(གནས་ཚུལ་སྔ་མའི་འཕྲོ།) ༧གཡུང་དྲུང་བོན་གྱི་གདན་ས་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེ་ནས་ཕྱི་ཟླ་དགུ་པའི་ཚེས་༧ཉིན་ནས་༧རྒྱལ་བ་སྨན་རི་བ་མཆོག་ལ་ཞབས་བརྟན་དུ་ཀུན་གསལ་བྱམས་མ་སྔགས་བསྟོད་དང་ཚེ་སྒྲུབ། བར་ཆད་ལམ་སེལ་བསམ་པ་མྱུར་འགྲུབ་མ་སོགས་གསོག་སྒྲུབ་ཞུ་བཞིན་པ།
༧བོན་གཞིས་བཙུན་དགོན་རད་ན་སྨན་གླིང་གི་བཙུན་མ་ཡོངས་ནས་༧རྒྱལ་བ་སྨན་རི་བའི་ཞབས་རིམ་དུ། སྲིད་རྒྱལ་འབུམ་ཚོགས་ཉིན་བདུན། ཁྲོ་གཞུང་ཉིན་གསུམ། བྱམས་མ་མཚན་རྒྱུན་གཅིག སྨན་ལྷ་ཉིན་གཉིས། དེ་མིན་བྱམས་མ་དང་། ཚེ་སྒྲུབ། སྐུའི་ཞབས་བརྟན་གསོལ་འདེབས། བར་ཆད་ལམ་སེལ་སོགས་གསོག་སྒྲུབ་ཞུས་པ།
༧བོན་ཕྲུག་བདེ་དོན་ཚོགས་པའི་ལས་བྱེད་དང་སློབ་ཕྲུག་ཡོངས་ནས་ཕྱི་ཟླ་དགུ་པའི་ཚེས་༥ཉིན་ནས་༧རྒྱལ་བ་སྨན་རི་བའི་ཞབས་རིམ་དུ། བྱམས་མ་དང་། ཚེ་སྒྲུབ། བར་ཆད་ལམ་སེལ། སྐུའི་ཞབས་བརྟན་གསོལ་འདེབས་སོགས་གསོག་སྒྲུབ་ཞུ་བཞིན་པ།
༧བོན་བུ་ཁྱིམ་ཁང་གི་ལས་བྱེད་དང་སློབ་ཕྲུག་ཡོངས་ནས་ཕྱི་ཟླ་དགུ་པའི་ཚེས་༢ཉིན་ནས་༧རྒྱལ་བ་སྨན་རི་བའི་ཞབས་རིམ་དུ། བྱམས་མ་དང་། ཚེ་སྒྲུབ། བར་ཆད་ལམ་སེལ་སོགས་ཆད་མེད་དུ་གསོག་སྒྲུབ་ཞུ་བཞིན་པ།
༧གསོ་རིག་འབུམ་བཞིའི་མཐོ་སློབ་སྨན་རིའི་གླིང་གི་དགེ་སློབ་ཐུན་མོང་ནས་ཕྱི་ཟླ་དགུ་པའི་ཚེས་༡ཉིན་ནས་༧རྒྱལ་བ་སྨན་རི་བའི་ཞབས་རིམ་དུ། བྱམས་མ་དང་། ཚེ་སྒྲུབ། བར་ཆད་ལམ་སེལ་སོགས་ཆད་མེད་དུ་གསོག་སྒྲུབ་ཞུས་བཞིན་པ།
༧བོན་གཞིས་གསང་སྔགས་སྒོམ་གླིང་ནས་ཕྱི་ཟླ་དགུ་པའི་ཚེས་༡ཉིན་ནས་༧རྒྱལ་བ་སྨན་རི་བའི་ཞབས་རིམ་དུ། བྱམས་མ་དང་། ཚེ་སྒྲུབ། བར་ཆད་ལམ་སེལ་སོགས་གསོག་སྒྲུབ་ཞུས་པ།
བོན་གཞིས་ཐོབ་རྒྱལ་གསར་པའི་གཞིས་ཆགས་ལས་ཁུངས་དང་ས་གནས་གཞོན་ནུ་གཉིས་ཀྱིས་གོ་སྒྲིག་འོག་ཕྱི་ཟླ་༨་ཚེས་༣༠ཉིན་ནས་ཕྱི་ཟླ་༩ཚེས་༦བར་ཉིན་གྲངས་བརྒྱད་ཀྱི་རིང་ལ་བོན་གཞིས་མི་མང་རྒན་དར་གཞོན་གསུམ་སོགས་ཚང་འཛོམས་ཐོག་༧རྒྱལ་བ་སྨན་རི་བའི་ཞབས་རིམ་དུ། བྱམས་མ་དང་། ཚེ་སྒྲུབ། བར་ཆད་ལམ་སེལ་སོགས་གསོག་སྒྲུབ་ཞུས་པ།
༧འབྲས་ལྗོངས་སོག་གཡུང་དྲུང་གླིང་དགོན་པ་ནས་༧སྐྱབས་རྗེ་རྒྱལ་བ་སྨན་རི་བའི་ཞབས་རིམ་ཚེ་སྒྲུབ་དང་བྱམས་མ་སོགས་བདུན་ཕྲག་གཅིག་རིང་ལ་གསོག་སྒྲུབ་ཞུས་པ།
