དེ་རིང་སྤྱི་ལོ་ ༢༠༢༥ ཟླ་ ༧ ཚེས་ ༢༧ ཉིན་ཞྭ་དཀར་བསྟན་པའི་གཙུག་རྒྱན་༸སྐྱབས་རྗེ་རྒྱལ་བ་སྨ་རིའི་ཁྲི་འཛིན་ ༣༤ པ་རིན་པོ་ཆེ་མཆོག་ནས་༸དཔལ་གཤེན་བསྟན་སྨན་རིའི་གླིང་གི་འདུལ་ཁང་ཆེན་མོར་དད་ལྡན་སེར་སྐྱ་མི་མང་ལ་ཡི་དམ་དབལ་ཆེན་གེ་ཁོད་གསང་བ་དྲག་ཆེན་གྱི་བཀའ་དབང་བསྕལ་གནང་བ།
དེ་ཡང་ཁ་རྩང་སྤྱི་ལོ་ ༢༠༢༥ ཟླ་ ༧ ཚེས་ ༢༦ བོད་ཤིང་སྦྲུལ་ལོ་བོད་ཟླ་དྲུག་པའི་ཚེས་པ་ ༢ ཉིན
་གཏོར་མ་བཅའ་བཟོ་སོགས་དབང་གི་སྔོན་འགྲོའི་སྟ་གོན་རྣམས་ལེགས་པར་བགྱིས་ཤིང་།
བོད་ཤིང་སྦྲུལ་ལོའི་བོད་ཟླ་དྲུག་པའི་ཚེས་ ༣ སྤྱི་ལོ་ ༢༠༢༥ ཟླ་ ༧ པའི་ཚེས་ ༢༧ ཉིན་གྱི་སྔ་དྲོ་དུས་ཚོད་དགུ་དང་ཕྱེད་ཀའི་ཐོག་ ༸དཔལ་གཤེན་བསྟན་སྨན་རིའི་འདུལ་ཁང་ཆེན་མོར་་༸སྐྱབས་རྗེ་རྒྱལ་བ་སྨ་རིའི་ཁྲི་འཛིན་ ༣༤ པ་རིན་པོ་ཆེ་མཆོག་གཅན་ལྔ་རིན་ཆེན་ཁྲི་ལ་བཞུགས་སུ་གསོལ་ཞིང་དད་ལྡན་སེར་སྐྱ་མི་མང་ལ་ཡི་དམ་དབལ་ཆེན་གེ་ཁོད་ཀྱི་བཀའ་དབང་རྫོགས་པར་བསྐུར་གནང་ཡོད་པ་བཅས་ཀྱི་གནས་བསྡུས་སུ།
