གཡུང་དྲུང་བོན་གྱི་དྲྭ་རྒྱ།

མུ་ཁྲི་བཙན་པོའི་དཔྱད་རྩོམ་བདམས་བསྒྲིགས་འགྲེམ་སྤེལ་གནང་བའི་མཛད་སྒོ་སྤེལ་བ།

དཔལ་གཤེན་བསྟན་ཀུན་ཁྱབ་བདེ་ཆེན་གླིང་ ངམ་༧བྱང་བྱ་དུར་དགའ་མལ་དགོན་ཆེན་དུ་སི་ཁྲོན་མི་རིགས་དཔེ་སྐྲུན་ཁང་ནས་པར་ བསྐྲུན་བྱས་པའི་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་ པོའི་དཔྱད་རྩོམ་བདམས་བསྒྲིགས་འགྲེམ་སྤེལ་གནང་བའི་མཛད་སྒོ་སྤེལ་བ། དེ་ཡང་༢༠༡༥ལོའི་ཟླ་བ་༦པའི་ཚེས་༢༩ཉིན་གྱི་སྔ་དྲོ་ཆུ་ཚོད་བཅུ་བའི་སྟེང་མདོ་ སྨད་གཡུང་དྲུང་བོན་གྱི་འདུས་སྡེ་ཆེན་མོ་༧དཔལ་གཤེན་བསྟན་བྱང་བྱ་དུར་དགའ་མལ་ དགོན་ཆེན་གྱི་མ་ཏྲིའི་སྨོན་ལམ་སྒྲུབ་ཆེན་ཉིན་དྲུག་པའི་ཉིན་ལ། གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་པོའི་དཔྱད་རྩོམ་ བདམས་བསྒྲིགས་འགྲེམ་སྤེལ་གནང་བའི་མཛད་སྒོ་སྤེལ།

གཡུང་དྲུང་བོན་གྱི་བཤད་སྒྲུབ་འདུས་སྡེའི་རྒྱུན་ལས་ནས་བོན་གྱི་གལ་ཆེན་ཡིག་ཆ་ཁག་དཔར་བསྐྲུན་ཞུས་པའི་དཔེ་དེབ་ཁག་གི་མཚན་གཞུང་།

༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་ཕྱི་ལོ་༢༠༠༣་ནས་༢༠༡༥ལོའི་བར་དུ་གཡུང་དྲུང་བོན་གྱི་བཤད་སྒྲུབ་འདུས་སྡེའི་རྒྱུན་ལས་ནས་བོན་གྱི་གལ་ཆེན་ཡིག་ཆ་ཁག་དཔར་བསྐྲུན་ཞུས་པའི་དཔེ་དེབ་ཁག་གི་མཚན་གཞུང་གཤམ་གསལ་ལྟར་ཡིན།

སྨན་རིའི་གཡུང་དྲུང་བོན་གྱི་བཤད་སྒྲུབ་འདུས་སྡེས་དཔར་དུ་བསྐྲུན་པའི་དེབ་འཕྲེང་ཁག་གི་མཚན་ཐོ།

༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་ཕྱི་ལོ་༢༠༠༣་ནས་༢༠༡༥ལོའི་བར་དུ་གཡུང་དྲུང་བོན་གྱི་བཤད་སྒྲུབ་འདུས་སྡེའི་རྒྱུན་ལས་ནས་བོན་གྱི་གལ་ཆེན་ཡིག་ཆ་ཁག་དཔར་བསྐྲུན་ཞུས་པའི་དཔེ་དེབ་ཁག་གི་མཚན་གཞུང་གཤམ་གསལ་ལྟར་ཡིན།

གཡུང་དྲུང་བོན་གྱི་བཤད་སྒྲུབ་འདུས་སྡེས་སྐབས་༣༥པས་དཔར་བསྐྲུན་ཞུས་པའི་དཔེ་དེབ་གལ་ཆེན་གསུམ།

དུས་རབས་ཀྱི་གཉན་འཕྲང་དང་གྲུབ་མཐའི་རླུང་འཚུབ་ཁྲོད་དུ་བདེན་དཔང་གི་ཟུངས་ཁྲག་མ་ཉམས། བྱིན་རླབས་ཀྱི་དྲོད་རླངས་མ་ཡལ། རྒྱུད་རིམ་གྱི་ཉག་ཐག་མ་ཆད་པའི་ཕན་དང་བདེ་བའི་འབྱུང་གནས་ཞྭ་དཀར་༧གཡུང་དྲུང་བོན་གྱི་བཤད་སྒྲུབ་ཀྱི་བསྟན་པ་རིན་པོ་ཆེ་ནི་འདི་ནས་བརྩམས་པའི་མི་ལོ་ཆིག་ཁྲི་བརྒྱད་སྟོང་གི་སྔོན་དུ་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་ཆེས་གདུལ་བྱ་སེམས་ཅན་རྣམས་ཀྱི་དོན་དུ་བཀའ་དྲིན་བསྐྱངས་པ་ཞིག་ཡིན། སྟོན་པ་དེ་ཉིད་ཀྱིས་རྟག་གཟིགས་འོལ་མོ་གླིང་ཆེན་རྒྱལ་ས་ཕོ་བྲང་གླིང་བརྒྱད་གཙོས་གླིང་ཕྲན་གྱི་རྒྱལ་ཁབ་དུ་མར་གཡུང་དྲུང་བོན་གྱི་འཁོར་ལོ་བསྐོར་ཞིང་འགྲོ་བ་སེམས་ཅན་རྣམས་ཀྱི་དོན་མཐར་ཕྱིན་པར་མཛད། དེ་རྗེས་རྨད་བྱུང་གསུང་གི་གཉེར་དཔོན་གདུང་སོབ་ཆེན་པོ་མུ་ཆོ་ལྡེམ་དྲུག་སོགས་སྡུད་འཁོར་བཅུ་གསུམ་གྱིས་བཀའ་འཁོར་ཐོག་མཐའ་བར་གསུམ་རྣམས་མདོ་འབུམ་རྒྱུད་མཛོད་བཞི་རུ་ཕྱེས་ནས་ཕྱི་ནང་གསང་གསུམ་དང་སྤངས་བསྒྱུར་གྲོལ་གསུམ་གྱི་སྒོ་ནས་བསྟན་ཏེ།

བོན་སྒོ་འདོན་ཐེངས་ཉེར་དྲུག་པའི་སྔོན་གླེང་གཡུང་དྲུང་སྒོ་ཆེན།

ལོ་དེབ་བམ་དུས་དེབ་ཚད་ལྡན་ཞིག་ཡིན་ཕྱིན་ཆད། བརྗོད་བྱ་སྲིད་འབྱོར་རིག་གསུམ་མམ་དམག་ཚོང་ཆོས་གསུམ་གང་དུ་གཏོགས་རུང་། དེ་ཉིད་སྒྲིག་སྟངས་ལ་ལམ་ལུགས་སམ་སྒྲིག་འཛུགས་ཤིག་བསྲུང་བྱར་མཆི་དགོས་ཏེ། ལུགས་ཁྲིམས་དེ་ལྟར་མ་འཇགས་པའིོ་རིགས་ནི་དུས་དེབ་གཞན་དང་འདྲ་འདྲར་སྣང་ཡང་འགྲིག་འགྲིག་མི་ཡོང་བར་མྱོང་བས་ཤེས། དེས་ན་བོན་སྒོ་ལོ་དེབ་སྒྲིག་ཚུལ་ལའང་རང་ཚུགས་ཀྱི་ཁྲིམས་སྒྲིག་ཅིག་བདོག་པར་སྨོས་སུ་མེད་པས། སུ་ཞིག་ཡིན་རུང་འདི་གར་བསྐུར་རྒྱུའི་རྩོམ་ཡིག་རྣམས་འབྲི་སྒྲིག་གནང་སྐབས་སྟངས་ལུགས་ཀྱི་རྒྱལ་སྒོ་ཆེན་པོ་དེ་ཉིད་བརྒྱུད་ནས་ཕེབས་ན་བོན་སྒོ་ལོ་དེབ་ཀྱིས་ཀྱང་གནས་ལེན་བཟང་བར་བསུ་ངེས་ཡིན་པར་ཐུགས་སུ་འཇགས་གལ་ཆེ།

བོན་སྒོ་འདོན་ཐེངས་ཉེར་ལྔ་པའི་སྔོན་གླེང་གཡུང་དྲུང་དགྱེས་གླུ།

འདི་ནས་ཡར་དེད་ན་མི་ལོ་ཉེར་ལྔ་ཙམ་ཞིག་ཕྱིན་པའི་སྔོན་ཏེ་༡༩༨༧ནས་ད་ལྟ་༢༠༡༢བར་བོན་སྒོ་ལོ་དེབ་འདི་ཉིད་ཀྱི་སྤྱིའི་འདོན་གྲངས་དེ་ཉི་ཤུ་རྩ་ལྔ་པ་རུ་སོན་ཡོད་སྟབས། འདི་ནི་ངེད་རྩོམ་སྒྲིག་ཚོགས་མི་སྔ་ཕྱི་ཀུན་ལ་མཚོན་ན་དགྱེས་སྤྲོའི་གླུ་དབྱངས་ལེན་པའི་སྐལ་བཟང་ཞིག་ཀྱང་ལགས། དེས་ན་ད་ལམ་ངས་ཀྱང་དགའ་བྲོད་ཀྱི་བསྭོ་སྒྲ་སྒྲོག་བཞིན་བོན་སྒོ་ལོ་དེབ་ཀྱི་སྐྱེས་རབས་ཤིག་རོབ་བསྡུས་སུ་གླེང་བར་སྤྲོ།  དེ་ཡང་ྋརྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་སྐུ་ཡི་དབོན་པོ་རྒྱལ་བཙན་ཚང་མཁས་གྲུབ་རྒྱ་མཚོས་རང་རྩོམ་བརྒྱད་དང་གཞན་རྩོམ་གཉིས་རང་གིས་སུག་བྲིས་སུ་བགྱིས་པའི་ཕྱག་བསྟར་མ་དག་སྲབ་ལ་རན་པའི་དེབ་ཆུང་ཞིག་ཏུ་བསྒྲིགས་ནས་བོན་སྒོ་ཞེས་པའི་བླ་དྭགས་ཀྱིས་བརྒྱན་ཏེ་དཔར་དུ་བསྐྲུན་པ་དེ་ནི་བོན་སྒོའི་འཁྲུངས་རབས་ཐོག་མར་གྱུར།

བོན་སྒོ་འདོན་ཐེངས་ཉེར་བཞི་པའི་སྔོན་གླེང་གཡུང་དྲུང་ཚངས་ཐིག

གཡུང་དྲུང་གི་སྨྱུག་མཆེད་ཚོ། ཁྱེད་ཅག་གིས་ཨེ་མཁྱེན། འོ་ཅག་བོན་འབངས་ཡོ་ཀའི་རང་སེམས་སྤྲོ་སྣང་ཁོལ་ཞིང་དགའ་ཚོར་འཕྱུར་འོས་པ་ཞིག་སྟེ། ད་སྐབས་བོད་ཕྱི་ནང་གཉིས་ན་བོད་ཡིག་རྐྱང་པར་བྲིས་ཤིང་སྤེལ་བའི་བོན་གྱི་ལོ་དེབ་ནི་སྣ་ཁ་མི་འདྲ་བ་བཞི་བཅུ་ཞེ་གྲངས་ཤིག་བཏོན་དང་འདོན་བཞིན་མཆིས་ལ། དེ་མཚུངས་སུ་ཚགས་དཔར་རིགས་ཀྱི་ཁ་གྲངས་ཀྱང་ཉི་ཤུ་རྩ་གྲངས་སུ་སོན་འདུག་པས། དེ་ནི་རྩོམ་རིག་ཤེས་ཡོན་གྱི་གནས་ཚད་གོང་འཕེལ་དུ་བསྐྱོད་པའི་དན་རྟགས་སུ་འཁུམས། དེས་ན་རང་ཅག་ཀུན་ཀ་ཅིས་ཀྱང་བྲོད་པར་འོས་སྟབས་མཚམས་འདི་ནས་ལྷ་རྒྱལ་ཞིག་ཀྱང་འཐེན་དུ་རུང་བར་སེམས།

བགྲེས་པོའི་འབེལ་གཏམ་འདོན་ཐེངས་བཅོ་ལྔ་པ།

བགྲེས་པོའི་སྔོན་གླེང་གྱེར་བསྟན་གཡེར་པོ་ཆེ། ཞང་བོད་ཤེས་རིག་གི་འོད་སྣང་ཐོག་མར་སྐྲུན་མཁན་ཏེ། རྩམ་ཟན་མགོ་ནག་པའི་བགྲེས་པོ་ཐོག་མ་གཤེན་རབ་མི་བོ་ཆེ་མཆོག་གིས་གསུངས་པའི་ལུང་རྟོགས་ཀྱི་བསྟན་པ་ཧོས་སྒོ་བརྒྱད་ཁྲི་བཞི་སྟོང་དང། ཐེག་པ་རིམ་དགུ། སྒོ་བཞི་མཛོད་ལྔ། ཕྱི་ནང་གསང་གསུམ། དྲང་ངེས་གཉིས་དང་བཅས་པའི་ཤེས་རིག་དག་ནི། སྟོད་ཀྱི་གངས་དཀར་ཏི་སེ་ལས་ཀྱང་རྔམ་ཆེ་ཞིང་། མ་ཕམ་གཡུ་མཚོའི་མལ་གཞོང་ལས་ཀྱང་གཏིང་ཟབ་པས། ཡ་ཐོག་བསྐལ་པ་བཟང་བའི་དུས་སུ་ཞང་ཞུང་དང་རྟག་གཟིགས་བོད་ཀྱིས་མཚོན་གླིང་ཆེན་ཨེ་ཤི་ཡའི་དབུས་གྱུར་གྱི་ཡུལ་གྲུ་མང་པོར་ས་ཁྱབ་རྡོ་ཁྱབ་ཏུའང་དར་མྱོང་།

བོན་གྱི་ལོ་རྒྱུས་མདོར་བསྟན་གནད་ཀྱི་ཕྲེང་བ་ལ་བྱ་དགའ་ཨང་དང་པོ་ཐོབ་པ།

པེ་ཅིན་གྲོང་ཁྱེར་སྐབས་བཅུ་གསུམ་པའི་མཚན་ཉིད་རིག་པ་དང་སྤྱི་ཚོགས་ཚན་རིག་ཞིབ་འཇུག་སྔོན་ཐོན་གྲུབ་འབྲས་གཟེངས་བསྟོད་བྱ་དགའི་ནང་ཀྲུང་དབྱང་མི་རིགས་སློབ་གྲྭ་ཆེན་མོ་བོད་རིག་པའི་སློབ་གླིང་གི་གླིང་གཙོ་ཞིབ་འཇུག་པ་ཆེན་མོ་རྒྱལ་སྤྱིའི་བོད་རིག་པའི་མཁས་དབང་སྟོང་སྐོར་ཚེ་རིང་ཐར་དང་། བོད་ལྗོངས་སྤྱི་ཚོགས་ཚན་རིག་ཞིབ་འཇུག་ཁང་གི་ཞིབ་འཇུག་པ་ཆེན་མོ་དོན་གྲུབ་ལྷ་རྒྱལ་རྣམ་གཉིས་ཀྱིས་བརྩམས་པའི་༼བོན་གྱི་ལོ་རྒྱུས་མདོར་བསྟན་གནད་ཀྱི་ཕྲེང་བ་༽

ཐོ་རངས་སྐར་ཆེན་ཞེས་པའི་ལོ་དེབ།

༢༠༡༤ལོའི་ཟླ་བ་༡༠ཚེས་༡༨ཉིན་ཞོགས་པར་སྦྲ་ཆེན་རྫོང་སློབ་འབྲིང་གི་ཐེངས་བཞི་པའི་རིག་དེབ་འགྲེམས་སྟོན་དང་རྐང་འཛིན་རྩོམ་པ་པོར་བྱ་དགའི་མཛད་སྒོ་ཟབ་རྒྱས་ངང་འཚོགས་ཤིང་ཐེངས་འདིའི་མཛད་སྒོའི་ཐོག་སྦྲ་ཆེན་རྫོང་སློབ་གསོའི་དབུ་འཛིན་པདྨ་དབང་འདུས་མཆོག་གཙོས་པའི་འབྲེལ་ཡོད་སློབ་གསོའི་དོ་དམ་མི་སྣ་དང་རྫོང་སློབ་འབྲིང་གི་དབུ་ཁྲིད་སོགས་ཀྱིས་རིག་དེབ་ཁྲོད་ཀྱི་རྐང་འཛིན་རྩོམ་པ་པོ་རྣམས་ལ་བྱ་དགའི་གཟེངས་རྟག་ཕུལ་བ་དང་འབྲེལ་སླད་རྩོམ་འབྲིའི་ལམ་ཁར་སྙེགས་ཏེ་སྤྱི་ཚོགས་ཁྱོན་ཡོངས་ལ་ལེགས་སྐྱེས་འབུལ་ཐུབ་པའི་མི་སྣ་ཞིག་བྱེད་རྒྱུར་རེ་བ་ནན་པོ་བཅོལ་སོང་།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲ་རྒྱ་ངོ་སྤྲོད།

གཡུང་དྲུང་བོན་གྱི་དྲ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲ་ཚིགས་ཤིག་ཡིན།

གཡུང་དྲུང་བོན་གྱི་དྲྭ་རྒྱའི་ངོ་སྤྲོད།