་ཏེ།
ཕྱི་ལོ་ ༢༠༡༧ ལོའི་ཟླ་ ༦ པའི་ཚེས་ ༨ ནས་ ༡༤ བར་ཉིན་གྲངས་བདུན་གྱི་རིང་ལ་ “གཡུང་དྲུང་བོན་གྱི་སྐོར་བགྲོ་གླེང་ཐེངས་བཅུ་དྲུག་པ་” ༧གཡུང་དྲུང་བོན་གྱི་གདན་ས་དཔལ་གཤེན་བསྟན་སྨན་རིའི་དཔེ་མཛོད་ཁང་དུ་འཚོགས་རྒྱུར་གཏན་ཁེལ་ཟིན་པས།དེ་བཞིན་ཕྱོགས་མཐའ་ཁག་ན་བཞུགས་པའི་བོན་ལ་ཐུགས་སྣང་ཟབ་པའི་སློབ་ཕྲུག་གཞོན་སྐྱེས་རྣམས་དུས་ལྟར་དུ་ངེས་ཕེབས་ཡོང་བའི་འབོད་སྐུལ་དུ།
སྐབས་བཅུ་བཞི་པའི་བགྲོ་གླེང་གོ་སྒྲིག་ཚོགས་ཆུང་ནས།
ཕྱི་ལོ་༢༠༡༧ཟླ་༥ཚེས་༡ཉིན།