ཁོད་སྤུངས་བློ་གྲོས་ཐོགས་མེད་ཀྱི་མཛད་རྣམ།
༧དབྲ་གཏེར་བླ་མ་ཐོགས་མེད་ནི། སྲིད་པ་རྒྱུད་ཀྱི་ཁ་བྱང་ལས། ཟླ་བ་རྒྱལ་མཚན་སྤྲུལ་པ་ནི། །དབྲ་ཡི་གདུང་བརྒྱུད་བླ་མ་མཚན། །སྐྱེ་བ་གསུམ་དུ་རྣམ་འཕྲུལ་མཛད། །རྒྱུད་ལུང་མན་ངག་དོན་རྡོལ་ཤིང་། །གསང་གཏེར་རང་བརྡོལ་ཁ་འབྱེད་འགྱུར། །གསུམ་ཀས་འགྲོ་དོན་དཔག་མེད་འབྱུང་། །ཞེས་འབྱུང་ལ། །ཁོད་སྤུངས་དྲན་པ་དང་ཟླ་བ་རྒྱལ་མཚན་སྤྲུལ་གཞི་གཅིག་པར་གསུངས་ལ། བློ་ལྡན་ཁ་བྱང་ལས། ཁོད་སྤུངས་ཐུགས་ཀྱི་སྤྲུལ་པ་ལ།།བླ་མ་ཐོགས་མེད་བྱ་བ་ཡིས། །སྦས་མངོན་ཐབས་ཀྱིས་འགྲོ་དོན་མཛོད། །གང་མཇལ་ངན་སོང་གསུམ་ལས་ཐར། །ཞེས་སོགས་ཁོད་སྤུངས་དྲན་པ་ནམ་མཁའི་རྣམ་རོལ་དུ་རྡོ་རྗེའི་ལུང་ནས་ཟིན་པའི་སློབ་དཔོན་ཆེན་པོ་བླ་མ་ཐོགས་མེད་ཅེས་གྲགས་པ་དེ་ཉིད་ཀྱི་རྣམ་འཕྲུལ་གང་དུ་བསྟན་པའི་ཡུལ་ནི་ཨ་མདོ་ཁོད་པོ་ཞེས་པའི་གནས་སུ།