༸གསང་གསུམ་བོན་གྱི་མཛོད་འཛིན་༧སྐྱབས་རྗེ་རྒྱལ་བ་སྨན་རིའི་དཔོན་སློབ་རིན་པོ་ཆེ་མཆོག་ནས་དུས་ནས་དུས་སུ་བདག་ཅག་དད་སློབ་རྣམས་ལ་དབང་ལུང་ཁྲིད་གསུམ་གྱི་བདུད་རྩིའི་བྱིན་རླབས་བསྩལ་གནང་བཞིན་ཡོད་པ་ལྟར།
འདི་ལོར་ཡང་དད་ལྡན་འབྲེལ་ཡོད་ནས་ཇི་ལྟར་གསོལ་འདེབས་ཞུས་དོན་བཞིན། གཡུང་དྲུང་བོན་གྱི་བཤད་སྒྲུབ་འདུས་སྡེའ་ཚོགས་ཁང་དུ། འདིར་བཞུགས་སྨན་རིའི་དགེ་བཤེས་རྣམ་དང་། གཡུང་དྲུང་བོན་གྱི་བཤད་སྒྲུབ་འདུས་སྡེའི་སློབ་གཉེར་བ། གཞི་རིམ་སློབ་མ་བཅས་ཡོངས་ལ། སྤྱི་ཟླ་དྲུག་པའི་ནང་དུ་༼བཀའ་རིན་པོ་ཆེ་མ་རྒྱུད་སངས་རྒྱས་རྒྱུད་གསུམ་དང་། མ་རྒྱུད་ཐུགས་རྗེ་ཉི་མའི་སྒོམ་འགྲེལ་ཉི་མའི་དཀྱིལ་འཁོར། ཡེ་ཤེས་ཐིག་ལེའི་འགྲེལ་པ་ཀུན་གཞི་ཡེ་ཤེས་ལྷུན་གྲུབ་བསྟན་པ། སྣང་སྲིད་ཐིག་ལེའི་འགྲེལ་པ་སྣང་གཞི་སྐུ་གསུམ་ལྷུན་གྲུབ། བོན་ཉིད་ཐིག་ལེའི་འགྲེལ་པ་རྩའི་དེ་ཉིད་བཞི་བཅུ་རྩ་ལྔ། མི་ནུབ་ཐིག་ལེའི་འགྲེལ་པ་རླུང་གི་དེ་ཉིད། གཞི་ཡེ་སངས་རྒྱས་པའི་རྒྱུད་ལས་མི་འགྱུར་ཐིག་ལེའི་འགྲེལ་བ། གཞི་ཡེ་སངས་རྒྱས་པའི་སྐྱེ་མེད་ཐིག་ལེའི་འགྲེལ་བ། ལུང་གཞི་དབང་བཞི་ལྷུན་གྲུབ་ཀྱི་དབང་བྱང་། དོན་གཞི་ལྟ་སྤྱོད་ལྷུན་གྲུབ་ཀྱི་འགྲེལ། གཞི་འཕྲིན་ལས་ལྷུན་གྲུབ་ཀྱི་འགྲེལ་བ། ལམ་མངོན་སངས་རྒྱས་པའི་རྒྱུད་ཀྱི་འགྲེལ་བ། ལམ་མངོན་སངས་རྒྱས་པའི་རྒྱུད་ལས་ཚོགས་ལམ་གྱི་འགྲེལ། ལམ་མངོན་སངས་རྒྱས་པའི་སྦྱོར་ལམ་ཡེ་ཤེས་བཞི་སྦྱོར། རྫུ་འཕྲུལ་ཐིག་ལེའི་འགྲེལ་པ་སྔགས་ཀྱི་དེ་ཁོ་ན། ལམ་དྲུག་གི་དང་པོ་ཐབས་ལམ་ཁྱེར་གྱི་འགྲེལ་བ། རྨི་བ་ལམ་དུ་ཁྱེར་བའི་འགྲེལ་བ། གཉན་པ་ལམ་དུ་ཁྱེར་བའི་འགྲེལ་བ། འཕེན་པ་ལམ་དུ་ཁྱེར་བའི་འགྲེལ་བ། གཉིད་པ་ལམ་དུ་ཁྱེར་བའི་འགྲེལ་བ། ཐར་ལམ་རིན་པོ་ཆེའི་ཐེམ་སྐས་ཀྱི་འགྲེལ་བ། སྨིན་ལམ་རིན་པོ་ཆེའི་སྲོག་ཤིང་གི་འགྲེལ་བ། མ་རྒྱུད་ཐུགས་རྗེ་ཉི་མའི་གྲོལ་ལམ་རིན་ཆེན་འཕུར་རྐྱེན་གྱི་འགྲེལ་བ།༽ བཅས་མ་རྒྱུད་ཀྱི་གཞུང་འགྲེལ་རྣམས་དང་། ༼ ལུང་འོད་ཟེར་དཔག་མེད་༽ བཅས་ཀྱི་ལྗགས་ལུང་ཟབ་མོ་བཀའ་དྲིན་བསྩལ་གནང་ཞིང་།
ཉེ་ཆར་ ༢༠༢༥ ཟླ་ ༩ པའི་ཚེས་པ་ ༦ ནས་ ༡༨ བར་རྫོགས་པ་ཆེན་པོ་ཡང་རྩེ་ཀློང་ཆེན་གྱི་དྲང་གཉིས་ཀྱི་གཞུང་སོགས་གཤམ་གསལ་གྱི་ལེའུ་ཚན་རྣམས་ཀྱི་ལྗགས་ལུང་བཀའ་དྲིན་བསྩལ་གནང་མཛད་ཡོད་པ་བཅས། གཡུང་དྲུང་བོན་གྱི་དྲྭ་ཚིགས་ཁང་ནས།
