དབུས་གཡུང་དྲུང་བོན་འཛིན་སྐྱོང་ལྷན་ཚོགས་ནས་སྤེལ་བའི་གསལ་བསྒྲགས།

༄༅། །བསྟན་འགྲོའི་མཛད་རྗེས་རྨད་དུ་བྱུང་བའི་ཕྱི་རྒྱལ་ཡུལ་གྲུ་ཁག་ཏུ་གནས་བཞུགས་བོན་ཚོགས་ཁག་གི་དབུ་འཛིན་མཁན་བླ་སྤྲུལ་རྣམ་པ་དང་ཉེ་གནས་སློབ་ཚོགས་ལྷན་རྒྱས་ཀྱི་དྲུང་དེར།
ཆེད་དུ་ཞུ་སྙིང་།

དགོངས་པར་མངའ་གསལ་བཞིན་ཉེ་ལམ་རང་རེ་གཡུང་དྲུང་བོན་གྱི་རབ་འབྱམས་དགེ་བའི་བཤེས་གཉེན་གསེར་རིའི་ཕྲེང་ཚོགས་ལྟ་བུའི་དབུས་ནས་༸བཤེས་གཉེན་ཆེན་མོ་དྲང་སྲོང་ཟླ་བ་དར་རྒྱས་མཆོག་བསྟན་སྲུང་དམ་ཅན་རྒྱ་མཚོས་༸ཞྭ་དཀར་བསྟན་པའི་གཙུག་རྒྱན་༸རྒྱལ་བ་སྨན་རི་བའི་ཁྲི་འཛིན་སོ་བཞི་པར་བསླུ་མེད་ལུང་རྟགས་སུ་བསྩལ་བ་བཞིན། རིང་མིན་ཕྱི་ལོ་༢༠༡༨ཕྱི་ཟླ་༠༢་ཚེས་༢༠་དང་། བོད་ས་ཕོ་ཁྱི་ལོའི་བོད་ཟླ་དང་པོའི་ཚེས་ལྔ་སྟེ་རྒྱལ་བ་གཉིས་པ་མཉམ་མེད་ཆེན་པོའི་སྐུ་ཡི་འཁྲུངས་ཚེས་དགེ་བའི་ཉིན་མོར་༸གཡུང་དྲུང་བོན་གྱི་གདན་ས་ཆེན་མོ་༸དཔལ་གཤེན་བསྟན་སྨན་རིའི་གླིང་དུ་རིན་པོ་ཆེ་གང་ཉིད་༸རྒྱལ་བ་སྨན་རི་བའི་གསེར་ཁྲིར་ཁྲི་འདོན་མངའ་གསོལ་མཛད་སྒོ་སྤེལ་རྒྱུ་ཐུགས་གཏན་ཁེལ་ཟིན་པ་ལགས་ན། བླ་སློབ་ལྷན་རྒྱས་རྣམས་དེ་ལུགས་མཛད་སྒོར་ངེས་ཕེབས་ཡོང་བར་མཁྱེན་མཁྱེན་ཞུ།

༸དབུས་གཡུང་དྲུང་བོན་འཛིན་སྐྱོང་ལྷན་ཚོགས་ནས།
ཕྱི་ལོ་༢༠༡༨ ཟླ་༠༡ ཚེས་༡༥ ཉིན་ཕུལ།

༄༅། །རྒྱ་བལ་འབྲུག་གསུམ་ནང་གནས་འཁོད་༸སངས་རྒྱས་གཡུང་དྲུང་བོན་གྱི་རིང་ལུགས་འཛིན་པའི་དགོན་སྡེ་དང་བོན་ཚོགས་ཁག་གི་མཁན་བླ་སྤྲུལ་རྣམ་པ་གཙོས་པའི་འགན་ལས་ལྷན་དྲུང་དེར།
ཆེད་དུ་ཞུ་སྙིང་།

དགོངས་པར་མངའ་གསལ་བཞིན་ཉེ་ལམ་རང་རེ་གཡུང་དྲུང་བོན་གྱི་རབ་འབྱམས་དགེ་བའི་བཤེས་གཉེན་གསེར་རིའི་ཕྲེང་ཚོགས་ལྟ་བུའི་དབུས་ནས་༸བཤེས་གཉེན་ཆེན་མོ་དྲང་སྲོང་ཟླ་བ་དར་རྒྱས་མཆོག་བསྟན་སྲུང་དམ་ཅན་རྒྱ་མཚོས་༸ཞྭ་དཀར་བསྟན་པའི་གཙུག་རྒྱན་༸རྒྱལ་བ་སྨན་རི་བའི་ཁྲི་འཛིན་སོ་བཞི་པར་བསླུ་མེད་ལུང་རྟགས་སུ་བསྩལ་བ་བཞིན། རིང་མིན་ཕྱི་ལོ་༢༠༡༨ཕྱི་ཟླ་༠༢་ཚེས་༢༠་དང་། བོད་ས་ཕོ་ཁྱི་ལོའི་བོད་ཟླ་དང་པོའི་ཚེས་ལྔ་སྟེ་རྒྱལ་བ་གཉིས་པ་མཉམ་མེད་ཆེན་པོའི་སྐུ་ཡི་འཁྲུངས་ཚེས་དགེ་བའི་ཉིན་མོར་༸གཡུང་དྲུང་བོན་གྱི་གདན་ས་ཆེན་མོ་༸དཔལ་གཤེན་བསྟན་སྨན་རིའི་གླིང་དུ་རིན་པོ་ཆེ་གང་ཉིད་༸རྒྱལ་བ་སྨན་རི་བའི་གསེར་ཁྲིར་ཁྲི་འདོན་མངའ་གསོལ་མཛད་སྒོ་སྤེལ་རྒྱུ་ཐུགས་གཏན་ཁེལ་ཟིན་པ་ལགས་ན། ལྷན་རྒྱས་རྣམས་དེ་ལུགས་མཛད་སྒོར་ངེས་ཕེབས་ཡོང་བར་མཁྱེན་མཁྱེན་ཞུ།

༸དབུས་གཡུང་དྲུང་བོན་འཛིན་སྐྱོང་ལྷན་ཚོགས་ནས།
ཕྱི་ལོ་༢༠༡༨ ཟླ་༠༡ ཚེས་༡༥ ཉིན་ཕུལ།

862 total views, 2 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།