རྒྱ་གར་དབུས་གཞུང་རིག་གཞུང་བློན་ཆེན་ལས་ཁུངས་གི་གོ་སྒྲིག་འོག་ཟླ་འདིའི་ཚེས་ ༡༧ ནས་ ༡༩ བར་ཉིན་གསུམ་གྱི་རིང་ལ་དུས་རབས་ ༢༡ པའི་ནང་པ་ཞེས་པའི་རྒྱལ་སྤྱིའི་ནང་པའི་ལྷན་ཚོགས་ཤིག་བྷེ་ཧར་མངའ་སྡེའི་རྒྱལ་བོའི་ཁབ་ཏུ་སྐོང་འཚོགས་གནང་སོང་ལ།
ཚོགས་འདུའི་དབུ་བཞུགས་ལ་༧གོང་ས་སྐྱབས་མགོན་ཆེན་པོ་མཆོག་དང་། རྒྱ་གར་དབུས་གཞུང་རིག་གཞུང་དང་ཡུལ་སྐོར་སྤྲོ་འཆམ་བློན་ཆེན་ཊོག་ཊར་མ་ཧཱ་ཤི་ཤར་མ་(Dr. Mahesh Sharma) མཆོག་རྣམ་གཉིས་ཀྱིས་གཙོས་རྒྱ་གར་དཔོན་རིགས་ཁག་དང་། དཔལ་རྒྱལ་བ་ཀརྨ་པ་མཆོག་དང་། འབྲི་གུང་སྐྱབས་མགོན་རིན་པོ་ཆེ་མཆོག སྨན་རིའི་དཔོན་སློབ་འཕྲིན་ལས་ཉི་མ་རིན་པོ་ཆེ་མཆོག ཀཿཐོག་དགེ་རྩེ་རིན་པོ་ཆེ། ཤར་བྱང་ཆོས་རྗེ་རྣམ་གཉིས་མཆོག ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག ངོར་ཐར་རྩེ་མཁན་ཆེན་རིན་པོ་ཆེ་མཆོག ཏཱའི་སི་ཏུ་རིན་པོ་ཆེ་མཆོག ཀུན་བདེ་གླིང་མཆོག་སྤྲུལ་རིན་པོ་ཆེ་མཆོག ཇོ་ནང་རྒྱལ་ཚབ་རིན་པོ་ཆེ་མཆོག མི་འགྱུར་རྡོ་རྗེ་རིན་པོ་ཆེ་མཆོག ཏེ་ལོ་རིན་པོ་ཆེ་མཆོག ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་སོགས་བོད་ཀྱི་ཆོས་བརྒྱུད་དྲུག་གི་བླ་ཆེན་དང་དགེ་བཤེས་བླ་སྤྲུལ་སོགས་གང་མང་ཞིག་དང་། གཞན་ཤྲིལངྐ་དང་། འབར་མ། ཐེ་ལན་ཊི། བྷང་ལ་དྷེ་ཤི། ཀ་ཇི་སི་ཐན། ཐེ་ཝན། སོག་པོ། ཨ་རི། ཨིན་ཡུལ། ཨ་ཧྥི་རི་ཁ། ར་ཤིས་ཡ་སོགས་རྒྱལ་ཁབ་སུམ་ཅུ་ལྷག་གི་བླ་ཆེན་དང་མཁས་དབང་། ཉམས་ཞིབ་པ་སོགས་ཚོགས་ཞུགས་པ་སྟོང་ཕྲག་ཙམ་ཚོགས་འདུར་མཉམ་ཞུགས་གནང་འདུག
ཚོགས་འདུ་ཉིན་གཉིས་པ་སྟེ་ཕྱི་ཚེས་ ༡༨ ཉིན་གྱི་ཞོགས་པ་དུས་ཚོད་ ༩;༣༠ སྟེང་རྒྱལ་སྤྱིའི་ཚོགས་ཁང་། International Cenvention Centre ཞེས་པའི་ནང་དུ། ༧གོང་ས་མཆོག་དང་བྷང་ལ་དྷེ་ཤི ཤྲི་ལངྐ། མ་ལེ་ཤི་ཡ་སོགས་ཀྱི་བླ་ཆེན་ཁག་ཅིག་གིས་བཀའ་སློབ་དང་། དེ་ནས་སྨན་རིའི་སློབ་དཔོན་འཕྲིན་ལས་ཉི་མ་རིན་པོ་ཆེ་མཆོག་དང་། ཀཿཐོག་དགེ་རྩེ་རིན་པོ་ཆེ། ཤར་བྱང་ཆོས་རྗེ་རྣམ་གཉིས་མཆོག ངོར་ཐར་རྩེ་མཁན་ཆེན་རིན་པོ་ཆེ་མཆོག ཏཱའི་སི་ཏུ་རིན་པོ་ཆེ་མཆོག ཇོ་ནང་རྒྱལ་ཚབ་རིན་པོ་ཆེ་མཆོག ཀུན་བདེ་གླིང་མཆོག་སྤྲུལ་རིན་པོ་ཆེ་མཆོག ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་སོགས་བོད་ཀྱི་ཆོས་བརྒྱུད་དྲུག་གི་བླ་ཆེན་དང་དགེ་བཤེས་བླ་སྤྲུལ་སོགས་གང་མང་ཞིག་དང་།
གཞན་ཤྲིལངྐ་དང་། འབར་མ། ཐེ་ལན་ཊི། བྷང་ལ་དྷེ་ཤི། ཀ་ཇི་ཀི་སི་ཐན། ཐེ་ཝན། སོག་པོ། ཨ་རི། ཨིན་ཡུལ། ཨ་ཧྥི་རི་ཁ། རྒྱ་ནག རྗར་མི་ནི། པོར་ཅི་སྒར། ཧོང་ཀོང་། སིང་ག་པོར། མ་ལ་ཤི་ཡ། ཨོ་སི་ཊི་ལིའི་ཡ། བལ་ཡུལ། ར་ཤིས་ཡ་སོགས་རྒྱལ་ཁབ་སུམ་ཅུ་ལྷག་གི་བླ་ཆེན་དང་མཁས་དབང་། ཉམས་ཞིབ་པ་སོགས་ཚོགས་ཞུགས་པ་སུམ་རྒྱ་ཙམ་ཚོགས་འདུར་ཉམས་ཞུགས་གནང་འདུག ཉིན་རྒྱབ་ནས་ཚོགས་ཆུང་ལྔ་རུ་ཆ་བསྒོས་ཀྱིས་རྒྱལ་ཁབ་སོ་སོ་ནས་ཕེབས་པའི་སྐུ་ཚབ་དང་མཁས་དབང་རྣམ་པས་གསུང་བཤད་གནང་ཡོད་པ་རེད།
ཕྱི་ཚེས་༡༩ཉིན་རྒྱ་གར་སྲིད་འཛིན་མཆོག་དང་བྷེ་ཧར་མངའ་སྡེའི་བློན་ཆེན་རྣམ་གཉིས་དབུ་བཞུགས་ཐོག་རྒྱལ་སྤྱིའི་ནང་པའི་ཚོགས་ཆེན་མཇུག་བསྡོམས་མཛད་སྒོ་གནང་ཡོད་པ་བཅས་ཀྱི་གནས་བསྡུས་ཙམ་དུ།
ཨ་བཙན་པོའི་དྲ་ལམ་ནས་བསྡུས་བཀོད་ཞུས།
