གཡུང་དྲུང་བོན་བཤད་སྒྲུབ་སློབ་གླིང་གི་དཀའ་གནད་གཞུང་བརྒྱའི་བགྲོ་གླིང་ཁང་ཆེན་ནས་སྤྱི་ལོ་༢༠༡༩ལོའི་ཟླ་༤ཚེས༡༤་ཉིན་སློབ་མ་རྣམས་ལ་བརྩལ་བའི་གཏམ་བཤད་སྒྲ་བཤུས། ལེགས་སོ།  ཐོག་མར་གོང་བཞུགས་ཀྱི་དགེ་བའི་བཤེས་གཉེན་རྣམ་པ་དང་།  སློབ་མ་ཡོངས་ལ་འཚམས་འདྲིའི་བཀྲ་ཤིས་བདེ་ལེགས་ཞུ་བ་ཡིན།  (ཐལ་མོ་རྡེབ་སྒྲ)   ང་རང་ཚོས་སློབ་གསོའི་ལས་རིམ་འདི་སྤེལ་གྱི་ཡོད་བ་བཞིན། ལས་རིམ་སྤེལ་སྟངས་ཀྱི་ཁྲོད་དུ་ཐོག་མར་ངས། རེ་བའམ་བསམ་འཆར་ཞིག་ཡོད་པ་ནི།   ང་རང་ཚོ་ལས་དང་སྨོན་ལམ་གྱི་སྟོབས་ཀྱིས་དགེ་རྒན་དང་སློབ་མའི་འབྲེལ་བ་བྱུང་སོང་བ་རེད།  དེ་འདྲ་ཡིན་ཙང་།  ཁྱེད་རྣམ་པར་སློབ་གསོ་བྱེད་པའི་ཁ་ཐུག་ལ།  འཁྲབ་སྟོན་དང་།  གར་སྟབས་ཙམ་གྱི་རྣམ་པ་མི་འཛིན་པར།  གང་བཤད་པའི་ནང་གི་ལེགས་ཆ་ཅི་ཡོད་པ་དེ། ཡང་དག་པའི་སྒོ་ནས་ཉམས་སུ་ལེན་རྒྱུ་དེ་ཐོག་མར་སེམས་གཏིང་གི་རེ་བ་ཡིན།  དེ་མ་ཡིན་པར། དེ་རིང་གཅིག་གིས་རྫིག་པོ་ཞིག་བཤད་སོང་།  གཉིས་ཀྱིས་ཡག་པོ་བཤད་མ་སོང་ཟེར་བ་འདྲ་བོ།  ཕལ་ཆེ་བས་རྫིག་པོ་ཞིག་

བསྟན་པའི་ཟླ་བར་ཕུལ་བའི་ཤིས་བརྗོད་སྨྲ་སེང་དགྱེས་པའི་མཆོད་སྤྲིན། ཤེས་རབ་ལྷ་མཆོག་སེང་ཆེན་རིགས་ལྔ་དང་།། ཤེས་བྱའི་འབྱུང་གནས་ཕྱྭ་རྗེ་ཀེང་ཙེ་ཡི།། ཐུགས་གསང་དྷི་དང་ཧྲི་ཡིག་ལས་བཞེངས་པའི།། སངས་རྒྱས་མི་ཡི་རྣམ་རོལ་གང་དེར་འདུད།། ངོ་བོ་སྟོང་པ་གསུམ་ལས་བོན་སྐུར་བཞེངས།། རང་བཞིན་གསལ་བ་གསུམ་ལས་རྫོགས་སྐུར་བཞེངས།། ཐུགས་རྗེ་རིག་པ་གསུམ་ལས་སྤྲུལ་སྐུར་བཞེངས།། གྲོལ་ལམ་བོན་གྱི་སྐུ་གསུམ་ཁྱེད་ལ་འདུད།། དེ་བཞིན་ཉིད་ལས་གསང་བ་བོན་སྐུར་གྲོལ།། ཀུན་ཏུ་སྣང་ལས་གསང་ཆེན་རྫོགས་སྐུར་གྲོལ།། སྤྲུལ་པ་རྒྱུ་ལས་གསང་མཆོག་སྤྲུལ་སྐུར་གྲོལ།། བསྒྱུར་ལམ་སྔགས་ཀྱི་སྐུ་གསུམ་ཁྱེད་ལ་འདུད།

ཡིད་སྐྱོ་བའི་གནས་ཚུལ། དེ་རིང་། ༢༠༡༧ལོའི་སྤྱི་ཟླ༡༡པའི་ཚེས་༤དང་བོད་ཟླ་༩ཚེས་༡༥ལ་འཁེལ་ཡོད་ཅིང་། གཞིས་བྱེས་བོན་པོ་ཡོངས་ཀྱིས་ཤ་ཡི་ཚ་ས་དང་རུས་ཀྱི་དུང་ས་ཞེས་པའི་དཔེ་ལྟར། རང་རང་གི་ས་ན་དད་འདུན་ཆེན་པོའི་སྙིང་སྟོབས་ཀྱི་རང་གཤིས་ཕྱི་ལ་མངོན་པར་བྱས་ཏེ།

གངས་ཅན་བོད་ཀྱི་ཕ་མེས་ཀྱི་བླ་མཁར་སྲུང་བའི་དཔའ་བོ། རྒྱལ་དབང་ཀརྨ་པ། ཞྭ་དཀར་གཡུང་དྲུང་བསྟན་པའི་མངའ་བདག །གཞིས་བྱེས་བོན་འབངས་ཡོངས་ཀྱི་མགོན་སྐྱབས། རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་རེ་ཞིག་དགོངས་པ་བོན་དབྱིངས་སུ་རྫོགས་ཤོར་བ་ནི་གངས་ཅན་ལྗོངས་དང་། འཇིག་རྟེན་འདིའི་མུན་ནག་སེལ་བའི་སྒྲོན་མེ་ཞིག་གཟིམ་པ་ཡིན། རླབས་ཆེ་བའི་སྐྱེས་བུ་ཞིག་གིས་ཐ་མའི་མཛད་པ་བསྟན་པའི་དུས་འདིར་མི་རྣམས་ཀྱི་སྙིང་དབུས་སུ་ཁོང་གི་ཐུགས་རྗེ་དང་སྐུ་དྲིན་སྔར་ལས་ཇེ་གསལ་དང་ཇེ་དྲན་དུ་འགྲོ་བ་ནི་ཆོས་ཉིད་རེད།

བཀའ་རམས་པ་གཡུང་དྲུང་སྐལ་བཟང་། (འཕགས་ཡུལ་སྨན་རིའི་གླིང་།) ཡིན་པ་བོན་སྐུ་ཀུན་ཏུ་བཟང་པོ་རིག་སྣང་འོད་རྒྱལ་ལྷ་ཡི་གཤེན། ། སྣང་བ་ལྷུན་གྲུབ་ལོངས་སྐུའི་ངོ་བོ་དག་པའི་སྣང་ངོར་མི་ཡི་མགོན། ། ཤར་བ་འགྲོ་འདུལ་སྤྲུལ་སྐུའི་རྣམ་པ་ཀླུ་འདུལ་ཁྱུང་གི་ཚུལ་བཞེངས་ཏེ། ། འགྲོ་བའི་དོན་མཛད་བླ་མ་རིམ་བྱོན་ཞང་བོད་ལྷ་མིའི་མགོན་དེར་མཆོད། །

ཨེ་མ་ཧོ། བདེ་ཆེན་ལྷུན་གྲུབ་བོན་སྐུའི་ངང་ཉིད་ལས། །མ་འགག་རོལ་བ་ལོངས་སྐུའི་འོད་ཟེར་གསལ། ། ཅི་མཛད་ཐབས་མཁས་སྤྲུལ་སྐུའི་འཕྲིན་ལས་ཅན། །སྐུ་གསུམ་ངོ་བོ་མཉམ་མེད་རིན་པོ་ཆེ། །

སྐྱབས་མཆོག་དམ་པ་མཉམ་མེད་འགྲོ་བའི་མགོན། །མཁས་གྲུབ་དུ་མའི་གཙུག་རྒྱན་རིན་པོ་ཆེ། ། ཐོས་བསམ་བསྒོམ་བསྒྲུབས་ཉན་བཤད་སྲོལ་ཆེན་བཙུགས། །བསྟན་པའི་མངའ་བདག་མཁས་གྲུབ་སྤྱན་གཅིག་པ། །

ཤར་རྫའི་རྒྱལ་ཚབ་འཇིགས་མེད་དབང་ཕྱུག བདེ་སྟོང་ཟུང་འཇུག་ཨེ་ཝཾ་ཡེ་ཤེས་འཕྲུལ།། བཀའ་ལུང་ཉམས་རྟོགས་ལྷ་ཞལ་མངོན་པར་འཁུམས།། བརྩེ་ཆེན་ཐུགས་རྗེའི་འོད་སྣང་ཕྱོགས་བཅུར་འཚེར།། རིག་འཛིན་བོན་བརྒྱ་བླ་མའི་ཞབས་བརྟན་གསོལ།། ཞེས་ཞྭ་དཀར་བསྟན་པའི་སྲོག་ཤིང་། མཁས་གྲུབ་ཡོངས་ཀྱི་གཙུག་རྒྱན། མཁས་པ་ཕྱོགས་རེ་བ་མ་ཡིན་པར་མདོ་སྔགས་རྫོགས་གསུམ་དང་བཅུ་ཕྲག་རིག་པའི་གནས་ཀྱི་ཡང་རྩེར་སོན་ཞིང་། ཁྱད་པར་རང་གཞན་གྲུབ་མཐའ་ཀུན་ལ་མཁས་པའི་སྤྱན་རས་ཡངས་པ། འཆད་རྩོད་རྩོམ་གསུམ་གང་ལའང་ཐོགས་པ་མེད་པ་རྗེ་བོན་བརྒྱ་ཐམས་ཅད་མཁྱེན་པ་ཉིད་བསྟན་འགྲོའི་དོན་དུ་སྐུ་ཚེ་བསྐལ་བརྒྱར་བཞུགས་པའི་ཞབས་བརྟན་འབུལ་སྐབས་གང་གི་གསང་གསུམ་གྱི་ཡོན་ཏན་ལ་མི་ཕྱེད་པའི་དད་འདུན་འཕེལ་བའི་སྐལ་བ་ཅན་སློབ་འབངས་ཨ་འཇིགས་ཀྱིས་ཤར་རྫའི་དབེན་གནས་ནས་ཕུལ་བའོ།།

(འཛམ་གླིང་བོན་གྱི་གཙུག་རྒྱན་༧སྐྱབས་རྗེ་རྒྱལ་བ་སྨན་རི་མཆོག་གི་མནྜལ་བརྟན་བཞུགས་སུ་ཕུལ་བའི་ཤིས་ཚིག)