དེ་ཡང་ཕྱི་ལོ་༢༠༠༠ལོ་ནས་༧སྐྱབས་རྗེ་༧རྒྱལ་བ་སྨན་རི་བའི་དགོངས་བཞེད་ལྟར་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ནས་སྟངས་འཛིན་འོག་ཕྱོགས་མཐའའི་སློབ་གྲྭ་ཁག་གི་དབྱར་ཁའི་གུང་གསེང་དང་སྟབས་བསྟུན། ལོ་རེར་བཞིན་གཡུང་དྲུང་བོན་གྱི་ཆོས་དང་རིག་གཞུང་གི་སྐོར་ལ་བགྲོ་གླེང་ཐེངས་རེར་གོ་སྒྲིག་ཞུ་བཞིན་ཡོད་པ་ལྟར།

གསང་བ་གསང་ཆེན་མཐར་ཐུག་སྐུ་ལ་གུ་དུན་ཧྲུན། མཁའ་འགྲོ་མ་སྒྱུ་མ་ཆེན་མོ་ལ་གུས་པར་བཏུད་དེ། གསང་སྔགས་རྒྱལ་པོ་མ་རྒྱུད་ཐུགས་རྗེ་ཉི་མ་ལས། ལམ་དྲུག་ཁྲིད་བརྒྱད་དོན་གྱི་གནད། ཐབས་ལམ་དུ་ཁྱེར་བས་ལམ་གྱི་སྲོག་ཤིང་འཛུགས། རྨི་བ་ལམ་དུ་ཁྱེར་བས་ལམ་གྱི་ཉམས་ཚོད་ཉུལ། གཉན་པ་ལམ་དུ་ཁྱེར་བས་ལམ་གྱི་རྡེང་༼གདེང༽ཆེན་བཅའ། འཕེན་པ་ལམ་དུ་ཁྱེར་བས་ལམ་གྱི་སྐྱེལ་མ་བྱེད། འཆི་བ་ལམ་དུ་ཁྱེར་བས་ལམ་གྱི་སུན་མ་བཅའ། གཉིད་པ་ལམ་དུ་ཁྱེར་བས་ལམ་གྱི་རྒྱུན་ཐག་བསྲིང་། དེ་ལྟར་ལམ་གྱི་ངོ་བོ་དྲུག་བསྒོམ་པ་ལས། འདིར་ལམ་དྲུག་གི་དང་པོ་ཐབས་ལམ་དུ་ཁྱེར་བ་རྩ་རླུང་གཏུམ་མོ་བདེ་དྲོད་སྤར་བ་དང་། གག་ཆེན་བཅུ་དྲུག་བསལ་བའི་འཁྲུལ་འཁོར་རྣམས་སོ། །ལམ་གཉིས་པ་རྨི་བ་ལམ་ལམ་དུ་ཁྱེར་བ་ལ། བདག་ཉིད་ཐིག་ལེ་ཡེ་ཤེས་གསལ་བའི་མཆོག། ཅེས་བྱ་བ། བདག་ཉིད་ཐིག་ལེ་ལ་དོན་ལྔས་བསྟན་ཏེ།

ཀུན་བཟང་རང་གྲོལ་རྟོགས་པ་ཆེ་ལ་ཕྱག་འཚལ་ནས། ། མཁས་པར་ཐེག་པ་ཀུན་སྦྱངས་དྲན་པ་ནམ་མཁའ་ཡིས། ། དོན་བསྡུས་རྩ་བའི་གནད་བཀྲོལ་རྗེས་འཇུག་དོན་དུ་གསུངས། ། འགལ་འཁྲུལ་ཡིད་དམ་བཀའ་སྲུང་རྣམས་ལ་བཟོད་པར་གསོལ། ། ཕྱག་འཚལ་ཆེ་བ་བརྗོད་ཅིང་མཚན་དོན་བསྟན་པ་དང་། ། བཀའ་དང་བརྟེན་དོན་ལུང་དང་བཤད་ཐབས་རྣམ་གསུམ་དང་། ། གཞི་སོགས་དཔེ་དོན་གཏན་ཚིགས་གསུམ་དང་རྒྱུ་མཚན་དང་། ། བཤད་ཐབས་བདུན་བཞི་སེམས་དོན་བཅུ་བདུན་ལ་བཅད་དང་། ། ཐེག་པ་ཕྱི་ནང་གཉིས་ཀྱི་དབྱེ་བ་རྒྱུ་འབྲས་དགུ། །

དེ་ཡང་《མདོ་དྲི་མེད་གཟི་བརྗིད》་ནང་གསལ་བ་ལྟར་ན། གཡུང་དྲུང་བོན་གྱི་ལོ་རྒྱུས་ནང་གལ་འགངས་ཆེ་བའི་མི་སྣ་“ཀོང་ཙེ་འཕྲུལ་རྒྱལ”ཞེས་པ་ཞིག་ཡོད་པ་དང་། ཁོང་གིས་“འོལ་མོ་ལུང་རིང་”གི་ནུབ་ཕྱོགས་སུ་གསས་ཁང་“དཀར་ནག་བཀྲ་གསལ”ཞེས་པ་ཞིག་བཞེངས་ཡོད། ལོ་རྒྱུས་ཀྱི་རྒྱུ་ཆ་དུ་མར་ལྟར་ན་“དཀར་ནག་བཀྲ་གསལ”ནི་ད་ལྟའི་ཆར་ཀྲུང་གོའི་ཀན་སུའུ་ཞིང་ཆེན་ལིན་ཞ་ཀྲའུ་ཡུང་ཅིང་རྫོང་རྡོ་ཕུང་རི་ཆུང་སྟེང་གི་འབུམ་གླིང་དགོན་པ་སྟེ། བོད་ཡིག་གི་ནང་དུ་“ཀ་ཆུ”ཞེས་འཁོད་པའི་ས་དེ་ཡིན། ད་ལྟ་ཡང་བོད་པ་ཚོས་ས་ཁུལ་དེ་ལ་“ཀ་ཆུ”ཞེས་འབོད་ཀྱི་ཡོད།《མདོ་སྨད་ཆོས་འབྱུང་》ལས་དགོན་པ་འདི་ན་ཡོད་པའི་བྱམས་པའི་སྐུ་བརྙན་ཆེན་པོ་ནི་ཀོང་ཙེས་བཞེངས་པ་སྟེ་ཐོག་མར་བོན་གྱི་སྟོན་པ་གཤེན་རབ་མི་བོ་ཆེའི་སྐུ་བརྙན་ཡིན་པ་ལ་ཕྱིས་སུ་བན་དེ་བ་རྣམས་དར་ཆེ་བའི་རྐྱེན་ལས་བྱམས་ཆེན་གྱི་སྐུ་བརྙན་ལ་བཅོས་པ་ཡིན་པའི་སྐོར་ཉུང་མཐར་ཡང་ཐེངས་གཉིས་ཙམ་གླེང་ཡོད།

ངམ་སྟག་ར་ཀླུ་གོང་ཞེས་གྲགས་ཅན་གྱི་མི་སྣ་དེ་བོད་རྒྱལ་ཁྲི་སྲོང་ལྡེ་བཙན་གྱི་བཀའི་བློན་ཆེན་ཞིག་ཡིན་ཞིང་། བོད་རྒྱལ་ཁྲི་སྲོང་ལྡེ་བཙན་འཁྲུངས་པའི་དུས་སྐབས་འདི་ནི་བན་བོན་ཕྱོགས་གཉིས་ཆ་ནས་བལྟས་ནའང་བོད་ཀྱི་རྒྱལ་རབས་ནང་གི་གྲགས་ཆེ་བའི་དུས་ཀྱི་ལ་ཚིགས་ཆེན་པོ་ཞིག་ཏུ་ངོས་འཛིན་བྱེད་པ་བོད་ཀྱི་རྒྱལ་རབས་ལ་མཁྱེན་དཔྱོད་ཡངས་པ་ཙམ་དུ་མ་ཟད། བཤད་སྒྲོས་དང་གོ་ཐོས་ཡོད་པ་དག་གིས་ཀྱང་དེ་ལྟར་ཉིད་དུ་ངོས་འཛིན་པ་ཤེས། འོན་ཀྱང་བོན་གཤེན་དང་བོན་པོ་དག་གི་ངོས་ནས་བལྟས་ན། དུས་སྐབས་དེ་ནི་བསྐལ་བ་མར་འགྲིབ་དང་། སེམས་ཅན་ཐུན་མོང་གི་བསོད་ནམས་བྲི་བ་དང་། སངས་རྒྱས་བསྟན་པ་བསྣུབས་པའི་དུས་སྙིགས་དྲག་རྩུབ་ཀྱི་མཚོན་ཆ་རྣོ་ངར་ཅན་ཞིག་ལ་ངོས་འཛིན་གནང་ཡོད་པ་དང་། ཆོས་ཀྱི་བླ་དཔོན་དང་ཆོས་པ་རྣམས་ཀྱིས་ལྟ་སྟངས་ལ་དུས་སྐབས་དེ་ནི་ཤིན་ཏུ་སྐལ་པ་བཟང་པོ་དང་། གངས་ཅན་འགྲོ་བ་མིའི་བསོད་ནམས་ཡར་ངོའི་ཟླ་དང་། སངས་རྒྱས་བསྟན་པ་དར་ཞིང་འཕེལ་རྒྱས་གློག་ལྟར་མྱུར་བའི་དུས་རིམ་ཁྱད་པར་བ་ཞིག་ཏུ་བཞེད་ཡོད་འདུག

(བལ་པོ་ཡུལ་དུ་ས་ཡོམ་བསྐྱར་ཐེངས་མང་པོ་བྱུང་བའི་སེམས་ཚབ་མཚོན་ཆེད།) དགེ་བཤེས་བསྟན་འཛིན་དབང་རྒྱལ་རིན་པོ་ཆེ། (ཨ་སྦ་སྦ།) རང་ཉིད་པ་རག་ཅེག་གི་རྒྱལ་ས་རུ།། ཉིན་ཤས་ལུས་སེམས་ངལ་གསོའི་གནས་སྐབས་སུ།། ཐོལ་གྱིས་གནས་ཆེན་ས་ཡོམ་བྱུང་བ་དྲན།། སྡུག་གི་རླུང་རྒོད་ནག་པོ་སླར་ཡང་གཡོས།། མུན་པའི་སྤྲིན་དཀྲུག་མིག་ནི་ཆུ་ཡིས་གང་།། ལན་གཅིག་སེམས་ཀྱི་སྤྲིན་དངས་ནམ་མཁའི་ཀློང་།། བྱམས་བརྩེའི་ཉི་མའི་འོད་ཀྱི་སྨྱུག་ལམ་ནས།།

ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་༧རྣམ་འདྲེན་མཉམ་མེད་བླ་མའི་རྒྱལ་ཚབ། རང་ཅག་བོན་འབངས་ཡོངས་ཀྱི་ལྷ་སྐལ་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་གི་དགོངས་པ་གཞིར་བཟུང་དང་།༧དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག ཕྱི་ལོ་༢༠༠༠ལོ་ནས་དབུ་འཛུགས་གནང་སྟེ།  དབུས་ཝར་ཎ་ཆོས་མཐོའི་གཙུག་ལག་སློབ་གཉེར་ཁང་གི་མཐོ་རིམ་སློབ་ཕྲུག་ཁག་དང་།  བོན་གཞིས་ཉིན་སློབ་ཀྱི་མཐོ་འབྲིང་སློབ་ཕྲུག དེ་བཞིན་ཕྱོགས་མཐའ་ཁག་ནས་ཆེད་ཕེབས་གནང་བའི་བོན་གྱི་སྐོར་ལ་ཐུགས་སྣང་ཟབ་པའི་གཞོན་སྐྱེས་སློབ་ཕྲུག་ཁག་གི་དབྱར་ཁའི་གུང་གསེང་དང་སྟབས་བསྟུན་ཏེ་ཆེད་དུ་”གཡུང་དྲུང་བོན་གྱི་སྐོར་བགྲོ་གླེང་” གོ་སྒྲིག་ཞུ་བཞིན་ཡོད་པ་ལགས་ན།    ད་ལོར་ཡང་སློབ་ཕྲུག་ཁག་གི་དབྱར་ཁའི་གུང་གསེང་དང་བསྟུན་ཏེ།

༧གཡུང་དྲུང་བོན་གྱི་གདན་ས་སྨན་རིའི་གླིང་གི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་ནས་ཧི་མ་ལ་ཡི་རི་རྒྱུད་དང་བལ་ཡུལ་སོགས་ལ་ས་ཡོམ་གྱི་གནས་ཚུལ་ཚབས་ཆེན་བྱུང་བར་གདུང་སེམས་མཉམ་སྐྱེད་ཀྱི་ཐུགས་གསོའི་འཚམས་འཕྲིན་དང་སྨོན་ལམ་གནང་བ།མཛའ་ཞིང་བརྩེ་བའི་གྲོགས་པོ་དང་གྲོགས་མོ་སོགས་ཀྱི་སྙན་དབང་དུ་ཞུ་རྒྱུར།  ད་ལམ་ཕྱི་ལོ་༢༠༡༥ ཟླ་བ་བཞི་པའི་ཚེས་ཉེར་ལྔའི་ཉིན་གྱི་ཉིན་གུང་ཙམ་ལ་ཧི་མ་ལ་ཡའི་རྒྱུད་དུ་འབྱུང་བ་ས་འགུལ་གྱི་ཤུགས་ཚད་ཀྱི་ཚད་རིམ་བྷི་བྷི་སིའི་གསར་འགྱུར་ནས་བཤད་པ་བལྟར་ན་བདུན་དང་གྲངས་ཆུང་བརྒྱད། རྒྱ་ནག་གི་གསར་འགྱུར་དང་བལ་ཡུལ་གྱི་གསར་འགྱུར་ལས་བཤད་པ་ལྟར་ན་བརྒྱད་དང་གྲངས་ཆུང་གཅིག་བཅས་བརྒྱབ་ནས་མི་རྒྱུ་གཉིས་ཀར་གོད་ཆག་ཚབས་ཆེན་བཟོས་འདུག་ཅེས་བཤད་སོང།

བརྩེ་བའི་ཆོས་གྲོགས་རྣམ་པ་དང་། བལ་པོའི་མི་མང་ཐུན་མོང་ལ་ཆེད་ཞུ། ཕྱི་ལོ་ ༢༠༡༥ ལོའི་ཟླ་ ༤ ཚེས ༢༥ ཉིན་བལ་ཡུལ་རྒྱལ་ཁོངས་དང་། ཁྱིམ་མཚེས་རྒྱལ་ཁབ་ཁ་ཤས་སུ་རང་བྱུང་ས་ཡི་གཡོ་ཤུགས་ཀྱིས་གོད་ཆགས་ཚབ་ཆེན་ཕོག་པར་ངེད་ཕྱི་ཕྱོགས་སུ་བཞུགས་པའི་བླ་གྲྭ་རྣམས་བློ་ཕམ་ཆེན་པོ་བྱུང་། གསར་འགྱུར་བརྒྱུད་ལམ་ཁག་ནས་ཐོན་པ་ལྟར་ན། བལ་ཡུལ་རྒྱལ་ཁོངས་སུ་ས་ཡོམ་ཆེན་པོ་དེའི་འོག་ཏུ་སྐྱེ་འགྲོ་སྟོང་ཕྲག་མང་པོའི་ཚེ་སྲོག་ཤོར་བ་དང་། མི་མང་པོར་རྨས་སྐྱོན་བྱུང་བ་སོགས་བསམ་ཡུལ་ལས་འདས་པའི་གནོད་འཚེ་ཕོག་པ་མ་ཟད་ནང་མི་དགའ་ཉེ་མང་པོ་གར་སོང་ཆ་མེད་དུ་གྱུར་ནས་འཇིགས་སྐྲགས་དང་དཀའ་ངལ་འཕྲད་འདུག་པ་དང་། དེ་བཞིན་གདོད་མའི་ལོ་རྒྱུས་ལྡན་པའི་མཆོད་རྟེན་ལྷ་ཁང་དང་།