བལ་གཞུང་ནང་ཆོས་དར་སྤེལ་དང་དགོན་པ་འཕེལ་རྒྱས་ལྷན་ཚོགས་ཀྱི་ཚོགས་གཙོ་གཡུང་དྲུང་ཤུག་ཚལ་དགོན་གྱི་མཁན་པོ་སྨན་རིའི་དགེ་བཤེས་དམུ་རིགས་ཉི་མ་ཀུན་ཁྱབ་མཆོག་གདན་ས་སྨན་རིའི་སྐབས་ཉེར་གསུམ་པའི་དགེ་བཤེས་མཛད་སྒོ་དང་། གཞན་ཡང་བསྟན་དོན་གྱི་མཛད་པ་འགའ་ཞིག་ཆེད། ༸གདན་ས་སྨན་རིར་ཆེད་ཕེབས་གནང་ཡོད་པ་དང་།

འདི་ནི་ཉེ་ཆར་མཁན་པོ་མཆོག་བལ་གཞུང་བློན་ཆེན་ལྷན་ཚོགས་ཀྱི་ཐག་གཅོད་གནང་བ་ལྟར།  བལ་གཞུང་ནང་ཆོས་དར་སྤེལ་དང་དགོན་པ་འཕེལ་རྒྱས་ལྷན་ཚོགས་(the Buddhist Philosophy Promotion and Monastery Development ommittee)ཀྱི་ཚོགས་གཙོར་བསྐོ་བཞག་བྱུང་བའི་ཕྱག་ཡིག་གནང་རྗེས་སུ་༸གདན་ས་སྨན་རིར་ཕེབས་ཐེངས་དང་པོ་དེ་ཡིན་པ་དང་།

དེ་ཡང་དེ་རིང་སྤྱི་ལོ་ ༢༠༢༦ ཟླ་གཉིས་པའི་ཚེས་ ༢༥ ཉིན་གྱི་སྔ་དྲོ་དུས་ཚོད་ ༡༠ ཡོལ་ཙམ་ལ་སྨན་རིའི་གྲྭ་ཤག་མདུན་ཐང་དུ། དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་དྲུང་ཆེ་དང་། སྤྱི་གཉེར། སྨན་རིའི་གྲྭ་ཚང་གཉེར་པ། བཤད་སྒྲུབ་འདུས་སྡེའི་གཉེར་པ། གཡུང་དྲུང་བོན་ཚིགས་ཀྱི་ལས་བྱེད། གཞན་ཡང་གནས་བཞུགསབལ་གླེའི་གྲྭ་བ་རྣམས་བཅས་ནས་དར་དཀར་གྱིས་སྣེ་ལེན་དང་ཕེབས་བསུ་ཞུས་གནང་ཡོད་པ་བཅས་ཀྱིས་གནས་བསྡུས་སུ།