སྐབས་དང་པོའི་བོད་ལྗོངས་ལྷ་ས་མངའ་རིས་ཞང་ཞུང་རིག་གནས་རྒྱལ་སྤྱིའི་རིག་གཞུང་དཔྱད་གླེང་ཚོགས་འདུའི་དཔྱད་རྩོམ་བསྡུ་ལེན་གྱི་བརྡ་ཐོ།

བོད་འདི་ཉིད་ཀྲུང་གོའི་ནུབ་རྒྱུད་དང་། དེའི་ལོ་རྒྱུས་རིག་གནས་རྒྱུན་འཛིན་འཕེལ་རྒྱས་ནི་རྒྱལ་ཁབ་ཕྱི་ནང་གི་དོ་ཁུར་བྱེད་ས་གཙོ་བོ་ཞིག་ཡིན། དེ་སྔ་མཚོ་བོད་མཐོ་སྒང་དུ་དར་རྒྱས་བྱུང་མྱོང་ཡོད་པའི་ཞང་ཞུང་རིག་གནས་ནི་དུས་རབས་བརྒྱད་པའི་སྔོན་ན་བོད་ཀྱི་གཙོ་རྒྱུག་རིག་གནས་ཤིག་ཡིན་ལ། དེང་ཡང་དར་ལ་རྩི་མར་ཟིན་པ་བཞིན་བོད་ཀྱི་ཤེས་རིག་གི་ཆུ་ཀླུང་ཆེན་པོའི་ཀློང་ན་འདྲེས་ནས་ཡོད། གཞན་ཡང་ཤེས་རིག་དེས་མཐའ་སྐོར་རྒྱལ་ཁབ་རིག་གནས་ཀྱི་འཕེལ་རྒྱས་ལ་གཏིང་ཟབ་པའི་ཤུགས་རྐྱེན་ཐེབས་ཡོད། ལྷག་པར་དུ་དེང་རབས་ཀྲུང་གོས་ལག་བསྟར་བྱེད་བཞིན་པའི་“རྒྱུད་གཅིག་ལམ་གཅིག”འཕེལ་རྒྱས་ཀྱི་འཐབ་ཇུས་གལ་ཆེའི་རྒྱབ་ལྗོངས་འོག་དང་། ཞང་ཞུང་རིག་གནས་དང་། དཔལ་འབྱོར་སྤྱི་ཚོགས་ཀྱི་འཕེལ་རྒྱས། དེ་བཞིན་རྒྱལ་ཁབ་(ས་ཁུལ་)གཞན་དག་བར་གྱི་འབྲེལ་བ་ལ་ཞིབ་འཇུག་བྱ་རྒྱུ་ནི་དམིགས་བསལ་གྱི་གལ་ཆེའི་དོན་སྙིང་དང་ལྡན་པ་ཞིག་ཡིན། བོད་ཀྱི་ལོ་རྒྱུས་དང་རིག་གནས་ལ་ཞིབ་འཇུག་དང་སྔོག་འདོན་གཏིང་ཟབ་བྱ་ཆེད། ཞང་ཞུང་རིག་གནས་ཀྱི་སྲུང་སྐྱོང་དང་ཞིབ་འཇུག་ལ་སྐུལ་འདེད་ཤུགས་ཆེན་བཏང་སྟེ། བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཆེན་པོ་དང་དར་རྒྱས་ཆེན་པོ་ཡོང་བར་ཞབས་འདེགས་ཞུ་དགོས། དེ་སྔ་“སྐབས་དང་པོ་དང་གཉིས་པའི་བོད་ལྗོངས་ལྷ་སའི་ཞང་ཞུང་རིག་གནས་རྒྱལ་ནང་གི་རིག་གཞུང་དཔྱད་གླེང་ཚོགས་འདུ”ལེགས་གྲུབ་བྱུང་བའི་རྨང་གཞིའི་སྟེང་། ད་ལྟ་རྒྱལ་སྤྱི་ཚོགས་འདུ་ཞིག་༢༠༡༨ལོའི་ཟླ་བ་དྲུག་པའི་ཚེས་༡༦ཉིན་ནས་ཚེས་༡༨བར་བོད་ལྗོངས་ལྷ་སའི་གཙང་ཡུལ་དཀྱིལ་འཁོར་སྐུ་ལྷ་དར་གདོང་གསོལ་མགྲོན་ཁང་ཆེན་དུ་སྐོང་འཚོག་བྱ་རྒྱུ་ཡིན། ད་ཆ་སྤྱི་ཚོགས་ལས་རིགས་ཁག་གི་ཞང་ཞུང་རིག་གནས་ཀྱི་ཆེད་མཁས་པ་དང་། རིག་པ་སྨྲ་བ། མཉེས་པོ་གནང་མཁན་དང་བཅས་ཀུན་ལ་དཔྱད་རྩོམ་བསྡུ་ལེན་གྱི་བརྡ་ཐོ་དངོས་སུ་བཏང་བ་ཡིན།

གཅིག ཚོགས་འདུའི་མིང་།
“སྐབས་དང་པོའི་བོད་ལྗོངས་ལྷ་ས་-མངའ་རིས་ཞང་ཞུང་རིག་གནས་རྒྱལ་སྤྱིའི་རིག་གཞུང་དཔྱད་གླེང་ཚོགས་འདུ།”
གཉིས། གཙོ་གཉེར་ལས་ཁུངས།
ལྷ་ས་གྲོང་ཁྱེར་མི་དམངས་སྲིད་གཞུང་།
མངའ་རིས་ས་གནས་སྲིད་འཛིན་ཀུང་ཧྲུའུ།
གསུམ། རོགས་གཉེར་ཚན་པ།
ཀྲུང་དབྱང་མི་རིགས་སློབ་ཆེན།
བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་།
བོད་ལྗོངས་སློབ་ཆེན།
བཞི། ལས་སྒྲུབ་ཚན་པ།
ལྷ་ས་གྲོང་ཁྱེར་རིག་གནས་ཅུས།
མངའ་རིས་ས་ཁུལ་རིག་དངོས་ཅུས།
ལྔ། དཔྱད་རྩོམ་གྱི་གཙོ་དོན།
༡ ཞང་ཞུང་རིག་གནས་དང་“རྒྱུད་གཅིག་ལམ་གཅིག”
༢ ཞང་ཞུང་རིག་གནས་དང་མཚོ་བོད་ས་མཐོའི་རི་ཆུའི་རིག་གནས།
༣ ཞང་ཞུང་རིག་གནས་དང་ཨེ་ཤེ་ཡ་ལྷོ་མའི་བགྲོད་ལམ།
༤ ཞང་ཞུང་རིག་གནས་དང་གསོ་བ་རིག་པ།
༥ ཞང་ཞུང་རིག་གནས་དང་མངོན་མིན་རིག་གནས་ཤུལ་བཞག
༦ ཞང་ཞུང་དུས་སྐབས་སུ་ལྷ་ས་དང་མངའ་རིས་ཁུལ་གྱི་དཔལ་འབྱོར་དང་རིག་གནས་སྤེལ་རེས།
༧ ཞང་ཞུང་རིག་གནས་སྐོར་གྱི་གཞན་པའི་ཞིག་འཇུག་གི་འབྲས་བུ་གསར་བ།

དྲུག དཔྱད་རྩོམ་གྱི་བླང་བྱ།
༡ དཔྱད་རྩོམ་ནང་དོན་ངེས་པར་དུ་གསར་གཏོད་རང་བཞིན་དང་། དམིགས་བསལ་གྱི་ལྟ་བ། རིག་གཞུང་གི་རིན་ཐང་ལྡན་པ། དུས་དེབ་དང་དྲྭ་བ་སོགས་ཅི་འདྲ་ཞིག་གི་སྟེང་དུའང་འགྲེམས་སྤེལ་བྱས་མེད་པ་ཞིག་ཡིན་དགོས།
༢ དཔྱད་རྩོམ་རེར་ཡིག་འབྲུ་༥༠༠༠ནས་༡༥༠༠༠དབར་དང་། ནང་དོན་གནད་བསྡུས་ངེས་པར་དུ་བོད་རྒྱ་ཡིག་རིགས་གཉིས་ཀྱི་སྒོ་ནས་འབྲི་དགོས་ལ། རྒྱ་ཡིག་འབྲུ་༥༠༠དང་། བོད་ཡིག་ཚེམ་ཁྱིམ་༨༠༠ལས་མ་ཉུང་བ་ཞིག་ཡིན་དགོས།
༣ དཔྱད་རྩོམ་མམ་ནང་དོན་གནད་བསྡུས་གྱི་ཟུར་དུ་རྩོམ་པ་པོ་ངོ་སྤྲོད་མདོར་བསྡུས་ཤིག་འགོད་དགོས་ཏེ། རྩོམ་པ་པོའི་མཚན་དང་། རྟེན། འཁྲུངས་ལོ། ལས་ཁུངས་དང་སློབ་གྲྭ༼སློབ་རིམ། ཆེད་ལས༽ འབྲེལ་གཏུགས་བྱེད་ཡུལ་ས་གནས་དང་། ཁ་པར་ཨང་གྲངས། སྦྲག་ཨང་སོགས་ཀྱི་ཚང་མ་འགོད་དགོས།
༤ བོད་ཡིག་ཧི་གཟུགས་དང་རྒྱ་ཡིག་仿宋_GB2312ཡིན་དགོས།
བདུན། རྩོམ་བསྡུའི་དུས་མཚམས་དང་བྱ་ཐབས།
༡ དཔྱད་རྩོམ་དང་ནང་དོན་གནད་བསྡུས་གློག་རྡུལ་སྦྲག་བསྐུར་གྱི་རྣམ་པར་བརྟེན་ནས། ༢༠༡༨ལོའི་ཟླ་བ་༤ཚེས་༣༠གོང་དུ་བསྐུར་དགོས། སྐུར་ཡུལ། shangshung@qq.comཡིན། དེའི་གཙོ་དོན་དུ་【ཞང་ཞུང་རིག་གནས་རྒྱལ་སྤྱིའི་ཚོགས་འདུ་+རྩོམ་པ་པོ་+དཔྱད་རྩོམ་གྱི་ཁ་བྱང】ཞེས་འགོད་དགོས།
༢ དུས་བཀག་ཐོག་དཔྱད་རྩོམ་མམ་ནང་དོན་གནད་བསྡུས་བསྐུར་མེད་པ་སོགས་ཡིན་ཕྱིན། ད་ཐེངས་ཀྱི་རིག་གཞུང་ཚོགས་འདུར་མི་ཞུགས་པར་བརྩི་རྒྱུ་ཡིན། དུས་བཀག་ནང་འབྱོར་བའི་དཔྱད་རྩོམ་མམ་ནང་དོན་གནད་བསྡུས་རྣམས་སྤྱི་ལོ་༢༠༡༨ལོའི་ཟླ་བ་ལྔ་པའི་ཚེས་༡༥གོང་དུ་འདི་ག་རིག་གཞུང་ཚོ་ཆུང་གིས་ལེགས་འདེམས་བྱས་ནས་ཐེངས་འདིའི་ཚོགས་འདུའི་ནང་ཞུགས་ཐུབ་པའི་རྩོམ་པ་པོ་རྣམས་ལ་གདན་ཡིག་དངོས་སུ་གཏོང་གི་ཡིན།
༣ གཙོ་གཉེར་བའི་འབྲེལ་གཏུགས་ཁ་པར། ༠༨༩༡-༦༩༥༨༩༨༨ ༡༣༩༠༨༩༨༩༧༠༠(ཞུང་ཀརྨ་རྒྱལ་མཚན།)

“སྐབས་དང་པོའི་བོད་ལྗོངས་ལྷ་ས་མངའ་རིས་ཞང་ཞུང་རིག་གནས་རྒྱལ་སྤྱིའི་རིག་གཞུང་དཔྱད་གླེང་ཚོགས་འདུའི”སྒྲིག་ཨུད་ནས་སྤེལ།

 

635 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།