འཕྲིན་གསར།



༧གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་ལེགས་པར་གྲུབ་པ།

 དེ་ཡང་གཤེན་གྱི་འབྱུང་ལྡན་༣༠༡བོད་ས་ཁྱི་ལོའི་ཟླ་བ་ ༡༡ པའི་ཚེས་ ༡༧ ཉིན་སྟེ་ཕྱི་ལོ་ ༢༠༡༨ ཟླ་ ༡༢ ཚེས་༢༤ཉིན་གྱི་ཞོགས་པའི་ཕྱག་ཚོད་བརྒྱད་དང་ཕྱེད་ཀ་ནས་དབུ་འཛུགས་ཐོག་༧ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་ལས་འཛིན་གྲྭ་སོ་སོ་ལ་གཞུང་སོ་སོའི་རྩ་གཞུང་ངག་རྒྱུགས་བཏང་ཡོད་པ་དང་། ཕྱི་ཚེས་ ༢༥ ཉིན་ནས་འཛིན་གྲྭ་སོ་སོ་ལ་གཞུང་སོ་སོའི་འགྲེལ་བ་འབྲི་རྒྱུགས་བཏང་ཡོད་པ་བཅས་ཀྱི་གནས་ཚུལ།སྨན་རིའི་གླིང་གི་ཡིག་རྒྱུགས་གཏོང་ཕྱོགས་སྐོར་ལ་སྨན་རིའི་བཤད་སྒྲུབ་མཁན་ཟུར་དགེ་བཤེས་གཤེན་བསྟན་རབ་གསལ་ལགས་ཀྱིས་ངོ་སྤྲོད་གནང་བ།

རྩ་བའི་ལོ་གཅིག་གི་ནང་ལོ་ཕྱེད་ཡིགས་རྒྱུགས་དང་ལོ་འཁོར་ཆེན་མོའི་ཡིག་རྒྱུགས་གཉིས་ཡོད། དེ་གཉིས་ལ་རྩ་ཐོབ་ཨང་གྲངས་ངག་རྒྱུགས་ལ་ཨང་ཐོབ་ལྔ་བཅུ་དང་། འབྲི་རྒྱུགས་ལ་ལྔ་བཅུ། རྩོད་རྒྱུགས་ལ་ལྔ་བཅུ། རིག་གནས་ལ་བཞི་བཅུ་བཅས་ཁྱོན་བསྡོམ་ཨང་གྲངས་(༡༩༠)ཡོད། ཡིག་ཚད་གཏོང་བའི་ཟླ་དུས་ནི་ལོ་ཕྱེད་ཡིག་རྒྱུགས་བོད་ཟླ་ལྔ་པའི་ཚེས་ཉེར་ལྔ་ནས་གནམ་གང་བར་དང་། ལོ་འཁོར་ཡིག་རྒྱུགས་ཆེན་མོ་བོད་ཟླ་བཅུ་གཅིག་པའི་ཚེས་བཅུ་དྲུག་ནས་ཉི་ཤུ་བར་ཁྱོན་བསྡོམ་ཉིན་གྲངས་བཅུ་ཡིན།

ཡིག་རྒྱུགས་ལ་འབྲི་རྒྱུགས་དང་ངག་རྒྱུགས་རྩོད་རྒྱུགས་གསུམ་ཡོད། འབྲི་རྒྱུགས་ནི་གཏན་འབེབས་གཞུང་ཁྲིད་ཀྱི་རྒྱུགས་ཤོག་ཁག་དྲི་བ་རྣམས་ལ་ལན་འབྲི་གནང་རྒྱུ་དང་། ངག་རྒྱུགས་ནི་རང་ཉིད་གཞུང་ཁྲིད་གང་དུ་སླེབས་པའི་རྩ་གཞུང་དེའི་དྲི་བ་ཁག་ལས་ངག་ཐོག་ནས་རྩ་གཞུང་ལྟར་ཆད་ལྷག་མེད་པར་འབྲི་དགོས། ལོ་རིམ་དང་པོ་ཟླ་དྲུག་སྔ་མར་འབྲི་རྒྱུགས་མི་དགོས་ངག་རྒྱུགས་ནི་ཐུན་མོང་བསྡུས་གྲྭའི་སྤྱིར་བསྟན་ལས་མཚན་ཉིད་བརྒྱ་དང་ཉེར་ལྔ་ནང་གི་དྲི་བ་ཁག་ངག་ཐོག་ནས་རྒྱུགས་འབུལ་དགོས། ཟླ་དྲུག་ཕྱི་མའི་ངག་རྒྱུགས་ནི་རིག་ལམ་ཆེ་འབྲིང་ཆུངགསུམ་ལས་ས་བཅད་དང་བཤད་བྱའི་གཞུང་གི་སྡོམ་ཚིག་གི་དྲི་བ་ཁག་ལ་ལན་འབྲི་དགོས། རྩོད་རྒྱུགས་ནི་རྒྱུགས་སྤྲོད་གནང་སྟངས་མི་འདྲ་བ་ཁག་གཉིས་ཡོད།

དང་པོ་ནི་ལོ་འཁོར་མའི་ནང་སྔོན་འགྲོ་དངོས་གཞི་གཉིས་བསྡོམ་གྱི་བདུན་རེའི་དམ་བཅའ་དྲུག་ལ་འབྱོར་ཐོ་མ་འཁོད་ཚེ་རྩོད་རྒྱུགས་མ་འཕྲོད་པ་དང་དེ་མིན་གྱི་ སློབ་གཉེར་བ་རྣམས་རྩོད་རྒྱུགས་འཕྲོད་པའི་ཐོབ་ཆའི་ཨང་གྲངས་སྤྲད་རྒྱུ་དང་། གཉིས་པ་ནི་ལོ་རིམ་སོ་སོའི་གཞུང་ཆེན་ཁག་ལས་དཀའ་གནད་དང་དགོས་པ་ཆེ་ཁག་ལས་ལོ་རིམ་རེར་དྲི་བ་བརྒྱད་ཅུ་ལས་མ་ཉུང་བར་བཟོ་སྐྲུན་གྱིས་ཟླ་བ་གཉིས་ཀྱི་སྔོན་སློབ་གཉེར་བའི་ཕྱག་ཏུ་བཀྲམ་ནས་བརྡར་ཤ་ལེགས་པར་གཅོད་དགོས་པ་ཟད་དངོས་གཞི་རྩོད་རྒྱུགས་སྐབས་སུ་དྲི་བ་དེ་དག་༧སྐྱབས་རྗེ་དཔོན་སློབ་རིན་པོ་ཆེའི་མདུན་ཅོག་ཐོག་ཤོག་སྒྲིལ་དུ་སྒྲིག་པ་ལས་སློབ་གཉེར་བ་སོ་སོས་བླངས་ནས་༧སྐྱབས་རྗེ་དཔོན་སློབ་རིན་པོ་ཆེའི་ཕྱག་ཏུ་འབུལ་བཞེས་ཀྱི་སྒྲོགས་སྦྱོང་མཛད་པ་ལྟར་ཚད་གསུམ་ རིག་པའི་ལམ་ནས་རྩོད་པ་གནང་རྒྱུ་དང་རྩོད་པ་ལེགས་མིན་ལ་ལྟོས་ནས་ཨང་ཐོབ་སྤྲད་དགོས་པ་བཅས་ཡིན། ལོ་རིམ་སྤར་ཕྱོགས་ནི་རྩ་བའི་ཡིག་རྒྱུགས་ཀྱི་ཐོབ་ཆའི་ཨང་གྲངས་གཅིག་བརྒྱ་དགུ་བཅུ་ལོན་པ་མ་ཟད་ལོ་འཁོར་མའི་ནང་དཔེ་ཁྲིད་དང་འཆད་རར་སོ་སོར་ཉིན་གྲངས་བརྒྱ་ཆ་བདུན་ཅུ་ལོན་པ་དང་སྔོན་འགྲོ་དངོས་གཞི་གཉིས་བསྡོམ་གྱི་དམ་བཅའ་དྲུག་ལས་མང་བ་མ་ཆད་པའི་ལོ་འཁོར་ཡིག་རྒྱུགས་ཆེན་མོའི་གསར་བསྒྲགས་བྱུང་བའི་སློབ་གཉེར་བ་རྣམས་ལོ་རིམ་གོང་སྤར་བྱ་རྒྱུ་དང་།

དེ་ལྟ་བུར་ཆ་རྐྱེན་མ་ཚང་པའི་རིགས་རང་གནས་སུ་བཞུགས་རྒྱུ་ལས་ལོ་རིམ་གོང་སྤར་བྱ་མི་འོས། གཞན་ཡང་གསར་ཞུགས་པ་ཁག་གཅིག་ཚོགས་དང་འཆད་ར་དཔེ་ཁྲིད་སོགས་བརྒྱ་ཆ་འདེངས་མིན་ལ་མ་བལྟོས་པར་ལོ་རིམ་གོང་སྤར་ཆོག་པའི་དམིགས་གསལ་ཡོད་དེ་ཡང་འདི་ལྟར་དགོན་སྡེ་གཞན་དུ་མཚན་ཉིད་སྦྱོངས་མྱོང་ཡོད་པ་གང་ཞིག་རང་གི་སློབ་ཚན་དང་འབྲེལ་བའི་འདིར་ལོ་རིམ་ཁག་ཏུ་འཛུལ་ཞུགས་བྱ་འདོད་ཡོད་རིགས། བསྡུས་གྲྭ་ནས་བཟུང་རང་ཉིད་འཛུལ་ཞུགས་བྱ་འདོད་ཡོད་པའི་ལོ་རིམ་ཁག་གི་གཏན་འབེབས་ཀྱི་ཡིག་ཆ་ལས་ངག་རྒྱུགས་དང་འབྲི་རྒྱུགས་བཅས་རྒྱུགས་འབུལ་བཞེས་རྒྱུ་དང། དེའང་གལ་ཏེ་ལོ་རིམ་འོག་མའི་ཁྲིད་གཞུང་གང་ཞིག་རྒྱུགས་མ་འཕྲོད་པ་བྱུང་ཚེ་དེའི་མཚམས་སུ་བཞུགས་རྒྱུ་ལས། དེ་ཡན་ཆད་འཛུལ་ཞུགས་གནང་ན་མི་འཐུས། དེ་མིན་གསར་ཞུགས་གྲྭ་རྒྱུན་གང་ནས་ཕེབས་རུང་། དེ་སྔ་མཚན་ཉིད་སྦྱོངས་མྱོང་མེད་ཀྱང་ལོ་ཕྱེད་ཡིགས་རྒྱུགས་མ་བཏང་སྔོན་འབྱོར་བ་གང་ཞིག་རང་ལ་ཡིག་རྒྱུགས་གཏོང་རྒྱུའི་འདོད་བློ་ཡོད་ཚེ་ལོ་རིམ་དང་པོའི་རྒྱུགས་སྤྲོད་ཆོག་པ་དམིགས་གསལ་ཡོད། དེ་མིན་ཟླ་དྲུག་ཕྱི་མའི་འགོར་འབྱོར་རིགས་ཡིག་ཚད་ཀྱི་སྒྲིགས་གཞི་རིན་པོ་ཆེའི་དགོངས་དོན་བཞིན་ལོ་འཁོར་ཡིག་རྒྱུགས་གཏོང་འཐུས་མིན། ཞེས་གསུངས་པ་ལྟར་རོ། །

 

713 total views, 2 views today



༧སྐྱབས་རྗེ་སྨན་རིའི་ཁྲི་འཛིན་རིན་པོ་ཆེ་མཆོག འབྲས་ལྗོངས་ཀྱི་ཕྱོགས་སུ་ཆིབས་བསྒྱུར་དང་བཀའ་དབང་ཟབ་མོ་བཀའ་དྲིན་བསྩལ་གནང་བ།

དེ་ཡང་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་༧འབྲས་ལྗོངས་སོག་གཡུང་དྲུང་གླིང་གི་མཁན་པོ་ཡོན་ཏན་རྒྱ་མཚོ་མཆོག་དང་ཞུ་རི་ཞིང་གཡུང་དྲུང་ཀུན་གྲགས་གླིང་གི་དགེ་རྒན་དགེ་བཤེས་ཡེ་ཤེས་རྒྱ་མཚོ་རྣམ་གཉིས་ཀྱིས་གདན་ཞུས་ལྟར་ཕྱི་ལོ་༢༠༡༨ཟླ་༡༠པའི་ཚེས་༡༥ཉིན་གྱི་སྔ་དྲོའི་ཕྱག་ཚོད་༡༡ཙམ་ལ་གོང་འཁོད་བཞིན་༧འབྲས་ལྗོངས་སོག་གཡུང་དྲུང་གླིང་དགོན་དུ་ཞབས་སོར་བདེ་བར་བཀོད་པ་དང་། རྩོམ་ཡིག་འདིའི་འཕྲོ་ཀློག » »

1,561 total views, 2 views today



༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་སྨན་རིའི་ཁྲི་འཛིན་རིན་པོ་ཆེ་མཆོག་རྒྱ་གར་གྱི་མངའ་ཁོངས་(Sikkimའབྲས་ལྗོངས་)སུ་བསྟན་འགྲོའི་དོན་དུ་མཛད་འཕྲིན་སྐྱོང་བ།

༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་ཕྱི་ལོ་༢༠༡༨ཟླ་བ་༡༠པའི་ཚེས་༡༣ཉིན་(ཅང་དྷི་གྷར་Chandigarh) ནས་རྒྱ་གར་གྱི་རྒྱལ་ས་(ལྡི་ལིར་Delhi)ཕེབས་འབྱོར་བྱུང་བ་དང་། རྩོམ་ཡིག་འདིའི་འཕྲོ་ཀློག » »

3,142 total views, 3 views today



༧སྐྱབས་རྗེ་སྨན་རིའི་དཔོན་སློབ་རིན་པོ་ཆེ་ནས་གནང་བའི་ཐུགས་གསོའི་འཚམས་འཕྲིན།

 

དུས་འགྱུར་གྱི་རྗེས་སུ་བོད་ཕྱི་ནང་གཉིས་ཀར་རླུང་ལྟར་གྲགས་པ་རྫོགས་ཆེན་པ་ཆོས་རྒྱལ་མཁས་དབང་ནམ་མཁའི་ནོར་བུ་རིན་པོ་ཆེ་མཆོག་སྐུ་གཤེགས་པའི་གནས་ཚུལ་གོ་ཐོས་བྱུང་བར་ཧ་ཅང་གི་བློ་ཕམ་ཆེན་པོ་བྱུང། དེ་ནི་ང་དང་ཁོང་གི་སློབ་མ་དང་ནང་མི་ལྟོས་བཅས་ཙམ་མ་ཡིན་པར། ཞང་བོད་ཀྱི་ཤེས་རིག་ལ་དོ་སྣང་ཅན་དང་ནང་སེམས་ཀྱི་ཞི་བདེ་ལ་དགའ་བའི་རྒྱལ་ཕྱི་ནང་གི་སྐྱེ་བོ་སྟོང་ཕྲག་མང་པོར་གྱོང་གུད་ཚབ་ཆེན་ཞིག་བྱུང་བར་ངོས་འཛིན་ཞུ་བཞིན་ཡོད། ཁོང་གིས་རང་མི་རིགས་ལ་དགའ་ཞེན་ལྷག་བསམ་དྲི་མ་མེད་པར་བཅང་སྟེ་བོད་མི་རིགས་ཀྱི་ཤེས་རིག་ཕུན་སུམ་ཇེ་ཚོགས་སུ་བཏང་བར་མ་ཟད། དེ་ཡང་བོད་ཀྱི་གཏམ་དཔེར། གནའ་སྲིད་པ་ཆགས་པའི་གངས་དཀར་ལས། རྩོམ་ཡིག་འདིའི་འཕྲོ་ཀློག » »

3,668 total views, 4 views today



མཁས་དབང་ཆོས་རྒྱལ་ནམ་མཁའི་ནོར་བུ་སྐུ་གཤེགས་འདུག

མཁས་དབང་ཆོས་རྒྱལ་ནམ་མཁའི་ནོར་བུ་ཕྱི་ཟླ་༩ པའི་ཚེས་༢༧ གྱི་དགོང་མོ་ཡུལ་དེའི་ཆུ་ཚོད་༩ དང་སྐར་མ་༡༠ ཐོག་ནུབ་ཕྱོགས་ཡུ་རོབ་ཀྱི་རྒྱལ་ཁབ་ཨི་ཊ་ལིར་ཡོད་པའི་ཁོང་གི་གདན་ས་མེ་རི་སྒར་ནས་དགོངས་པ་རྫོགས་འདུག

མཁས་དབང་ཆོས་རྒྱལ་ནམ་མཁའི་ནོར་བུ་རིན་པོ་ཆེ་ནི། ཕྱི་ལོ་༡༩༣༨ ལོར་བོད་ཁམས་སྡེ་དགེ་འཇོ་མདའ་རྫོང་ཁོངས་སུ་འཁྲུངས་ཡོད་ཅིང་། ཕྱི་ལོ་༡༩༥༧ ལོར་ལྷོ་ནུབ་མི་རིགས་སློབ་གླིང་གི་བོད་ཡིག་སྡེ་ཁག་གི་དགེ་རྒན་གནང་། ཕྱི་ལོ་༡༩༥༧ ལོར་རྒྱ་གར་འབྲས་ལྗོངས་དུ་ཕེབས་ནས་དེ་གར་བོད་ཡིག་སློབ་དེབ་གསར་དུ་བསྒྲིགས། ཕྱི་ལོ་༡༩༦༤ ལོར་ཨི་ཊ་ལིའི་ཤར་ཕྱོགས་སློབ་གྲྭ་ཆེན་མོའི་བོད་ཀྱི་སྐད་ཡིག་དང་རྩོམ་རིག་ཆེད་ལས་ཀྱི་དགེ་རྒན་ཆེན་མོའི་འགན་བཞེས། ཕྱི་ལོ་༡༩༨༡ ལོར་རྫོགས་པ་ཆེན་པོའི་‘རིག་གནས་མཐུན་ཚོགས་’ཞེས་པ་གསར་འཛུགས་བྱས། ཕྱི་ལོ་༡༩༨༨ ལོར་ཤར་ཕྱོགས་རིག་གནས་སྐོར་ལ་ཆེད་དམིགས་ཀྱིས་‘ཞང་ཞུང་དཔེ་སྐྲུན་ཁང་’ཞེས་པ་ཞིག་གསར་ཏུ་བཙུགས། ཕྱི་ལོ་༡༩༨༩ ལོར་‘ཞང་ཞུང་ཞིབ་འཇུག་ཁང་’ཞིག་གསར་འཛུགས་བྱས། ཕྱི་ལོ་༡༩༩༦ ལོར་ཁོང་གི་ཆེད་རྩོམ་སྐད་གྲགས་ཆེ་ཤོས་‘ཞང་བོད་ལོ་རྒྱུས་ཏི་སེའི་འོད་’ཞེས་པ་དེ་དཔར་བསྐྲུན་བྱས། ད་དུང་ཁོང་གི་བརྩམ་ཆོས་ལ། བོད་ཀྱི་ལོ་རྒྱུས་ལས་འཕྲོས་པའི་གཏམ་མུ་ཏིག་ཕྲེང་བ། བོད་རིགས་གཞོན་ནུ་རྣམས་ལ་གྲོས་སུ་འདེབས་པ་གཟི་ཡི་ཕྲེང་བ། ཞང་བོད་གནའ་རབས་ཀྱི་ལོ་རྒྱུས་ནོར་བུའི་མེ་ལོང་། རྩ་རླུང་འཕྲུལ་འཁོར་ཉི་ཟླ་ཁ་སྦྱོར། བྱང་འབྲོག་ལམ་ཡིག རྫོགས་པ་ཆེན་པོ་དང་ཏིང་ངེ་འཛིན་སོགས་ཡོད་པ་རེད རྩོམ་ཡིག་འདིའི་འཕྲོ་ཀློག » »

5,464 total views, 2 views today



གཡུང་དྲུང་བོན་མཉམ་འབྲེལ་ལྷན་ཚོགས་སྐབས་གཉིས་པའི་རྒྱས་འཛོམས་ཚོགས་ཆེན་ཐེངས་གཉིས་པ་དང་། གཡུང་དྲུང་བོན་གཡས་རུའི་འཆད་རྩོད་ཆེན་མོ་ཐེངས་གཉིས་པ།

གཡུང་དྲུང་བོན་མཉམ་འབྲེལ་ལྷན་ཚོགས་སྐབས་གཉིས་པའི་རྒྱས་འཛོམས་ཚོགས་ཆེན་ཐེངས་གཉིས་པ་དང་། གཡུང་དྲུང་བོན་གཡས་རུའི་འཆད་རྩོད་ཆེན་མོ་ཐེངས་གཉིས་པ། ཞང་བོད་ཤེས་རིག་གཞུང་བརྒྱའི་བགྲོ་གླེང་ཆེན་མོ་ཐེངས་གཉིས་པ་བཅས་ཚོགས་ཆེན་གསུམ་དང་། སྣང་ཞིག་དགོན་དུ་མཚན་ཉིད་བཙུགས་ནས་ལོ་འཁོར་བརྒྱ་ལོན་པའི་རྟེན་འབྲེལ་མཛད་སྒོ་ལྷན་དུ་སྤེལ་པ། རྩོམ་ཡིག་འདིའི་འཕྲོ་ཀློག » »

1,503 total views, 2 views today



༧གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་དྲི་མེད་གཤེན་གྱི་དཀའ་ཐུབ་ཆེན་མོ་འཚོགས་བཞིན་པ།

དེ་ཡང་སྔར་སྲོལ་བཞིན་བོད་ཟླ་༠༨ པའི་ཚེས་༠༡ ནས་༠༨ བར་ཉིན་བདུན་གྱི་རིང་ལ་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་དྲི་མེད་གཤེན་གྱི་དཀའ་ཐུབ་ཆེན་མོ་ལོ་ལྟར་འཚོགས་སྲོལ་ཡོད་པ་བཞིན། རྩོམ་ཡིག་འདིའི་འཕྲོ་ཀློག » »

1,189 total views, 4 views today



༼རྗེས་དྲན་ཆེད་དེབ་༽ཀྱི་རྩོམ་ཡིག་བསྡུ་བའི་བརྡ་སྦྱོར།

tibet05152553-768x512.jpg

     ༄༅། ། རྒྱལ་ཁབ་ཕྱི་ནང་ན་བཞུགས་པའི་རིས་མེད་སྙུག་ཐོགས་པ་སྤྱི་དང་སྒོས་སུ་མགོན་པོ་གང་གི་བཀའ་གསུང་བདུད་རྩི་དྲོན་མོས་ཡུན་རིང་བསྐྱངས་མྱོང་བའི་དད་ལྡན་ཕོ་མོ་ཡོངས་ཀྱི་སྙན་ལམ་དུ་ཞུ་རྒྱུར།
ད་ལན་བདག་ཅག་གི་བཀའ་དྲིན་སུམ་ལྡན་གྱི་རྩ་བའི་བླ་མ། མདོ་སྔགས་རྫོགས་གསུམ་དང་བཅས་པར་གཞན་དྲིང་མི་འཇོག་པའི་མཁས་གྲུབ་དམ་པ། སྙིགས་དུས་ཀྱི་འདྲེན་པ་ཆེན་པོ་དོན་གྱི་སླད་དུ་མཚན་ནས་སྨྲས་ན། རྗེ་བོན་བརྒྱ་ཐམས་ཅད་མཁྱེན་པ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་གང་ཉིད།སྐུ་ཚེའི་མཛད་པ་རེ་ཞིག་རྫོགས་ཏེ་དགོངས་པ་བོན་དབྱིངས་སུ་ཐིམ་པའི་སྐབས་འདིར། ངེད་རེབ་གོང་བོན་མང་དྲ་ཚིགས་ལས་སྒྲུབ་ཁང་གིས་བླ་མ་རིན་པོ་ཆེའི་གདན་ས་བོན་བརྒྱ་སྨན་རིའི་གླིང་གི་གྲྭ་བཙུན་འདུས་པ་སྤྱི་དང་། རེབ་གོང་བོན་མང་རིག་འཛིན་ཕུར་ཐོགས་ཡོངས་ལ་གྲོས་བསྡུར་གྱིས་རྩ་བའི་བླ་མ་རིན་པོ་ཆེའི་བཀའ་དྲིན་རྗེས་སུ་དྲན་པའི་༼   རྗེས་དྲན་ཆེད་དེབ  ༽ཅིག་གང་མྱུར་དུ་དཔར་སྐྲུན་བྱ་འཆར་ཡོད་པས། རྒྱ་ཆེའི་རྩོམ་པ་པོ་དང་དད་ལྡན་སློབ་འབངས་ཡོངས་ནས་དགོང་ཞག་ཞེ་དགུའི་ནང་འདིར་སོ་སོའི་རྩོམ་ཡིག་གང་ལེགས་རེ་ངེད་ལས་སྒྲུབ་ཁང་ལ་བསྐུར་གནང་ཡོད་པ་ཞུ་ཞུ།།
རྩོམ་བསྡུའི་ཆ་རྐྱེན་ནི།
༡  བརྗོད་བྱ་ངེས་པར་དུ་མགོན་པོ་གང་གི་མཛད་པ་འཕྲིན་ལས་དང་འབྲེལ་དགོས།
༢  ཡིག་གྲངས་དང་རྩོམ་ལུས་རྩོམ་སྟངས་ལ་ཚད་བཀག་ཅི་ཡང་མེད།
༣ དེབ་གྲངས་དང་སྲབ་མཐུག་སོགས་ནི་རྩོམ་འབྱོར་བའི་གནས་ཚུལ་ལ་གཞིག་སྟེ་ཐག་གཅོད་རྩིས་ཡོད།
༤ དེབ་འདི་རྒྱལ་ཁབ་ཀྱི་ཚད་ལྡན་དཔེ་སྐྲུན་ཁང་བརྒྱུད་ནས་དཔར་འཆར་ཡོད་པས་རྩོམ་འབྱོར་ཚད་ནང་དུ་འགོད་ཐུབ་པའི་ངེས་པ་མེད།
༥ རྩོམ་ཡིག་གདམ་གསེས་དང་ཞུ་དག་གི་ལས་རིམ་ཁག་ནི་བླ་མ་དགེ་བའི་བཤེས་གཉེན་དག་ལ་གཏུག་ནས་བསྒྲུབ་ངེས་ཡིན་པ་བཅས་སོ།།

༦ སྤྱི་ཟླ་བཅུ་བའི་ཚེས་ལྔ་ཉིན་ནས་རྩོམ་ཡིག་བསྡུ་མཚམས་འཇོག་རྒྱུ་ཡིན་པས་དེ་བཞིན་དགོངས་བཞེས་མཛོད།
    རྩོམ་ཡིག་བསྐུར་ཡུལ།            984103380@qq.com & tenzin4440@yahoo.com 

ཡོང་ཁུངས་<རེབ་གོང་བོན་མང་དྲྭ་ཚིགས།>

tibet11113240000.jpg

རྩོམ་ཡིག་འདིའི་འཕྲོ་ཀློག » »

541 total views, 4 views today



མོན་ཡུལ་ནས་གསར་རྙེད་བྱུང་བའི་བོན་གྱི་དཔེ་རྙིང་བདམས་བསྒྲིགས་ཞིག་དཔེ་དེབ་དཔར་བསྐྲུན་གནང་བ།

དཔེ་སྐྲུན་གསལ་བཤད།

དེ་ཡང་ཉེ་ལམ་ཕྱི་ལོ་༢༠༡༨ ཟླ་ ༥ པའི་ནང་ཝཱ་ཎའི་སློབ་དཔོན་དགེ་བཤེས་རྣམ་དག་གཙུག་ཕུད་དང་ཕྲན་དགེ་བཤེས་ཤེ་ཙུ་རྒྱ་མཚོ་གཉིས་མོན་ཡུལ་དུ་སྤྲོ་འཆམ་ཆེད་ཕྱིན་པ་ཡིན། མོན་ཡུལ་དུ་སླེབས་སྐབས་སྣོད་བཅུད་ཁོར་ཡུག་དང་ཡུལ་སྲོལ་གོམས་གཤིས་ཀྱི་ཆ་ནས་བོད་རོང་ཕྱོགས་ཀྱི་ས་ཆ་ཞིག་ཏུ་སླེབས་པའི་ཚོར་སྣང་རང་བཞིན་གྱིས་སྟེར་བ་ཞིག་འདུག ཡུལ་དེའི་ཁོར་ཡུག་ནི་ནམ་ཟླ་དུས་བཞིའི་ཁྱད་མེད་པར་རྣམ་ཀུན་ལྗང་མདོག་ཏུ་གནས་པར་བཤད། ཡུལ་མིའི་འཚོ་ཐབས་ནི་ཞིང་འབྲོག་གཉིས་ཀའི་ཐོན་སྐྱེད་ཡོད་པ་ལས་གཙོ་བོར་སོ་ནམ་ཞིང་ལས་ལ་བརྟེན་པའི་ཡུལ་གྲུ་ཞིག་ཏུ་སྣང། དེང་སྐབས་ཀྱི་ན་གཞོན་ཕལ་ཆེ་བ་ལ་སློབ་གྲྭར་འགྲོ་རྒྱུའི་གོ་སྐབས་ཐོབ་འདུག་ལ། སློབ་མཐར་ཕྱིན་པའི་གཞོན་སྐྱེས་མང་པོ་ཞིག་གིས་གཞུང་སྒེར་ཅི་རིགས་སུ་དེང་རབས་སྤྱི་ཚོགས་ཀྱི་ལས་དོན་གཉེར་བཞིན་པ་ནི་ཅུང་དགའ་འོས་པའི་གནས་སུ་མཆིས། ཡུལ་འདི་སྔོན་དུས་སུ་བོད་ཀྱི་ཁྱབ་ཁོངས་ཡིན་པར་མ་ཟད་ཆོས་ལུགས་ཀྱང་གནའ་དུས་སུ་བོན་ལུགས་ཁོ་ན་ཡིན་པར་བཤད། རྗེས་སུ་ཆོས་བརྒྱུད་གཞན་ཁག་རིམ་པས་དར་ཁྱབ་བྱུང་ཡོད་འདུག། རྩོམ་ཡིག་འདིའི་འཕྲོ་ཀློག » »

3,544 total views, 1 views today



༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་སྐབས་སོ་བརྒྱད་པས་དཔེ་དེབ་ཁག་དཔར་བསྐྲུན་འགྲེམ་སྤེལ་གནང་བ།

   དཔེ་སྐྲུན་གསལ་བཤད།

༸ཞྭ་དཀར་གཡུང་དྲུང་བོན་གྱི་བསྟན་པ་རིན་པོ་ཆེ་ནི་བགྲང་བྱ་ཁྲི་ཕྲག་གི་ཡར་སྔོན་ནས་གཅེས་སུ་འོས་པའི་འཛམ་གླིང་ཡང་རྩེར་འཚོ་བའི་གངས་ལྗོངས་མི་རིགས་ཀྱི་བླ་སྲོག་དང་། ཞང་བོད་མཐོ་སྒང་གི་དབུ་རྩེ་ནས་མཆེད་པའི་ཐུན་མིན་རིག་པའི་གཞུང་ལུགས་ཀྱི་བོང་མཛོད་ཅིག་ཡིན་ལ། དེ་ཡང་བདག་ཅག་གི་སྟོན་པ་རྫོགས་པའི་སངས་རྒྱས་༧རྒྱལ་བ་གཤེན་རབ་མི་བོ་ཀུན་ལས་རྣམ་པར་རྒྱལ་བ་དེ་ཉིད་ཀྱིས་གསུངས་པའི་བཀའ་སྡེ་སྣོད་ཀྱི་བོན་སྒོ་བརྒྱད་ཁྲི་བཞི་སྟོང་ངམ་མདོ་འབུམ་རྒྱུད་མཛོད་བཞི་རུ་བཞུགས་པ་འདི་རྣམས་ནི།  བྱུང་རབས་ཀྱི་ཆ་ནས་མི་ལོ་ཁྲི་ཕྲག་ལས་བརྒལ་བའི་ལོ་རྒྱུས་ལྡན་ཡོད་ཅིང༌།  རིན་ཐང་ཡང་གཞལ་དུ་མེད་པའི་མཐོ་སྒང་གི་ཕ་ནོར་ཉག་གཅིག་སྟེ།  སེམས་ཅན་གྱི་བདེ་སྐྱིད་ཀུན་གྱི་འབྱུང་གནས་མདོ་སྔགས་སེམས་གསུམ་གྱི་མ་ལག་ཡོངས་སུ་ཚང་བ་ཞིག་ཡིན།  འོན་ཀྱང་སྙིགས་མའི་དུས་འདིར་སེམས་ཅན་གྱི་ལས་བསོད་བྲི་ཞིང་དམན་པའི་དབང་གིས་ཉམས་ཉེས་ཤུགས་ཆེར་བྱུང་ཡོད་ནའང༌།  དུས་རབས་ཉི་ཤུ་པའི་དུས་དཀྱིལ་དུ་ྋསྐྱབས་རྗེ་སྨན་རིའི་མཁན་སློབ་རྣམ་གཉིས་གཙོས་བོད་ཕྱི་ནང་དུ་བཞུགས་པའི་བླ་སྤྲུལ་སྐྱེས་ཆེན་བཤེས་གཉེན་དམ་པ་རྣམས་ཀྱིས།  འགྱེལ་ས་ནས་སློང༌།  ཉམས་ས་ནས་གསོ་བའི་ཐུགས་ཁུར་ཕྲག་ཏུ་བཞེས་ཏེ།  བཅུ་ཕྲག་རིག་པ་བརྡོལ་བའི་གཏེར་གནས།  དགོན་སྡེ་དང།  བཤད་གྲྭ།  སྒྲུབ་གྲྭ།  སློབ་གྲྭ་རྣམས་སླར་གསོ་དང་གསར་འཛུགས་ཀྱི་ལམ་ནས་བོད་ཀྱི་ཆོས་དང་རིག་གཞུང་ལ་སྨན་པའི་རླབས་ཆེན་གྱི་བྱ་བཞག་མཛད་དེ། བོད་ཕྱི་ནང་གཉིས་སུ་བསྟན་པའི་མེ་རོ་སླར་གསོའི་མཛད་འཕྲིན་བླ་ན་མེད་པ་བསྐྱང་ཡོད།  ལྷག་པར་དུ་ཞིང་གཤེགས་དམ་པ་ྋཞྭ་དཀར་བསྟན་པའི་གཙུག་རྒྱན་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་༧སྐྱབས་རྗེ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་གིས།  བཤད་སྒྲུབ་སློབ་གཉེར་བ་རྣམས་ལ་དཔེ་རྙིང་གི་རིགས་རྣམས་དོ་སྣང་ཆེན་པོས་གཟིགས་དགོས་པར་མ་ཟད།  དཔེ་རྙིང་དང་དཔེ་དཀོན་གྱི་རིགས་རྣམས་པར་སྐྲུན་གནང་ཐུབ་ན་དགེ་མཚན་ཆེ་བའི་བཀའ་སློབ་ཡང་ཡང་ཕེབས་པར་བརྟེན། རྩོམ་ཡིག་འདིའི་འཕྲོ་ཀློག » »

825 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།