༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་བཞི་པ་མཆོག་སྐལ་བཟང་གསེར་ཁྲིར་མངའ་གསོལ་གྱི་མཛད་རིམ་ཁག་གཤམ་གསལ།

༡༽ བོད་ས་ཕོ་ཁྱི་ལོའི་བོད་ཟླ་དང་པོའི་ཚེས་ལྔ་དང་། ཕྱི་ལོ་ ༢༠༡༨ ཟླ་ ༠༢ ཚེས་ ༢༠ ཉིན་ཏེ་རྒྱལ་བ་མཉམ་མེད་ཆེན་པོའི་འཁྲུངས་མཆོད་དུས་ཚེས་བཟང་པོར་ཞོགས་པ་ཕྱག་ཚོད་ ༧ པའི་ཐོག་༸ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་མཆོག་སྐལ་བཟང་གསེར་ཁྲིར་མངའ་གསོལ་གནང་རྒྱུ།
༢༽ སྔ་དྲོའི་ཕྱག་ཚོད་ ༧།༣༠ ཐོག་མཛད་སྒོའི་སྐུ་མགྲོན་གཙོ་བོ་རང་གཞུང་ཆོས་རིག་བཀའ་བློན་མི་རྗེ་སྐུ་ངོ་གཡུ་ཐོག་ཀརྨ་དགེ་ལེགས་མཆོག་ནས་མཛད་སྒོ་དང་འབྲེལ་བའི་བཀའ་སློབ་བསྩལ་གནང་རྒྱུ།
༣༽ སྔ་དྲོའི་ཕྱག་ཚོད་ ༧།༤༠ ཐོག་༸ཞྭ་དཀར་བསྟན་པའི་གཙུག་རྒྱན་༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་རིན་པོ་ཆེ་མཆོག་ནས་བཀའ་སློབ་གསོལ་བསྩལ་གནང་རྒྱུ།
༤༽ སྔ་དྲོའི་ཕྱག་ཚོད་ ༩ པའི་ཐོག་སྐབས་བཅུ་དགུ་པའི་བཀའ་རམས་པས་སྔོན་འགྲོའི་གཞུང་བཤད་གྱེར་གནང་རྒྱུ།
༥༽ སྔ་དྲོའི་ཕྱག་ཚོད་ ༡༠ པའི་ཐོག་བླ་སྤྲུལ་དགེ་བའི་བཤེས་གཉེན་རྣམས་དབུས་པའི་འདུས་སྡེ་རྒྱ་མཚོ་རྣམས་ནས་གསོ་སྦྱོང་གི་ཆོ་ག་གསུང་རྒྱུ་དང་དེ་རྗེས་གླིང་སྐོར་ལ་ཕེབས་གནང་རྒྱུ།
༦༽ ཉིན་གུང་ཕྱག་ཚོད་ ༡ ནས་ ༣ བར་༧སྐྱབས་རྗེ་སྨན་རིའི་ཁྲི་འཛིན་སོ་བཞི་པ་མཆོག་གསེར་ཁྲི་གཞན་རྣམས་ལ་ཞབས་བཀོད་གནང་རྒྱུ།
༧༽ ཕྱི་དྲོའི་ཕྱག་ཚོད་ ༣ ཐོག་བཀའ་རམས་པས་བཀྲ་ཤིས་གསོལ་གནང་རྒྱུ།
༨༽ ཕྱི་དྲོའི་ཕྱག་ཚོད་ ༦ ཐོག་འདུས་སྡེ་རྒྱ་མཚོས་སྨོན་ལམ་གསུང་གནང་རྒྱུ་བཅས་སོ།

 

1,204 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།