དེ་ཡང་བོད་ས་ཁྱི་ལོའི་བོད་ཟླ་༦ཚེས་༢༦ཉིན། ༧རྒྱལ་བ་སྨན་རིའི་དཔོན་སློབ་རིན་པོ་ཆེ་མཆོག་བོད་གངས་ཅན་ལྗོངས་སུ་ཟླ་བ་གཅིག་རིང་གི་མཛད་འཕྲིན་ལེགས་པར་གྲུབ་ནས་ཕྱིར་རང་དགོན་༧དཔལ་གཤེན་བསྟན་སྨན་རིའི་གླིང་དུ་ཞབས་སོར་བདེ་བར་བཀོད་ཡོད་པ་དང་།

གནམ་གྱི་ལྷ་སྲས་དོག་ལ་ཕེབས་པ་ལོ་རྒྱུས་ཞིག་གི་དབུ་འཁྱུད་ཡིན།། གསེར་གྱི་གཡུང་དྲུང་ཀླད་ལ་བསྐོར་བ་གཤེན་པོ་རྣམས་ཀྱི་མཛད་རྗེས་ཡིན།། འགྱུར་མེད་གཡུ་ཡི་བྲག་ཆེན་བལྟམས་པ་མེས་པོས་བསྐྲུན་པའི་ཕྱྭ་མཁར་ཡིན།། དུང་གི་དྲང་ཤིང་སྲིད་མཐར་བརྐྱངས་པ་རིག་འཛིན་རྣམས་ཀྱི་ཕྱག་སྲོལ་ཡིན།།   བསྟ༵ན་པའི་མེ་རོ་ནུབ་ནས་བསུས་ཏེ་གོ་ལ་ཕྱོགས་འཚམས་དྲོས་པར་མཛད།། འཛི༵ན་སྐྱོང་སྤེལ་ལ་གྲགས་དཀར་རྒྱས་ཏེ་ས་ཆེན་རབ་ཏུ་གཡོ་བར་བརྩམས།། དབ༵ང་དང་གཟི་བྱིན་མཁྱེན་དཔྱོད་རྣམས་ཀྱིས་སྐྱེ་འགྲོའི་དྭངས་བ་ལྷག་ཏུ་འདྲེན།། རྒྱ༵ལ་སྲས་རིགས་འཛིན་གོང་མ་རྣམས་ཀྱི་ཐུགས་སྲས་སྐྱེས་བུ་ཁྱེད་ཉིད་རྒྱལ།།

བོད་ས་ཕོ་ཁྱི་ལོའི་ཟླ་བ་ ༥ པའི་ཚེས་ ༣༠ ཉིན་སྟེ་ཕྱི་ལོ་ ༢༠༡༨ ཟླ་ ༧ ཚེས་ ༡༣ ཉིན་ནས་ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་ཕྱེད་ཡིག་རྒྱུགས་ཆེན་མོ་དབུ་འཛུགས་གནང་ཡོད་པ་དང་། དེ་ཡང་གོང་ཚེས་ཉིན་གྱི་ཞོགས་པའི་ཕྱག་ཚོད་བརྒྱད་པ་ནས་འཛིན་གྲྭ་སོ་སོ་ལ་གཞུང་རྒྱུགས་བཏང་ཡོད་པ་དང་། ཕྱི་ཚེས་ ༡༤ ཉིན་ནས་འཛིན་གྲྭ་སོ་སོར་འགྲེལ་རྒྱུགས་གཏོང་རྒྱུ་ཡིན་པ་བཅས་ཀྱི་གནས་ཚུལ།

  དེ་ཡང་༧སྨན་རིའི་བཤད་སྒྲུབ་སློབ་དཔོན་དགེ་ལེགས་རྒྱ་མཚོ་མཆོག་རྒྱ་གར་རྒྱལ་ས་ལྡི་ལི་ནས་མཁའ་ལམ་བརྒྱུད་ཕྱི་ལོ་༢༠༡༨ཟླ་བ་༥པའི་ཚེས་༡༦ཉིན་ཨུ་རུ་སུའི་རྒྱལ་ས་Moscow ལ་ཕེབས་འབྱོར་བྱུང་བ་དང་། ཚེས་༡༧ནས་༢༤བར་ཨུ་རུ་སུའི་རྒྱལ་ས་རྙིང་པ་Sanket Petersborg དུ་སློབ་མ་ཁག་ཅིག་ལ་བྲུ་རྒྱལ་ཕྱག་ཁྲིད་ལས། ལམ་ཉམས་སུ་ལེན་པ་འོད་གསལ་སྒོམ་པའི་སྐོར་གྱི་དཔེ་ཁྲིད་གནང་བ་དང་ཡི་དམ་དབལ་ཁྱུང་དམར་པོའི་ཚོགས་འཁོར་བསྐོར་བ་དང་ནོར་ལྷ་མཆེད་བརྒྱད་ཀྱི་གཡང་འགུག་སོགས་གནང་།

བསྟོད་སྨོན། འགྱུར་མེད་གཡུང་དྲུང་རྟག་པའི་ཆོས་ཀློང་ན། ། ཀ་དག་རང་རིག་གཉུག་མ་ལྷན་ཅིག་སྐྱེས། ། ཕྱག་ཆེན་སྤྲོས་བྲལ་དབུ་མ་ཆེན་པོའི་དབྱིངས། ཀུན་རྫོབ་རང་སྟོང་དོན་དམ་གཞན་སྟོང་ཤོག ། དམ་བཅའ། ཡག་དག་གི་དག་ཞིང་ན། ། མི་གཙང་བའི་བུ་ག་མེད། ། གནས་ལུགས་ཀྱི་གཞི་དབྱིངས་ན། ། ཀུན་རྫོབ་ཀྱི་ནག་ནོག་མེད། ། ཡིན་ལུགས་ཀྱི་གྲུ་ཁ་ན། ། གཡོ་ཟོལ་གྱི་ཐལ་བརྡུལ་མེད། ། རིས་མེད་ཀྱི་ལམ་བུ་ན། ། རིས་བཅས་ཀྱི་རྐང་རྗེས་མེད། །

ཞང་ཞུང་རིག་གནས་ནི་ཀྲུང་གོའི་བོད་ལྗོངས་ཀྱི་ས་སྐྱེས་རྡོ་སྐྱེས་ཀྱི་རིག་གནས་རྙིང་བ་དེ་ཡིན་ལ། མཚོ་བོད་མཐོ་སྒང་དུ་འཚོ་སྡོད་བྱས་པའི་མེས་པོ་དག་གི་ཤེས་རབ་ཀྱི་ཉིང་བཅུད་ཀྱང་ཡིན། རིག་གཞུང་འདི་ཡིས་བོད་ལྗོངས་གནའ་བོའི་ལོ་རྒྱུས་རིག་གནས་ཀྱི་“རྩ་བ་” དང་“རྣམ་ཤེས”མཚོན་ཀྱིན་ཡོད་ལ། གངས་ལྗོངས་མཐོ་སྒང་གིས་མིའི་རིགས་ལ་བཞག་པའི་ཆེས་རྩ་ཆེ་བའི་ཤུལ་བཞག་རིག་གནས་ཡིན་ལ་བསམ་པའི་རྒྱུ་ནོར་ཡང་ཡིན། ཉེ་བའི་ལོ་འགའི་རིང་ཞང་ཞུང་རྒྱལ་ཁབ་དང་དེའི་རིག་གནས་སྣང་ཚུལ་སྣ་ཚོགས་ལ་རིམ་བཞིན་ཞིབ་འཇུག་པ་དག་གིས་དོ་ཁུར་བྱ་ཡུལ་དུ་གྱུར་ཅིང་། ཞང་ཞུང་དང་དེའི་རིག་གནས་སྣ་ཚོགས་ལ་ཞིབ་འཇུག་བྱེད་པའི་ལས་རིམ་ཀྱང་སྔར་ལས་ཤུགས་སྣོན་རྒྱག་བཞིན་ཡོད་པ་རེད།

དེ་ཡང་ཉེ་སྔོན་མཚོ་སྔོན་སློབ་ཆེན་རྩོམ་སྒྲིག་སྡེ་ཚན་ནས་རྩོམ་སྒྲིག་བྱས་པའི་རིག་གཞུང་དུས་དེབ་༢༠༡༨ལོའི་དེབ་དང་པོའི་ཕྱིའི་བོད་རིག་པའི་སྡེ་ཚན་དུ་《གནམ་མཚོའི་བོན་གྱི་བྲག་བརྐོས་དང་བྱང་ཐང་གནའ་བོའི་ཆོས་ལུགས་ཀྱི་ཡུད་སྣང་》ཞེས་པ་ཞིག་སློབ་གླིང་དེ་གའི་དགེ་རྒན་ཆེན་མོ་གཡང་དཔལ་འཛོམས་ལགས་ནས་རྒྱ་ཡིག་ཏུ་བསྒྱུར་ནས་བཀོད་འདུག་ལ། དེ་ཡང་དཔྱད་བརྗོད་འདིའི་ནང་དུ་བྲག་བརྐོས་རི་མོ་དང་ལྕགས་བརྐོས་ཡི་གེ་སོགས་༣༤འགྲེལ་བརྗོད་བྱས་འདུག་ལ། དེ་དག་ཀྱང་ས་གནས་མ་འདྲ་བ་དང་བྲག་ཕུག་མ་འདྲ་བ་ཁག་ནས་ཡིན་འདུག་ལ། དུས་རབས་ཀྱང་མི་འདྲ་ནས་ཡིན་པར་བརྗོད་བཞིན་འདུག

ཟླ ༥བའི་ཚེས ༡༩ཉིན་ནས་ཚེས ༢༧ཉིན་གྱི་བར། ཀན་ལྷོའི་གསར་འགྱུར་ཁང་དང་འབྲུག་ཆུ་རྫོང་གནའ་དཔེ་སྔོག་འདོན་དག་སྒྲིག་དང་རྒྱུད་འཛིན་སྲུང་སྐྱོབ་འགོ་ཁྲིད་ཚན་ཆུང་གི་མི་བརྒྱད་ཀྱིས་གྲུབ་པའི་འབྲུག་ཆུའི་བོན་གྱི་གནའ་དཔེ་རྟོག་ཞིབ་ཚན་ཆུང་གིས་སྔ་གཞུག་ཏུ་འབྲུག་ཆུའི་ཧྥུན་ཏས་དང་སྦྲ་རྫོང་། ཧན་པན། ཆུ་མགོ་ནང་། གོང་སྨད། བོད་ཡུལ་སོགས་ཤང་གྲོང་དུ་ཡང་བསྐྱར་དུ་གནའ་བོའི་བོན་གྱི་དཔེ་རྙིང་འཚོལ་སྒྲིག་བྱེད་པའི་བྱ་བ་སྤེལ། སྡེ་གྲོང་སོ་སོར་ཡང་བསྐྱར་དུ་བཅར་འདྲི་དང་འཚོལ་བསྡུ་ཞིབ་ཕྲ་བྱེད་པའི་བརྒྱུད་རིམ་ཁྲོད་མཐའ་འཁོབ་ལུང་ཁུག་གི་བོད་སྡེ་བཞི་རུ་བསྡོམས་པས་བོན་གྱི་དཔེ་རྙིང་པོད ༡༦དང་ཤོག་ལྡེབ ༤༦༤༨མཆོད་ཆས ༢༠གསར་དུ་རྙེད།