འབྱུང་ལྡན་༣༠༡བོད་མེ་སྤྲེལ་ལོའི་ཟླ་བ་ལྔ་པའི་ཚེས་༣༠དང་བོད་ཟླ་དྲུག་པའི་ཚེས་༡བཅས་ཉིན་གཉིས་རིང་བཏང་གནང་བའི་༧ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་ཟླ་དྲུག་སྔ་མའི་ལོ་ཕྱེད་ཡིག་རྒྱུགས་ཀྱི་གྲུབ་འབྲས་དང་།བོད་མེ་སྤྲེལ་ལོའི་ཟླ་༡༡པའི་ཚེས་༡༡།༡༨བཅས་ཉིན་གཉིས་རིང་བཏང་གནང་བའི་ལོ་འཁོར་ཡིག་རྒྱུགས་ཆེན་མོའི་གྲུབ་འབྲས་ཨང་ཐོབ་ཁོངས་ནས་གནས་རིམ་རྩེ་ཕུད་ཁག་གཤམ་གསལ།

ཨ་རིའི་ལིག་མི་རྐྱ་ཆོས་ཚོགས་ཀྱི་དབུ་འཛིན་དགེ་བཤེས་བསྟན་འཛིན་དབང་རྒྱལ་རིན་པོ་ཆེའི་བོད་ཡིག་གསུང་རྩོམ་༼གཟི་བརྗིད་དང་གཟེར་མིག་གཉིས་ཀྱི་དཀར་ཆག་༽ཅེས་པ་དང་། ༼གཡུང་དྲུང་བོན་གྱི་གསུང་རྟེན་དཀར་ཆག་༽ཅེས་པ་གཉིས་རྒྱལ་ས་ལྡི་ལི་ནས་བསྐྱར་དུ་དཔར་སྐྲུན་ལེགས་གྲུབ་བྱུང་ཡོད་འདུག

བོན་གྱི་ལོ་རྒྱུས་ནང་དུ་སྙན་གྲགས་ཤིན་ཏུ་ཆེ་བའི་དགོངས་མཛོད་རི་ཁྲོད་པ་ཞེས་པ་ནི་བོན་ལུགས་རྫོགས་ཆེན་གྱི་ལོ་རྒྱུས་ལ་བདེར་གཤེགས་དགོངས་པའི་བརྒྱུད་པ།སེམས་དཔའ་བརྡ་ཡི་བརྒྱུད་པ། གྲུབ་ཐོབ་སྙན་ཁུངས་ཀྱི་བརྒྱུད་པ། སྒྲ་བསྒྱུར་ལོ་ཙཱའི་བརྒྱུད་པ། ལས་འཕྲོ་གཏེར་གྱི་བརྒྱུད་པ།རྟོགས་ལྡན་ཉམས་ཀྱི་བརྒྱུད་པ་བཅས་དྲུག་ཏུ་ཕྱེས་སྲོལ་ཡོད་པ་ལས། བརྒྱུད་པ་རྗེས་མ་རྟོགས་ལྡན་ཉམས་ཀྱི་བརྒྱུད་པའི་སྲོལ་བཏོད་མཁན་དེ་ཡིན་ཞེས་བོན་གྱི་ལོ་རྒྱུས་ཀུན་ནས་གྲགས།བོན་ལུགས་རྫོགས་ཆེན་ལ་ཨ་རྫོགས་སྙན་གསུམ་དུ་ཕྱེས་པ་ལས་ཨ་ཁྲིད་རྫོགས་པ་ཆེན་པོའི་སྲོལ་བཏོད་མཁན་ཡང་ཁོང་ཡིན་པར་བཤད།ཁོང་གི་མཚན་ལ་རྨེའུ་སྒོམ་རི་ཁྲོད་པ་དང་དགོངས་མཛོད་རི་ཁྲོད་པ། དགོངས་མཛོད་པ། རྗེ་རི་ཁྲོད་པ་དང་རྗེ་བཙུན་དམ་པ།རྗེ་གུར་ཞོགས་པ་སོགས་མཚན་གྱི་རྣམ་གྲངས་དུ་མ་ཡོད། དེའང་གཡས་རུ་ཤངས་ཀྱི་ས་ཆའི་གུར་ཞོགས་ཞེས་བྱ་བར་སྐུ་འཁྲུངས་པས་རྗེ་གུར་ཞོགས་པའང་ཟེར།

ཀུན་གཟིགས་པཎ་ཆེན་ཐམས་ཅད་མཁྱེན་པས་གཡུང་དྲུང་བོན་ལ་བརྩེ་གཟིགས་གནང་ཚུལ། པཎ་ཆེན་སྐུ་ཕྲེང་བཅུ་བ་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་མཆོག་ནི། བོད་རབ་བྱུང་བཅུ་དྲུག་པའི་ས་སྟག་སྟེ། སྤྱི་ལོ1938ལོའི་དཔྱིད་ཟླ་ར་བའི་ཚེས་གསུམ་ལ་ཡུལ་མདོ་ཁམས་སྨད་ཀྱི་ཆར་གཏོགས། དེང་དུས་ཀྱི་མཚོ་སྔོན་ཞིང་ཆེན་མཚོ་ཤར་ས་ཁུལ་ཞོང་ཧྭ་རྫོང་བིས་མདོ་ཡུལ་ཚོའི་དཔོན་ཚང་ཞེས་པར། ཡབ་ཆེན་གུར་མགོན་ཚེ་བརྟན་དང་། ཡུམ་ཆེན་བསོད་ནམས་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། སྔོན་བྱོན་ཡབ་མྱེས་གོང་མ་རྣམས་ཀྱི་ཁྱིམ་རྒྱུད་འདི་དག གཡུང་དྲུང་བོན་ལ་དད་གུས་ཤིན་ཏུ་ཆེ་བས། ཕུག་གི་ལྷ་གསོལ་བ་དང་། སྒོ་ཁའི་འདྲེ་འདུལ་བའི་རུས་དཔོན་ལ་བོན་པོའི་སྔགས་འཆང་བསྟེན་པའི་སྲོལ་ཆགས་ཡོད། ལྷག་པར་དུ་དཔོན་ཚང་འདིའི་རུས་དཔོན་ལ།

གཤེན་གྱི་འབྱུང་ལྡན་སུམ་བརྒྱ་དང་གཅིག་བོད་མེ་སྤྲེལ་ལོའི་ཟླ་བ་ ༡༡ པའི་ཚེས་ ༡༧ ཉིན་སྟེ་ཕྱི་ལོ་ ༢༠༡༧ ཟླ་ ༠༡ ཚེས་ ༡༤ ཉིན་ནས་ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་དབུ་འཛུགས་གནང་ཡོད་པ་དང་། དེ་ཡང་གོང་ཚེས་ཉིན་གྱི་ཞོགས་པའི་ཕྱག་ཚོད་དགུ་པ་ནས་འཛིན་གྲྭ་སོ་སོ་ལ་གཞུང་རྒྱུགས་བཏང་ཡོད་པ་དང་། ཕྱི་ཚེས་ ༡༥ ཉིན་ནས་འཛིན་གྲྭ་སོ་སོ་ལ་འགྲེལ་རྒྱུགས་གཏོང་གནང་རྒྱུ་ཡིན་པ་བཅས་ཀྱི་གནས་ཚུལ།

ཤར་རྫའི་རྒྱལ་ཚབ་འཇིགས་མེད་དབང་ཕྱུག བདེ་སྟོང་ཟུང་འཇུག་ཨེ་ཝཾ་ཡེ་ཤེས་འཕྲུལ།། བཀའ་ལུང་ཉམས་རྟོགས་ལྷ་ཞལ་མངོན་པར་འཁུམས།། བརྩེ་ཆེན་ཐུགས་རྗེའི་འོད་སྣང་ཕྱོགས་བཅུར་འཚེར།། རིག་འཛིན་བོན་བརྒྱ་བླ་མའི་ཞབས་བརྟན་གསོལ།། ཞེས་ཞྭ་དཀར་བསྟན་པའི་སྲོག་ཤིང་། མཁས་གྲུབ་ཡོངས་ཀྱི་གཙུག་རྒྱན། མཁས་པ་ཕྱོགས་རེ་བ་མ་ཡིན་པར་མདོ་སྔགས་རྫོགས་གསུམ་དང་བཅུ་ཕྲག་རིག་པའི་གནས་ཀྱི་ཡང་རྩེར་སོན་ཞིང་། ཁྱད་པར་རང་གཞན་གྲུབ་མཐའ་ཀུན་ལ་མཁས་པའི་སྤྱན་རས་ཡངས་པ། འཆད་རྩོད་རྩོམ་གསུམ་གང་ལའང་ཐོགས་པ་མེད་པ་རྗེ་བོན་བརྒྱ་ཐམས་ཅད་མཁྱེན་པ་ཉིད་བསྟན་འགྲོའི་དོན་དུ་སྐུ་ཚེ་བསྐལ་བརྒྱར་བཞུགས་པའི་ཞབས་བརྟན་འབུལ་སྐབས་གང་གི་གསང་གསུམ་གྱི་ཡོན་ཏན་ལ་མི་ཕྱེད་པའི་དད་འདུན་འཕེལ་བའི་སྐལ་བ་ཅན་སློབ་འབངས་ཨ་འཇིགས་ཀྱིས་ཤར་རྫའི་དབེན་གནས་ནས་ཕུལ་བའོ།།

༧སྐྱབས་རྗེ་སྨན་རིའི་དཔོན་སློབ་ཡང་སྟོན་པ་འཕྲིན་ལས་ཉི་མ་རིན་པོ་ཆེ་མཆོག་གིས་རྒྱ་གར་ཤར་ཕྱོགས་སྦས་ཡུལ་འབྲས་མོ་ལྗོངས་སུ་མཛད་འཕྲིན་བསྐྱངས་པ། དེ་ཡང་ཕྱི་ལོ་༢༠༡༦/༡༢/༢༦ཉིན་གྱི་ཞོགས་པར་སྐུ་འཁོར་ལྷན་རྒྱས་རང་དགོན་སྨན་རིའི་གླིང་ནས་ཕེབས་ཐོན་གནང་སྟེ་ལྡི་ལིར་འབྱོར། ཕྱི་ཚེས་༢༧གྱི་ཞོགས་པར་མཁའ་ལམ་བརྒྱུད་ནས་རྒྱ་གར་ཤར་ཕྱོགས་འབྲས་ལྗོངས་ཕྱོགས་སུ་ཕེབས་ཐོན་གནང་སྟེ་ Bagdogra གནམ་ཐང་དུ་རིན་པོ་ཆེ་སྐུ་འཁོར་ལྷན་རྒྱས་བདེ་བར་འབྱོར་ནས་དེར་སོག་གཡུང་དྲུང་གླིང་དགོན་པའི་མཁན་པོ་སྒྲུབ་ཐོན་པ་ཡོན་ཏན་རྒྱ་མཚོ་མཆོག་དང་ཤེས་རིག་ཕུན་ཚོགས་གླིང་གི་ཚོགས་གཙོ་སྒྲུབ་ཐོན་པ་ཚུལ་ཁྲིམས་སངས་རྒྱས། དགེ་བཤེས་བསྟན་འཛིན་བློ་གྲོས། སྒྲུབ་ཐོན་པ་ཚུལ་ཁྲིམས་བསྟན་འཛིན་སོགས་ནས་ཕེབས་བསུ་དང་བཅས་Serekure རུ་འཛུགས་བསྐྲུན་གནང་བཞིན་པའི་ཤེས་རིག་ཕུན་ཚོགས་གླིང་དུ་དཔལ་ལྡན་ཁྲི་བརྟན་ནོར་བུ་རྩེའི་མཁན་པོ་ལུང་རྟོགས་བསྟན་པ་གཡུང་དྲུང་རིན་པོ་ཆེ་མཆོག་དང་། ཁྲི་བརྟན་ནོར་རྩེའི་དཔོན་སློབ་ཚངས་པ་བསྟན་འཛིན་རིན་པོ་ཆེ་རྣམ་གཉིས་གཙོས་པའི་དེ་གའི་ལས་སྣེ་བ་བཅས་ནས་ཕེབས་བསུ་དང་གསར་སྐྲུན་གྲུབ་ལ་ཉེ་བའི་སློབ་གྲྭའི་ཁོར་ཡུག་བཅས་ལ་རབ་གནས་མཛད།

རྒྱལ་གཤེན་ཡ་ངལ་གྱི་གདུང་ལས་བྱོན་པའི་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་གི་མཛད་རྣམ་རགས་བསྡུས། (སྨན་རིའི་དཔོན་སློབ་རིན་པོ་ཆེའི་ཐུགས་འགན་བཞེས་ནས་མི་ལོ་ཉི་ཤུ་རྩ་ལྔ་འཁོར་བར་བཀྲ་ཤིས་བདེ་ལེགས་ཞུ།)

ཕྱི་ལོ་༢༠༡༦ཟླ་༡༢ཚེས་༡༤ཉིན་ནས་རྒྱ་གར་བྱང་ཕྱོགས་འབྲས་ལྗོངས་སུ་མཁན་པོ་ཡོན་ཏན་རྒྱ་མཚོས་གསར་བཞེངས་མཛད་པའི་སོག་གཡུང་དྲུང་གླིང་དགོན་པའི་དབུ་འབྱེད་སྔོན་འགྲོ་མཛད་སྒོའི་སྟ་གོན་ལ་ཀུན་རིག་ལས་བཞི་རྒྱུན་ལྔའི་སྦྱིན་སྲེག་དབུ་འཛུགས་གནང་སྟེ་༢༨ཉིན་མཇུག་གྲུབ་པ་དང་།