བླ་མ་དང་ལྷག་པའི་ལྷ་ཤེས་རབ་སྨྲ་བའི་སེང་གེ་ལ་ཕྱག་འཚལ་ལོ། ། ༡ རྨད་བྱུང་རྒྱལ་བ་རྒྱ་མཚོ་འདུས་པའི་སྐུ། ། སྐུ་མཆོག་ཁྱབ་གདལ་སྨྲ་བའི་དཀྱིལ་འཁོར་ལྷ། ། ལྷ་ཚོགས་འཁོར་བཅས་ཏིལ་གྱི་གོང་བུ་ལྟར། ། མདུན་གྱི་མཁའ་ལ་མངོན་སུམ་ས་ལེར་བ། ། ༢ རབ་བརྗིད་ལྷུན་ཆགས་གསེར་གྱི་རི་བོ་ལ། ། རབ་དཀར་ཉིན་བྱེད་འབུམ་གྱིས་འཁྱུད་པའི་མདངས། ། རབ་མཛེས་དམར་སེར་འོད་ཕུང་ལྷམ་མེ་བ། ། རབ་འབྱམས་རྒྱ་མཚོའི་སྐུ་མངའ་སྨྲ་བའི་སེང་། །

དགུན་གྱི་བུ་ཆུང་རབ་ཏུ་ཁྲོས་ཏེ་གྲང་ངར་སྤུ་གྲི་ཕྱོགས་སུ་གཡུག། ཆབ་ཀྱི་བུ་མོ་སྨྲ་བ་བསྡམས་ཏེ་རེ་ཞིག་སྒོམ་ཆེན་ངང་ཚུལ་བསྐྱངས།། གོས་དཀར་གྱོན་པའི་རི་ཚོགས་དག་ནི་ཤེལ་གྱི་མཆོད་རྟེན་ཞིག་དང་མཚུངས།། ནམ་ཟླ་དགུན་གྱི་དུས་ཚིགས་ཤིག་སྟེ་བདག་ཉིད་ཕྱོགས་སུ་གནས་པའི་དུས།། 

༡ ངག་གི་བདུད་རྩི་འཇོ་བའི་དཔལ། ། དྭངས་གསལ་འོ་མའི་མདངས་འཛིན་ཅན། ། བློ་གྲོས་མིག་གི་གཏེར་གྱུར་ལྷ། ། སྒྲ་དབྱངས་རྒྱལ་མོས་ལན་གཅིག་གསོན། །

སྐྱབས་གནས་དཀོན་མཆོག་གསུམ། སངས་རྒྱས་དཀོན་མཆོག བོན་དཀོན་མཆོག། གཤེན་རབ་དཀོན་མཆོག སངས་རྒྱས་ལ་སྐྱབས་སུ་སོང་ན།  འཇིག་རྟེན་དྲེགས་པའི་ལྷ་ལ་སྐྱབས་དང་ཕྱག་མི་བྱ། དེ་རྣམས་རང་འཁོར་བ་ལས་མ་ཐར་བས།  གཞན་འཁོར་བའི་འཇིགས་པ་ལས་སྐྱོབས་མི་ནུས་པའི་ཕྱིར་རོ།  སངས་རྒྱས་ཀྱི་སྐུ་གཟུགས་ལ་མོས་གུས་བྱ།  ན་བཟའ་གསོལ།   ནང་ནུབ་ཅི་ཟ་ཅི་འཐུང་ཕུད་ཀྱི་དང་པོ་སྐྱབས་གནས་དཀོན་མཆོག་གསུམ་ལ་མཆོད། སེམས་ཅན་གྱི་སྲོག་ལ་འཚེ་བ་མི་བྱ། སངས་རྒྱས་དེ་སེམས་ཅན་ལ་ཐུགས་བརྩེ་བའི་བདག་ཉིད་ཅན་ཡིན་པས་སོ།