གལ་ཆེའི་གསལ་བསྒྲགས།

                                                                       ༧དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱིས་སྟངས་འཛིན་འོག་༧གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་དཔེ་མཛོད་ཁང་གིས་གོ་སྒྲིག་བྱེད་བཞིན་པའི་གཡུང་དྲུང་བོན་གྱི་སྐོར་བགྲོ་གླེང་ཐེངས་བཅུ་བདུན་པ་འཚོག་གཏན་ཁེལ་བ།  

     དེ་ཡང་“གཡུང་དྲུང་བོན་གྱི་སྐོར་བགྲོ་གླེང་”འདི་ཉིད། དབུས་ཝཱཎཱ་གཙུག་ལག་སློབ་ཆེན་དང་འབུམ་བཞིའི་མཐོ་སློབ་ཁང་། བོན་གཞིས་ཉིན་སློབ་ཀྱི་མཐོ་འབྲིང་སློབ་ཕྲུག་ཁག་དེ་བཞིན་ཕྱོགས་མཐའ་ཁག་ན་བཞུགས་པའི་གཡུང་དྲུང་བོན་གྱི་ཆོས་དང་རིག་གཞུང་སྐོར་ལ་ཐུགས་སྣང་ཟབ་པའི་མཁས་དབང་གཞོན་སྐྱེས་སློག་ཕྲུག་ཁག་གི་དབྱར་ཁའི་གུང་གསེང་དང་སྟབས་བསྟུན་ཏེ་ཆེད་དུ་གོ་སྒྲིག་ཞུ་བཞིན་ཡོད་པ་ལགས་ན། ད་ལོར་ཡང་སློབ་ཕྲུག་ཁག་གི་དབྱར་ཁའི་གུང་གསེང་དང་བསྟུན་ཏེ། གོང་ཟླ་ཚེས་ཉིན་ཏེ་ཉིན་གསུམ་གྱི་རིང་ལ་༧གཡུང་དྲུང་བོན་དཔེ་མཛོད་ཁང་དུ་འཚོག་གཏན་ཁེལ་ཟིན་པས་དེ་བཞིན་བོན་དང་བོན་གྱི་རིག་གཞུང་ལ་ཐུགས་སྣང་ཟབ་པ་རྣམས་དུས་ལྟར་དུ་ངེས་ཕེབས་ཡོང་བར་དགོངས་འཇགས་ཞུ།

        ༧གཡུང་དྲུང་བོན་གྱི་དཔེ་མཛོད་ཁང་གི་ཡིག་ཚང་ནས།

                         ༢༠༡༨།༠༥།༠༥།

 

1,236 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།