༧ ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རིའི་མཁན་སློབ་རྣམ་གཉིས་ཞིང་གཤེགས་དམ་པ་༧སྐྱབས་རྗེ་༧རྒྱལ་བ་སྨན་རིའི་ཡོངས་འཛིན་རིན་པོ་ཆེའི་སྐུ་གདུང་ཞུགས་འབུལ་གྱི་མེ་སྤར་བླ་མ་དང་ཀུན་རིགས་ལས་བཞི་རྒྱུན་ལྔའི་འཕྲིན་ལས་ཀྱི་དབུ་བཞུགས་སུ་དཔལ་ལྡན་༧ཁྲི་བརྟན་ནོར་བུའི་རྩེར་ཆེད་ཕེབས་གནང་བ།
༧ ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་ ༣༤ པ་རིན་པོ་ཆེ་མཆོག་ཞིང་གཤེགས་དམ་པ་༧སྐྱབས་རྗེ་༧རྒྱལ་བ་སྨན་རིའི་ཡོངས་འཛིན་རིན་པོ་ཆེའི་སྐུ་གདུང་ཞུགས་འབུལ་གྱི་མེ་སྤར་བླ་མ་དང་དང་ཀུན་རིགས་ལས་བཞི་རྒྱུན་ལྔའི་འཕྲིན་ལས་ཀྱི་དབུ་བཞུགས་སུ་དཔལ་ལྡན་༧ཁྲི་བརྟན་ནོར་བུའི་རྩེར་ཆེད་ཕེབས་གནང་བ་ལྟར་སྤྱི་ལོ་ ༢༠༢༥ ཟླ་ ༨ ཚེས་ ༣ ཉིན་གྱི་ཉིན་གུང་ཆུ་ཚོད་ ༡༢:༥༠ ཙམ་ལ་བལ་ཡུལ་གྱི་རྒྱལ་ས་ཀ་ཐ་མན་གྲུ་(Kathmandu) གནམ་ཐང་དུ་ཞབས་སོར་བཀོད་གནང་ཡོད་པ་དང་།
སྐབས་དེར་༧དཔལ་ལྡན་ཁྲི་བརྟན་ནོར་རྩེའི་མཁན་པོ་བསྟན་པ་གཡུང་དྲུང་མཆོག་དང་། བོན་སྤྱི་དགེ་བཤེས་སྨོན་ལམ་མཐར་ཕྱིན། སྤྱི་ཟུར་བ་ར་ཚེ་དབང་བཀྲ་ཤིས། ༧དཔལ་ལྡན་ཁྲི་བརྟན་ནོར་རྩེའི་བླ་བྲང་གི་ཕྱག་མཛོད། ༧དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་དྲུང་ཆེ་དང་སྤྱི་གཉེར། ༧སྨན་རིའི་གྲྭ་ཚང་གི་གཉེར་པ། ༧དཔལ་ལྡན་ཁྲི་བརྟན་ནོར་རྩེའི་སྤྱི་གཉེར། བོད་ཀྱི་བོན་པོ་ཚོགས་པའི་ཚོགས་གཞོན། བོན་གཞིས་ཐོབ་རྒྱལ་གསར་པའི་ས་གནས་འགོ་འཛིན་གཙོས་ཚོགས་པ་ཁག་གི་སྐུ་ཚབས་དང་དད་ལྡན་སེར་སྐྱ་གང་མང་གིས་གནང་ཐང་ནས་ཕེབས་བསུའི་གདན་ཞུས་དང་བཅས་
དུས་ཚོད་དང་པོ་ཡོལ་ཙམ་གྱི་ཐོག་༧དཔལ་ལྡན་ཁྲི་བརྟན་ནོར་བུའི་རྩེར་ཕེབས་འབྱོར་སྐབས་༧དཔལ་ལྡན་ཁྲི་བརྟན་ནོར་རྩེའི་དཔོན་སློབ་མཆོག་དབུས་བླ་གྲྭ་འདུས་མང་ཡོངས་དང་དད་ལྡན་སེར་སྐྱ་ཡོངས་ནས་དྲི་མེད་ལྷ་དར་དཀར་པོས་ཕེབས་བསུ་ཞུས་གནང་སོང་།
ཕྱི་དྲོའི་དུས་ཚོད་གསུམ་པའི་ཐོག་རྒྱལ་བསྟན་གཟི་བརྗིད་འོད་འབར་གཙུག་ལག་ཁང་དུ་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་རིནཔོ་ཆེ་དབུ་བཞུགས་ཀྱིས་༸མཁན་པོ་བསྟན་པ་གཡུང་དྲུང་མཆོག་དང་བཤད་སྒྲུབ་མཁན་པོ་རྣམ་པ་གཉིས་གཞན་ཡང་ཀུན་རིག་དབུ་མཛད་སྒྲུབ་གྲྭའི་མཁན་པོ་མཆོག་གཙོས་དགེ་བའི་བཤེས་གཉེན་རྣམ་པ་མི་ཉུང་བ་ཞིག་གིས་ལས་གཞི་རྒྱུན་ལྔའི་ཀུན་རིག་གི་འཕྲིན་ལས་དབུ་འཛུགས་གནང་ཡོད་པ་དང་།
དགོང་དྲོའི་ཆུ་ཚོད་ ༦:༢༠ གསང་གསུམ་བོན་གྱི་མཛོད་འཛིན་༧སྐྱབས་རྗེ་༧རྒྱལ་བ་སྨན་རིའི་དཔོན་སློབ་རིན་པོ་ཆེ་མཆོག་ཞིང་གཤེགས་དམ་པ་༧སྐྱབས་རྗེ་༧རྒྱལ་བ་སྨན་རིའི་ཡོངས་འཛིན་རིན་པོ་ཆེའི་སྐུ་གདུང་ཞུགས་འབུལ་ཆེད་བལ་ཡུལ་དཔལ་ལྡན་༧ཁྲི་བརྟན་ནོར་བུའི་རྩེར་ཆེད་ཕེབས་གནང་བ་ལྟར། བལ་ཡུལ་གྱི་རྒྱལ་ས་ཀ་ཐ་མན་གྲུ་(Kathmandu) རྒྱལ་སྤྱིའི་གནམ་ཐང་དུ་ཞབས་སོར་བཀོད་ཅིང་
སྐབས་དེར་བོན་སྤྱི་དགེ་བཤེས་སྨོན་ལམ་མཐར་ཕྱིན་མཆོག་དང་སྤྱི་ཟུར་བ་ར་ཚེ་དབང་བཀྲ་ཤིས། ༧དཔལ་ལྡན་ཁྲི་བརྟན་ནོར་རྩེའི་བླ་བྲང་གི་ཕྱག་མཛོད། ༧དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྤྱི་གཉེར། ༧སྨན་རིའི་གྲྭ་ཚང་གི་གཉེར་པ། ༧དཔལ་ལྡན་ཁྲི་བརྟན་ནོར་རྩེའི་སྤྱི་གཉེར་གཙོས་ཚོགས་པ་ཁག་གི་སྐུ་ཚབས་དང་དད་ལྡན་སེར་སྐྱ་གང་མང་གིས་གནམ་ཐང་ནས་ཕེབས་བསུའི་གདན་ཞུས་དང་བཅས་ ༧དཔལ་ལྡན་ཁྲི་བརྟན་ནོར་བུའི་རྩེར་ཕེབས་འབྱོར་སྐབས་དེར་ཕེབས་པའི་༧གདན་ས་སྨན་རིའི་གླིང་དང་༧དཔལ་ལྡན་ཁྲི་བརྟན་ནོར་རྩེའི་བླ་གྲྭ་འདུས་མང་། ཕྱོགས་མཐའ་ཁག་ནས་ཕེབས་པའི་དད་ལྡན་སེར་སྐྱ་ཡོངས་ནས་དྲི་མེད་ལྷ་དར་དཀར་པོས་ཕེབས་བསུ་ཞུས་ཤིང་
དེ་མཚམས་༸སྐྱབས་རྗེ་༸རྒྱལ་བ་སྨན་རི་བ་གཙོས་མཁན་སློབ་རྣམ་པ་དབུ་བཞུགས་ཐོག་འདུས་མང་སེར་སྐྱ་ཡོངས་ནས་༧སྐྱབས་རྗེ་ཞིང་གཤེགས་དམ་པའི་སྐུ་པར་རིན་པོ་ཆེའི་མདུན་ནས་བླ་མ་མཆོད་པ་གསུང་ཞིང་ཚིགས་ཤད་དང་བསྟུན་ཏེ་༸སྐྱབས་རྗེ་རྒྱལ་བ་སྨན་རི་བ་མཆོག་ནས་མཆོད་པ་རྣམ་ལྔ་སོགས་འདེགས་འབུལ་གནང་སོང་།
སང་ཉིན་སྤྱི་ལོ་ ༢༠༢༥ ཟླ་ ༨ པའི་ཚེས་པ་ ༤ དང་ ༥ བོད་ཤིང་སྦྲུལ་ལོའི་བོད་ཟླ་དྲུག་པའི་ཚེས་པ་ ༡༠ དང་༡༡ བཅས་ལ་རྒྱལ་བསྟན་གཟི་བརྗིད་འོད་འབར་གཙུག་ལག་ཁང་དུ་༸སྐྱབས་རྗེ་༸རྒྱལ་བ་སྨན་རི་བ་མཆོག་དབུ་བཞུགས་ཀྱིས་མཁན་སློབ་རྣམ་པ་གཙོས་དགེ་བའི་བཤེས་གཉེན་མི་ཉུང་བ་ཞིག་གིས་ཀུན་རིག་ལས་བཞིན་རྒྱུན་ལྔའི་ཆོ་ག་དང་། འདུལ་ཁང་རྙིང་པར་མདོ་གཡུང་དྲུང་ཀློང་རྒྱས་ཀྱི་གཞུང་གསུང་ཞིང་སྤྱི་ཟླ་བརྒྱད་པའི་ཚེས་ ༦ བོད་ཟླ་ ༦ པའི་ཚེས་ ༡༢ ཉིན་གདུང་ཀློང་གཉིས་ཀྱི་ཆོ་གའི་སྒོ་ན་སྐུ་གདུང་རིན་པོ་ཆེ་ཞུགས་འབུལ་དང་། སྤྱི་ཚེས་ ༩ བོད་ཚེས་ ༡༥ ཉིན་གྲུབ་མཆོད་སྨོན་ལམ་གནང་ཞིང་གདུང་ཀློང་གཉིས་ཀྱི་ཀུན་རིག་ལས་བཞི་རྒྱུན་ལྔའི་འཕྲིན་ལས་ཀྱི་རིམ་པ་རྣམས་མཇུག་ཡོངས་སུ་གྲུབ་པར་གནང་རྒྱུ་ཡིན་འདུག
