ཕྱི་ལོ་ ༢༠༡༥ ཟླ་བ་ ༦ ཚེས་ ༡༣ ཉིན་བོན་སྤྱི་དགེ་བཤེས་སྨོན་ལམ་མཐར་ཕྱིན་ལགས་ཀྱིས་༧གཡུང་དྲུང་བོན་གྱི་སྐོར་བགྲོ་གླེང་སྐབས་བཅུ་བཞི་པའི་སྟེང་ལ་ཆེད་དུ་དཔྱད་གཏམ་གནང་བའི་གཡུང་དྲུང་བོན་གྱི་སྤྱི་འཐུས་བྱུང་རིམ་སྐོར་གྱི་ནང་དོན་གནད་བསྡུས།

༄༅། །བོད་མི་མང་སྤྱི་འཐུས་ལྷན་ཚོགས་ནི་ཐོག་མར་ ༡༩༦༠ ཟླ་ ༩ ཚེས་ ༢ ཉིན་དབུ་བརྙེས་པ་ཞིག་ཡིན། སྐབས་དེར་ཆོས་ལུགས་ཆེན་པོ་བཞི་སྟེ། རྙིང་མ་དང་། བཀའ་བརྒྱུད། ས་སྐྱ། དགེ་ལུགས་བཅས་ནས་འཐུས་མི་རེ་དང་། ཆོལ་ཁ་གསུམ་སྟེ། དབུས་གཙང་དང་། མདོ་སྟོད། མདོ་སྨད་བཅས་ནས་འཐུས་མི་ ༣ རེ་བཅས་འཐུས་མི་ ༡༣ གྱིས་༧གོང་ས་༧སྐྱབས་མགོན་ཆེན་པོ་མཆོག་གི་ཞལ་སྔར་དམ་འབུལ་ཞུས་པ་ནས་དབུ་བརྙེས་པར་ངོས་འཛིན་བྱ་དགོས། ཐོག་མར་གཡུང་དྲུང་བོན་གྱི་སྤྱི་འཐུས་ས་མིག་མེད་ཀྱང་སྐབས་ ༦ པའི་ནང་གཡུང་དྲུང་བོན་གྱི་སྤྱི་འཐུས་གསར་བསྐོ་དམ་འབུལ་ཞུས་པ་ནས་བཟུང་ཆོས་ལུགས་གཞན་སྤྱི་མཚུངས་ལྟར་ཡིན།

            གཡུང་དྲུང་བོན་གྱི་སྤྱི་འཐུས་ས་མིག་ཆེད་བོན་གཞིས་སེར་སྐྱ་འགན་བཞེས་རྣམས་ནས་སྙན་འབུལ་རིམ་ཞུས་དང་། མཐར་༧གོང་ས་༧སྐྱབས་མགོན་ཆེན་པོ་མཆོག་གིས་གསོལ་སྩལ་གནང་བ་སོགས་ཀྱི་བརྒྱུད་རིམ་དུ་མ་ཞིག་ཡོད་པ་ལས་ཆེས་མཐོའི་རྒྱུན་ལས་ཀྱི་ཚིག་ཐོ་སོགས་ཁོ་བོར་དཔྱད་གཞི་ལག་སོན་བྱུང་བ་རྣམས་ཀྱི་རེའུ་མིག་གཤམ་གསལ།

གཡུང་དྲུང་བོན་གྱི་སྤྱི་འཐུས་རིམ་བྱུང་།

བོན་སྤྱི་དགེ་བཤེས་སྨོན་ལམ་མཐར་ཕྱིན།༢༠༡༥།༦།༡༣

ཐ་ཚན་མུ་ཙུག་སྨར་རོ།།