དེ་ཡང་བོད་ས་ཕག་ལོའི་བོད་ཟླ་བཅུ་གཉིས་པའི་ཚེས་ཉེར་དགུ་ཉིན་དཔལ་གཤེན་བསྟན་སྨན་རིའི་གླིང་དུ་༧ཞྭ་དཀར་བསྟན་པའི་གཙུག་རྒྱན་སྐྱབས་རྗེ་རྒྱལ་བ་སྨན་རིའི་ཁྲི་འཛིན་༣༤རིན་པོ་ཆེ་མཆོག་དང་།
༧སྐྱབས་རྗེ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་རྣམ་གཉིས་ཀྱི་བཀའ་དགོངས་འོག༧དཔལ་གཤེན་བསྟན་སྨན་རིའི་གྲྭ་ཚང་དང་། བཙུན་དགོན་རདྞ་སྨན་གླིང་། བོན་ཕྲུག་བདེ་དོན་བཅས་ནས་ངེས་སྟོན་གྲུབ་པའི་དབང་བོ་ནམ་མཁའ་རྒྱལ་མཚན་རིན་པོ་ཆེ་དགོངས་པ་བོན་དབྱིངས་སུ་བསྡུས་པར་མཆོད་འབུལ་སྨོན་ལམ་དང་། ༧དཔལ་རྒྱལ་བ་སྨན་རིའི་བླ་བྲང་ནས་གཤེན་བཙུན་འདུས་པ་རྒྱ་མཚོར་མང་ཇ་སྐུ་འགྱེད་དང་། ༧དཔལ་གཤེན་བསྟན་སྨན་རིའི་གྲྭ་ཚང་ནས་མང་ཇ་སྐུ་འགྱེད་ཕུལ་ཡོིད་པ་དང་།
དམ་པ་གང་གི་སྐུ་ཚེ་ཧྲིལ་བོར་སྒྲུབ་དང་བསྟན་པ་མཉམ་སྐྱོང་གི་ཐུགས་བསྐྱེད་རླབས་པོ་ཆེ་ནམ་ཡང་རྗེས་དྲན་ཞུ་དགོས་པ་བཅས་ཀྱི་བཀའ་སློབ་ནན་ཏུ་བསྩལ་ཡོད་པ་བཅས་ཀྱི་གནས་བསྡུས་སུ།
༄༅། །སྐྱབས་མགོན་ཟླ་བ་རྒྱལ་མཚན་གྱི་རྣམ་པར་ཐར་པ་ཁག་གཉིས་དང་གསོལ་འདེབས་ཀྱི་འགྲེལ་བ་བཅས།
