རྒྱལ་བ་གཤེན་གྱི་གདུང་འཛིན་གཤེན་སྲས་རྣམ་གཉིས་དང་དགེ་རྒན་དགེ་བཤེས་སྐལ་བཟང་ཚུལ་ཁྲིམས། སྤྱི་ལོ་༢༠༡༥ལོར་བོད་ལྗོངས་ནང་བསྟན་སློབ་གྲྭ་ཆེན་མོར་སློབ་ཞུགས་མཛད་དེ། རིམ་བཞིན་གྲུབ་མཐའ་རིས་མེད་ཀྱི་བསྡུས་གྲྭ་དང་ཚད་མ། ཕར་ཕྱིན། དབུ་མ། མཛོད། འདུལ་བ་བཅས་ལ་སློབ་གླིང་གི་སྒྲིག་གཞི་བཞིན་དུ་སློབ་གཉེར་ཚུལ་བཞིན་གནང་བ་དང་། ཁྱད་པར་དུ་དགེ་བའི་བཤེས་གཉེན་ཆེན་མོ་༧སྐལ་བཟང་ཚུལ་ཁྲིམས་མཆོག་གིས་གདུང་སྲས་རྣམ་གཉིས་ལ་ཟུར་དུ་བོན་རང་ལུགས་ཀྱི་སྡུད་གྲྭ་དང་རྗེ་རིན་པོ་ཆེའི་ཚད་མ་ལེའུ་གསུམ་དང་། སྟོན་པའི་ཐེག་འགྲེལ་ཆ་ཚང་། མཚན་ཉིད་གསུམ་གྱི་རྣམ་གཞག ཤེར་ཕྱིན་མངོན་རྟོགས་རྒྱན་གྱི་སྐབས་དང་པོའི་རྣམ་བཤད་ཚིག་དོན་དཀའ་གནད་རབ་གསལ། དེ་བཞིན་བཀའ་བརྟེན་ལམ་རིམ་སུམ་བརྒྱ་པ་གཙོས་པའི་བོན་བན་རིས་མེད་ཀྱི་ལམ་རིམ་སོགས་སློབ་གཉེར་ཚུལ་བཞིན་གནང་བ་མ་ཟད། སུམ་རྟགས་དག་གསུམ། སྙན་ངག སྒྲ་སོགས་ཀྱི་སྐོར་ལ་སློབ་གཉེར་ཚུལ་བཞིན་གནང་སྟེ། ༢༠༡༩ལོའི་ཟླ་བ་༦པའི་ཚེས་༢༦ཉིན་བོད་ལྗོངས་ནང་བསྟན་སློབ་གྲྭ་ཆེན་མོ་ནས་འབྲིང་རིམ་རབ་འབྱམས་པའི་སློབ་མཐར་ཕྱིན་པའི་ཕྱག་འཁྱེར་ཐོབ།

༧ གཤེན་གྱི་དྲང་སྲོང་ལྕང་ལུང་གཤེན་བསྟན་ཉི་མ་ཡིས་སོར་བཅུ་ཐལ་མོ་སྙིང་ཁར་བཞག་ནས་༧སྐྱབས་རྗེ་༧རྒྱལ་བ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་ལ་སྒྲུབ་བརྒྱུད་བསྟན་པའི་བདག་པོ༧དཔལ་ཀུན་མཁྱེན་ཤར་རྫ་བའི་༧རྒྱལ་ཚབ་གསུམ་པ་འཇིགས་མེད་དབང་ཕྱུག་རིན་པོ་ཆེ་ལ་གསོལ་འདེབས་ཞིག་དགོས་བསྐུལ་བཞིན། ༧རྒྱལ་བ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེས་མཛད་པའི་གསོལ་འདེབས།།

ཕྱི་ལོ་ ༢༠༡༨ ཟླ་བ་ ༠༣ ཚེས་ ༢༣ རེས་གཟའ་པ་སངས་ཉིན་༧གསང་གསུམ་བོན་གྱི་མཛོད་འཛིན་སྐྱབས་རྗེ་སྨན་རིའི་ཡོངས་འཛིན་རིན་པོ་ཆེ་མཆོག་ལ་ཇི་ལྟར་གསོལ་བ་བཏབས་དོན་བཞིན་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་སོ་བཞི་པ་རིན་པོ་ཆེ་མཆོག་དང་།

གཡུང་དྲུང་བོན་གྱི་བསྟན་པའི་གསལ་བྱེད་༧སྐྱབས་རྗེ་སྨན་རིའི་མཁན་སློབ་རྣམ་གཉིས་ཀྱི་དགོངས་པ་གཞིར་བཟུང་འོག་ནས་བོན་གྱི་གདན་ས་ཆེན་པོ་༧དཔལ་གཤེན་བསྟན་སྨན་རིའི་གླིང་གི་གཙུག་ལག་ཁང་དུ་བྱ་འཕུར་བླ་མ་དགེ་བཤེས་ལྷུན་གྲུབ་རྒྱ་མཚོ་མཆོག་བྱ་འཕུར་བླ་རབས་ ༥༤ པ་དང་། བྱ་འཕུར་བླ་མ་ཀུན་བཟང་རྒྱལ་མཚན་མཆོག་བྱ་འཕུར་བླ་རབས་ ༥༢ པ་རུ་བོད་ས་ཁྱི་ལོའི་ཟླ་བ་ ༡ པོའི་ཚེས་ ༡༡ དང་ ༡༢ ཉིན་གདན་སའི་བསླབ་པ་གོང་འོག་གི་སྒྲིག་རིམ་ཇི་ལྟར་ཁྲི་བཞེངས་མངའ་གསོལ་དང་དད་ལྡན་སེར་སྐྱ་མི་མང་ཡོངས་ནས་མནྡལ་སྐུ་གསུང་ཐུགས་རྟེན་སོགས་འདེགས་འབུལ་ཞུས།

ཉི་ཟླའི་འོད་ཀྱིས་འདིར་སྣང་དཔལ་ཡོན་ཀུན། །མ་ལུས་ཡོངས་སུ་གསལ་བ་ཇི་བཞིན་དུ། །དོན་གཉེར་སྐྱེས་བུས་དཀའ་གནད་དུ་མས་དོན། །གྲུབ་པའི་ལེགས་བཤད་སྣང་བ་འདི་རུ་རྒྱས། །ཕྱོགས་བཞི་ཉི་ཟླའི་འོད་སྣང་རྒྱས་པ་དེས། །ཆུ་སྐྱེས་པད་མའི་འདབ་སྟོང་གྲོལ་བ་བཞིན། །གསང་གསུམ་དོན་གྱི་གནད་གསལ་འོད་ཞགས་འདིས། །གཉིས་དོན་གྲུབ་པའི་ཀུན་ད་གསར་དུ་བཞད། །ཅེས་བསྟོད་ཚིག་མེ་ཏོག་འཕྲེང་བས་མདུན་ནས་ལེགས་པར་བསུས་ཏེ་སྐབས་ཀྱི་གླེང་བར་བྱ་བ་ནི།

རྒྱལ་གཤེན་ཡ་ངལ་གྱི་གདུང་ལས་བྱོན་པའི་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་གི་མཛད་རྣམ་རགས་བསྡུས། (སྨན་རིའི་དཔོན་སློབ་རིན་པོ་ཆེའི་ཐུགས་འགན་བཞེས་ནས་མི་ལོ་ཉི་ཤུ་རྩ་ལྔ་འཁོར་བར་བཀྲ་ཤིས་བདེ་ལེགས་ཞུ།)

མཁས་གྲུབ་གཉིས་ལྡན་གྱི་དམ་པའི་སྐྱེས་བུ་ཆེན་པོ་མདོ་སྨད་རྟོགས་ལྡན་དགོན་གྱི་ཁྲི་རིན་པོ་ཆེའི་འཇམ་དབྱངས་མཁྱེན་རབ་རྒྱ་མཚོ་མཆོག་ནི་ཕྱི་ལོ་(༡༩༣༣)ལོའི་ཟླ་བ་(༠༥)ཚེས་(༡༣)བོད་རབ་བྱུང་བཅུ་དྲུག་པའི་མེ་མོ་བྱ་ཡི་ལོའི་ཟླ་(༤)ཚེས་(༡༡)ལེགས་པ་བརྒྱད་འཛོམ་ཞེས་རྟེན་འབྲེལ་ཕུན་སུམ་ཚོགས་པའི་ཉིན་མོར་ངོ་མཚར་བའི་མཚན་ལྟས་བཟང་བོ་དང་བཅས་སྐུ་འཁྲུངས་ཤིང་འགྲོ་དོན་ཡོངས་སུ་གྲུབ་མཐར་ཕྱི་ལོ་(༢༠༡༦)ལོའི་ཟླ་བ་(༠༩)ཚེས་(༢༤)ཉིན་མི་རྟག་ཚུལ་བསྟན་དགོངས་པ་བོན་དབྱིངས་སུ་བསྡུས་སོ། །

ཕྱི་ལོ་༢༠༡༥ཟླ་བ་༡༠ཚེས་༨ཉིན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་སྐབས་སོ་དྲུག་པའི་རྒྱུན་ལས་ནས་གོ་སྒྲིག་འོག་སྨན་རིའི་གཡུང་དྲུང་བོན་གྱི་དཔེ་མཛོད་ཁང་ཆེན་མོའི་ཚོགས་ཁང་དུ་བཤད་སྒྲུབ་སློབ་གཉེར་པ་རྣམས་ལ་ཨ་རིར་གནས་བཞུགས་ལིག་མི་རྐྱའི་སློབ་གཉེར་ཁང་གི་དབུ་འཛིན་དགེ་བཤེས་བསྟན་འཛིན་དབང་རྒྱལ་རིན་པོ་ཆེ་ལགས་ནས་རང་གི་མི་ཚེའི་ཉམ་མྱོང་དང་འབྲེལ་བའི་ལམ་སྟོན་བཀའ་སློབ་ཟབ་རྒྱས་གནང་བ།

དེ་ཡང་ཀུན་གྲོལ་སྐུ་འཕྲེང་བདུན་པ་ཀུན་གྲོལ་ནམ་མཁའ་འཕྲིན་ལས་དབང་རྒྱལ་རིན་པོ་ཆེ་མཆོག་ནས་ཕྱི་ལོ་༢༠༡༥ཟླ་༨་ཚེས་༡ནས་༢༥་བར། སྤྱིར་སངས་རྒྱས་ཀྱི་བསྟན་པ་རིན་པོ་ཆེ་འདི་ཉིད་མཁའ་ཁྱབ་འགྲོ་བའི་མགོན་དུ་ཡུན་ནས་ཡུན་དུ་གནས་ཞིང་འགྲོ་ཀུན་སེམས་ཅན་ཐམས་ཅད་འཚེ་མེད་ཞི་བའི་བདེ་སྐྱིད་ཀྱི་དཔལ་ལ་རོལ་པ་དང་། སྒོས་༧སྐྱབས་རྗེ་རྒྱལ་བ་སྨན་རི་བ་མཆོག་གི་དབུས་པའི་གང་ན་སུ་བཞུགས་པའི་བླ་སྤྲུལ་སྐྱེས་ཆེན་དང་དགེ་བའི་བཤེས་གཉེན་རྣམ་པའི་སྐུ་ཚེ་བསྐལ་བརྒྱར་བརྟན་ཞིང་ཐུགས་ཀྱི་བཞེད་དགོངས་མཐའ་དག་གེགས་མེད་ལྷུན་གྱིས་འགྲུབ་ཆེད།