༧གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་ཞེས་སྙན་པའི་གྲགས་པ་ས་གསུམ་ན་འབྲུག་སྒྲ་བཞིན་ལྡིར་བའི་སྙིགས་དུས་གཡུང་དྲུང་བསྟན་སྲོག་འཚོ་བའི་ཞིང་ས། འཕགས་ཡུལ་བྱང་ཕྱོགས་ཧི་མ་ཅལ་གྱི་མངའ་སྡེ། བོན་གཞིས་ཐོབ་རྒྱལ་གསར་པའི་ལ་མགོ་རུ་གཞིས་ཆགས་པའི་གཡུང་དྲུང་བོན་གྱི་བསྟན་པའི་རྩ་ལག་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་འབྱུང་ལྡན་ ༣༠༡ གི་བོད་མེ་མོ་བྱ་ལོའི་བོད་ཟླ་དང་པོའི་ཚེས་བཞི་དང་ལྔ། ཕྱི་ལོ་ ༢༠༡༧ ཟླ་ ༠༣  ཚེས་ ༠༢ དང་ ༠༣ ཉིན། གཡུང་དྲུང་བོན་གྱི་བསྟན་པའི་གསལ་བྱེད་ཆེན་མོ་༧རྣམ་འདྲེན་རྒྱལ་བ་གཉིས་པ་༧རྗེ་མཉམ་མེད་ཤེས་རབ་རྒྱལ་མཚན་མཆོག་སྐུ་བལྟམས་ནས་མི་ལོ་ ༦༦༡ འཁོར་བའི་དུས་ཆེན་ཁྱད་པར་ཅན་དེ་བརྩི་སྲུང་ཞུས་ཡོད།

དེ་ཡང་གངས་ཅན་ཁ་བའི་ལྗོངས་ཀྱི་ཡུལ་གྲུ། གཡུང་དྲུང་བསྟན་པ་རྒྱས་པའི་ས་གནས། མདོ་སྔགས་ཉི་ཟླ་ཤར་བའི་རི་རྩེ། ལེགས་བཤད་ལུང་རིགས་སྒྲོག་པའི་སྐྱེད་ཚལ། མང་ཐོས་མཁས་མང་འདུས་པའི་ལྟེ་གནས། རྣམ་དག་འདུལ་བ་འཛིན་པའི་དགོན་སྡེ། རྣམ་འདྲེན་རྒྱལ་བ་གཉིས་པའི་གདན་ས་ཏེ་གཙང་བཀྲ་ཤིས་སྨན་རིའི་གླིང་ནས་དཔག་ཚད་སྟོང་ཕྲག་དུ་མས་ཆོད་པ། སྙིགས་དུས་གཡུང་དྲུང་བོན་གྱི་བསྟན་སྲོག་འཚོ་བའི་ཞིང་ས། རྒྱ་གར་བྱང་ཕྱོགས་ཧི་མ་ཅལ་གྱི་མངལ་ཁུལ།

འབྱུང་ལྡན་༣༠༡བོད་མེ་སྤྲེལ་ལོའི་ཟླ་བ་ལྔ་པའི་ཚེས་༣༠དང་བོད་ཟླ་དྲུག་པའི་ཚེས་༡བཅས་ཉིན་གཉིས་རིང་བཏང་གནང་བའི་༧ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་ཟླ་དྲུག་སྔ་མའི་ལོ་ཕྱེད་ཡིག་རྒྱུགས་ཀྱི་གྲུབ་འབྲས་དང་།བོད་མེ་སྤྲེལ་ལོའི་ཟླ་༡༡པའི་ཚེས་༡༡།༡༨བཅས་ཉིན་གཉིས་རིང་བཏང་གནང་བའི་ལོ་འཁོར་ཡིག་རྒྱུགས་ཆེན་མོའི་གྲུབ་འབྲས་ཨང་ཐོབ་ཁོངས་ནས་གནས་རིམ་རྩེ་ཕུད་ཁག་གཤམ་གསལ།

གཤེན་གྱི་འབྱུང་ལྡན་སུམ་བརྒྱ་དང་གཅིག་བོད་མེ་སྤྲེལ་ལོའི་ཟླ་བ་ ༡༡ པའི་ཚེས་ ༡༧ ཉིན་སྟེ་ཕྱི་ལོ་ ༢༠༡༧ ཟླ་ ༠༡ ཚེས་ ༡༤ ཉིན་ནས་ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་དབུ་འཛུགས་གནང་ཡོད་པ་དང་། དེ་ཡང་གོང་ཚེས་ཉིན་གྱི་ཞོགས་པའི་ཕྱག་ཚོད་དགུ་པ་ནས་འཛིན་གྲྭ་སོ་སོ་ལ་གཞུང་རྒྱུགས་བཏང་ཡོད་པ་དང་། ཕྱི་ཚེས་ ༡༥ ཉིན་ནས་འཛིན་གྲྭ་སོ་སོ་ལ་འགྲེལ་རྒྱུགས་གཏོང་གནང་རྒྱུ་ཡིན་པ་བཅས་ཀྱི་གནས་ཚུལ།

༧སྐྱབས་རྗེ་སྨན་རིའི་དཔོན་སློབ་ཡང་སྟོན་པ་འཕྲིན་ལས་ཉི་མ་རིན་པོ་ཆེ་མཆོག་གིས་རྒྱ་གར་ཤར་ཕྱོགས་སྦས་ཡུལ་འབྲས་མོ་ལྗོངས་སུ་མཛད་འཕྲིན་བསྐྱངས་པ། དེ་ཡང་ཕྱི་ལོ་༢༠༡༦/༡༢/༢༦ཉིན་གྱི་ཞོགས་པར་སྐུ་འཁོར་ལྷན་རྒྱས་རང་དགོན་སྨན་རིའི་གླིང་ནས་ཕེབས་ཐོན་གནང་སྟེ་ལྡི་ལིར་འབྱོར། ཕྱི་ཚེས་༢༧གྱི་ཞོགས་པར་མཁའ་ལམ་བརྒྱུད་ནས་རྒྱ་གར་ཤར་ཕྱོགས་འབྲས་ལྗོངས་ཕྱོགས་སུ་ཕེབས་ཐོན་གནང་སྟེ་ Bagdogra གནམ་ཐང་དུ་རིན་པོ་ཆེ་སྐུ་འཁོར་ལྷན་རྒྱས་བདེ་བར་འབྱོར་ནས་དེར་སོག་གཡུང་དྲུང་གླིང་དགོན་པའི་མཁན་པོ་སྒྲུབ་ཐོན་པ་ཡོན་ཏན་རྒྱ་མཚོ་མཆོག་དང་ཤེས་རིག་ཕུན་ཚོགས་གླིང་གི་ཚོགས་གཙོ་སྒྲུབ་ཐོན་པ་ཚུལ་ཁྲིམས་སངས་རྒྱས། དགེ་བཤེས་བསྟན་འཛིན་བློ་གྲོས། སྒྲུབ་ཐོན་པ་ཚུལ་ཁྲིམས་བསྟན་འཛིན་སོགས་ནས་ཕེབས་བསུ་དང་བཅས་Serekure རུ་འཛུགས་བསྐྲུན་གནང་བཞིན་པའི་ཤེས་རིག་ཕུན་ཚོགས་གླིང་དུ་དཔལ་ལྡན་ཁྲི་བརྟན་ནོར་བུ་རྩེའི་མཁན་པོ་ལུང་རྟོགས་བསྟན་པ་གཡུང་དྲུང་རིན་པོ་ཆེ་མཆོག་དང་། ཁྲི་བརྟན་ནོར་རྩེའི་དཔོན་སློབ་ཚངས་པ་བསྟན་འཛིན་རིན་པོ་ཆེ་རྣམ་གཉིས་གཙོས་པའི་དེ་གའི་ལས་སྣེ་བ་བཅས་ནས་ཕེབས་བསུ་དང་གསར་སྐྲུན་གྲུབ་ལ་ཉེ་བའི་སློབ་གྲྭའི་ཁོར་ཡུག་བཅས་ལ་རབ་གནས་མཛད།

སྟོན་པའི་རྒྱལ་པོ་འཁོར་བ་འདྲེན་པའི་དཔལ། །མུན་པའི་ཚོགས་རྣམས་འཇོམས་བྱེད་སྒྲོན་མེའི་འོད། །མ་རིག་ནད་གདུང་སེལ་བ་སྨན་པའི་གཙོ། །མི་ཡི་མཆོག་ཏུ་གྱུར་བ་དམུ་ཡི་རྒྱལ། །དུག་ལྔའི་འདམ་དང་མཚོ་སྐེམ་མེ་ཆེན་དཔུང་། །མཚན་དང་དཔེ་བྱད་ལྡན་པའི་གཟི་འཕགས་པོ། །དཀའ་བ་སྣ་ཚོགས་དང་དུ་བླངས་ནས་ནི། །མཛད་པ་སྣ་ཚོགས་མཐར་རུ་ཕྱིན་མཛད་ཅིང་། །གཟིགས་ཚད་བཞི་དང་དགོངས་ཚད་དྲུག་གཉིས་ཀྱིས། །བྱམས་པ་ཆེན་པོས་འཁོར་བ་སྒྲོལ་མཛད་པའི། །གཤེན་རབ་སྤྲུལ་བའི་སྐུ་ལ་ཕྱག་འཚལ་ལོ། །

༢༠༡༦ ལོའི་ཕྱི་ཟླ་ ༡༡ ཚེས་ ༡༦ ཉིན་རྒྱ་གར་རྒྱལ་ས་ལྡི་ལིའི་བརྒྱུད་ཡོ་རོབ་འཇར་མ་ནིའི་རྒྱལ་ས་Frankfurt ཧྥེ་རེང་ཕོར་ཌི་རུ་ཞབས་སོར་འཁོད་ཡོད་པ་དང་། ཕྱི་ཚེས་ ༡༨ ཉིན་གྱི་ཕྱི་དྲོར་ཕྱི་གླིང་དད་ལྡན་མི་མང་ཡོངས་ལ་བོན་གྱི་བསྟན་འབྱུང་ལོ་རྒྱུས་དང་འབྲེལ་བའི་སྐོར་གསུང་བཤད་བཀའ་སློབ་གནང་།

ཕྱི་ལོ་ ༢༠༡༦ ལོའི་ཕྱི་ཟླ་ ༡༡ པའི་ཚེས་ ༢༢ ནས་ ༢༥ བར་ཏེ་ཉིན་བཞིའི་རིང་ལ་འཚོགས་འཆར་ཡོད་པ་ལྟར་༢༢ཉིན། ཕྱི་གླིང་བོན་མཐུན་འབྲེལ་ལྷན་ཚོགས་ཀྱི་གྲོས་ཚོགས་ཐེངས་པ་ཕ་རིན་སིའི་ལྷོ་ཕྱོགས་གཡུང་དྲུང་བོན་ཚོགས་གཤེན་བསྟན་དར་རྒྱས་གླིང་དུ་དབུ་འཛུགས་གནང་བ།

༅༅།། འཛམ་གླིང་རྒྱལ་ཁབ་ཕྱི་ནང་གང་སར་བཞུགས་པའི་ཐེག་ཆེན་སངས་རྒྱས་གཡུང་དྲུང་བོན་གྱི་བསྟན་པའི་རྗེས་སུ་འཛིན་པའི་རྒྱ་ཆེའི་བོན་འབངས་རྣམས་ཀྱི་སྙན་དབང་དུ་བཀྲ་ཤིས་པའི་གཏམ་བཟང་ཞུ་དོན། 

བོད་ཟླ་བ་དགུ་པའི་ཚེས་གསུམ་ཕྱི་ལོ་༢༠༡༦ཟླ་བ་༡༡ཚེས་༢ཉིན་འཛམ་གླིང་བོན་གྱི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་ལ་བརྟན་བཞུགས་རྒྱས་འབུལ་གྱི་ཉིན་གསུམ་པའི་སྐབས།