འབྲུག་ཆུ་ནས་བོན་ཆོས་ཀྱི་དཔེ་རྙིང་མང་པོ་གསར་རྙེད་བྱུང་བ།

W020150716558394022820ཉེ་ཆར་ཕྱི་ལོ་༢༠༡༥ལོའི་ཟླ་བ་བདུན་པར་གསར་འགོད་པས་འབྲུག་ཆུ་རྫོང་གི་ཧན་པན་དང་འཕེན་ཏིན།  ཆུ་མགོ་ནང་།  བོད་ཡུལ།  དགོན་པ་སོགས་ཤང་གི་སྡེ་གྲོང་བཅུ་ལྷག་ཏུ་དམངས་ཁྲོད་དུ་ཉར་བའི་བོན་གྱི་དཔེ་རྙིང་ལ་ཡུལ་དངོས་ཀྱི་རྟོག་ཞིབ་བྱས་ཏེ།  བོད་ཁྱིམ12ནས་བོན་ཆོས་པོ་ཏི180ལྷག་དང་ཤོག་ལྷེ2500ཤོག་ངོས21500ལོངས་པ།  སྲུང་འཁོར་སོགས་དཔེ་རིས80ལྷག མཆོད་ཆས30ལག་སོན་བྱུང་།

ལན་ཀྲོའུ་སློབ་ཆེན་ནུབ་བྱང་གྲངས་ཉུང་མི་རིགས་ཞིབ་འཇུག་ལྟེ་གནས་ཀྱི་ཞིབ་འཇུག་པ་ངག་དབང་རྒྱ་མཚོས་དཔེ་རྙིང་འདི་དག་གི་ཡི་གེའི་ཁྱད་ཆོས་དང་འབྲི་ལུགས།  ཡིག་མགོའི་མཚོན་རྟགས།  ཚིག་གི་བརྗོད་སྟངས་དང་བར་བཅུག་དཔེ་རིས།  སྲུང་འཁོར་དཔེ་རིས་སོགས་ཀྱི་ཆ་ལ་ཐོག་མར་གསལ་འབྱེད་བྱས་མཐར། ཁོས་བལྟས་ན་དཔེ་རྙིང་འདི་དག་གི་ནང་དོན་ནི་སྲིད་པ་བོན་གྱི་ནང་དོན་མང་པོ་དང་གཡུང་དྲུང་བོན་གྱི་ནང་དོན་ཉུང་ཙམ་འདུ་བའི་བོན་ཆོས་བྲིས་མ་ཡིན་ཞིང་།  ནང་དོན་གྱི་ཆ་ནས་གནམ་རིག་སྐར་W020150716558394026876རྩིས་དང་མོ་ཡིག་སྐོར།  གསོལ་འདེབས་དང་གཏོར་བསྔོ་སྐོར།  ཐབ་ལྷའི་སྐོར།  གསོལ་འདེབས་ཀྱི་སྐོར།  མཆོད་པའི་གཞི་བདག་གི་སྐོར།  སྒྲ་བླའི་སྐོར།  བླ་འགུག་གི་སྐོར།  རིམ་གྲོའི་སྐོར་སོགས་ཡོད།  བྲིས་ཀྱི་ཆ་ནས་བོད་ཀྱི་གནའ་དཔེ་དཀོན་པོ་འདི་རིགས་ཀྱི་འབྲི་སྟངས་མང་ཤོས་ནི་མཐོང་དཀོན་པའི་སྐུང་ཡིག་མང་པོས་བརྒྱན་ཅིང་། ནང་དོན་དང་འབྲི་ལུགས་གང་གི་ཆ་ནས་བལྟས་ཀྱང་། ཏུན་ཧོང་གི་བོད་ཡིག་དཔེ་རྙིང་ལས་བོན་པོའི་སྐོར་དང་།  ཀན་སུའུ་ལྡོང་ཁྲོམ་ནས་རྙེད་པའི་བོན་ཆོས་དང་ཆ་འདྲ་བ་སྟེ།  མིང་ངམ་ཚིག་གི་སྡེ་ཚན་སྐུང་ནས་བྲིས་པས་སྦྱོར་ཀློག་དཀའ་བ་ཞིག་ཡིན་ལ།  རིག་གཞུང་ཞིབ་འཇུག་གི་རིན་ཐང་ཆེན་པོ་ལྡན་ཞིང་།  དཔེ་རྙིང་དུམ་བུ་འགའ་རེའི་བར་དུ་དཔེ་རིས་ཀྱིས་ཁེངས་འདུག་པས།  དཔེ་རིས་དེ་དག་ནི་བོན་གྱི་ཆོས་ལུགས་ཆོ་གར་གཏོགས་པས།  ནང་དོན་དངོས་གནས་རྟོགས་དཀའ་བ་རེད།  བོན་ཆོས་ཀྱི་དཔེ་རྙིང་འདི་དག་འབྲུག་ཆུ་བཞུར་རྒྱུན་གྱི་བོད་ཀྱི་རིག་གནས་ཀྱི་ཁྱད་རྟགས་ཞིབ་འཇུག་བྱེད་པར་གཞི་འཛིན་ས་མཁོ་སྤྲོད་བྱེད་ཐུབ་པས། རིག་གཞུང་གི་རིན་ཐང་ཆེན་པོ་ལྡན།

ནུབ་བྱང་མི་རིགས་སློབ་ཆེན་བོད་རིག་པའི་ཞིབ་འཇུག་གླིང་གི་དགེ་རྒན་ཆེན་མོ་རྡོ་རྗེ་རིན་ཆེན་གྱིས་བཤད་པར།  དཔེ་རྙིང་འདི་དག་ཏུ་འབྲུག་ཆུའི་བཞུར་རྒྱུན་གྱི་བོད་མི་རིགས་ཀྱི་བསམ་པའི་སྙིང་སྟོབས་རིག་གནས་འཁོད་ཡོད་པས།  བོད་ཀྱི་སྲོལ་རྒྱུན་རིག་གནས་ཀྱི་གཟི་མདངས་མངོན་པར་འཚེར་བ་མཚོན་འདུག་ལ།  ཏུན་ཧོང་ཡིག་རྙིང་དང་འདྲ་བར་གནའ་དཔེའི་བྲིས་ཉམས་འབུར་དུ་ཐོན་པས། ལོ་རྒྱུས་དཔྱད་ཡིག་གི་རིན་ཐང་དང་ཞིབ་འཇུག་རིན་ཐང་ཆེན་པོ་ལྡན།

ཀན་སུའུ་མི་རིགས་དགེ་འོས་སློབ་ཆེན་ཨ་མདོ་བོད་ཀྱི་རིག་གནས་ཞིབ་འཇུག་ལྟེ་གནས་ཀྱི་ཀྲུའུ་རེན་ནམ་དགེ་རྒན་ཆེན་མོ་སངས་རྒྱས་མཁར་གྱིས་བལྟས་ན།  ཀན་ལྷོའམ་ཨ་མདོ་ས་ཆར་བོན་ཆོས་ཀྱི་དཔེ་རྙིང་འདི་འདྲའི་མང་པོ་ཞིག་རྙེད་པ་ནི་དངོས་གནས་མཐོང་དཀོན་པ་ཞིག་ཡིན་པ་མ་ཟད།  དཔེ་རྙིང་འདི་དག་ལས་བོན་ཆོས་རིག་གནས་ཞིབ་འཇུག་དང་། ཞང་ཞུང་གི་ཡི་གེ་དང་གནའ་བོའི་སྐུང་ཡིག་ཞིབ་འཇུག་བྱེད་པར་ཤིན་ཏུ་རྩ་ཆེ་བས་རིག་དངོས་ཀྱི་རིན་ཐང་ཆེ།

ཆེད་ལས་མཁས་པ་དག་གིས་ངོ་སྤྲོད་བྱས་པ་ལྟར་ན།  བོན་ཆོས་ནི་བོད་ཀྱི་གནའ་བོའི་དཔལ་ཡོན་གྱི་འགྱུར་རྡོ་ལྟ་བུར་གྱུར་འདུག དུས་རབས་བདུན་པའི་ཡར་སྔོན་དུ་བོད་རིགས་ཀྱིས་བོན་ཆོས་ལ་དད་པ་བྱེད་པས།  བོན་ཆོས་ནི་བོད་ཀྱི་གནའ་བོའི་རིག་གནས་ཀྱི་རྩ་ལག་ཏུ་གྱུར་ལ་བོད་ཀྱི་གནའ་བོའི་རིག་གནས་འཕེལ་རྒྱས་སུ་ཕྱིན་པའི་གྲུབ་འབྲས་ཡིན། དུས་རབས་བདུན་པར་བོད་བཙན་པོའི་སྲིད་དབང་ཚུགས་པ་ནས་བཟུང་།  བཙན་པོ་རྒྱལ་རབས་རིམ་བྱོན་གྱིས་སངས་རྒྱས་ཆོས་ལུགས་སྤེལ་བ་དང་བོན་ཆོས་བཀག་འགོག་བྱེད་པའི་སྲིད་ཁྲིམས་སྤྱད་པས། བོན་པོའི་ཆོས་ལུགས་ལ་གྱོང་གུན་ཆེན་པོ་ཐེབས། བོན་གྱི་དཔེ་གཞུང་དག་བསྲེག་པ་དང་ཆུ་ལ་བསྐྱུར་བ། ཡང་ན་བྲག་སྲུབ་དང་དགོན་འདབས་སུ་སྦས་ཤིང་།  ཆེས་ཉུང་ཤས་ཤིག་བོད་ཀྱི་དམངས་ཁྲོད་དུ་ཁྱབ་པ་བྱུང་། དམངས་ཁྲོད་དུ་ཁྱབ་པའི་བོན་གྱི་དཔེ་ཆ་དག་ནི་ཁྱིམ་རྒྱུད་ནས་དར་བ་དང་།  དེའི་ཆོ་ག་དང་སྙན་བརྒྱུད་སོགས་བོད་ཀྱི་དུས་རབས་རིམ་བྱུང་དུ་མཆོད་གཞིས་གནས་སྤོས་དང་འགྲོགས་ནས་ཕྱོགས་མཐར་ཁྱབ་ཕྱིར་མཐོང་དཀོན་པར་གྱུར།

ས་དེའི་བོན་གྱི་གྲོང་སྔགས་བགྲེས་པོ་དབྱང་བཀྲ་ཤིས་ཀྱིས་བཤད་པར། བོན་གྱི་དཔེ་རྙིང་འདི་དག་ནི་ཁྱིམ་བརྒྱུད་ཀྱི་ནོར་བུ་ལྟར་མཆོད་བཀུར་དང་གེགས་སེལ། གཡང་འགུག་སོགས་ཀྱི་སྐབས་སུ་མ་གཏོགས་བསྐུངས་ནས་བཞག་པ་ཡིན། རིག་གསར་གོད་ཆག་གི་སྐབས་སུ་རིག་དངོས་རྩ་ཆེན་མང་པོ་མེར་བསྲེགས། རང་སའི་བོད་མི་སྙིང་རུས་ཅན་འགས་བོན་གྱི་དཔེ་རྙིང་ཅི་ཐུབ་ཀྱིས་རྫ་བྲག་གི་སྲུབས་སུ་སྦས་པ་དང་ཡང་ན་རྫ་སྣོད་དུ་བཅུག་པའམ་གྱང་བར་དུ་སྦས་ནས་བསྲུང་བ་ཡིན།  ད་ལྟར།  ཆེས་སེམས་ཁྲལ་བྱེད་དགོས་པ་ནི་ཁྱིམ་བརྒྱུད་ཀྱི་ཆོས་རྒྱུན་སྐྱོང་མཁན་མེད་པས་དཔེ་རྙིང་འདི་དག་རྩ་བརླག་ཏུ་འགྱུར་ཉེན་ཆེ།

གསར་འགོད་པས་ཐེངས་འདིའི་རྟོགས་ཞིབ་ཁྲོད་དུ།  བོན་གྱི་དཔེ་རྙིང་དེ་དག་ལོ་མང་འགྱངས་པའི་ཁར་འཇོག་སའི་ཆ་རྐྱེན་ཞན་པ་དང་ཉར་ཚགས་མ་ལེགས་པས།  གླེགས་བམ་གང་མང་ཧྲལ་ཧྲུལ་དང་རུལ་སུངས་སུ་གྱུར་ནས་རབ་རིབ་ཏུ་སྣང་ལ། ལ་ལར་བརླན་གྱིས་ལྷན་དུ་འབྱར་བས་བཀླག་ཐབས་བྲལ། ཁྱིམ་ཚང་འགའ་རེས་དཔེ་རྙིང་དང་མཆོད་ཆས་གཞན་ལ་སྟེར་བའམ་བཙོངས་པ། མེ་དང་ཆུ་འཇིག་གི་གནོད་འཚེ་ཐེབས་ངེས་པའང་མཐོང་། དེའི་ཕྱིར་རིག་དངོས་རྩ་ཆེན་འདི་དག་རྩ་བརླག་ཏུ་འགྱུར་བ་དང་ཆོས་རྒྱུན་ཆད་ལ་ཉེ་བས། དེ་དག་ལ་མྱུར་སྐྱོབ་རང་བཞིན་གྱི་འཚོལ་སྒྲིག་དང་སྲུང་སྐྱོབ་ཐད་དུ་མཐོང་ཆེན་བྱས་ནས་མ་དངུལ་གྱི་རྒྱབ་སྐྱོར་གནང་རྒྱུ་གལ་ཆེའོ། ། (རྩོམ་འགན་པ། རྟ་མགྲིན)

ཀྲུང་གོའི་བོད་ལྗོངས་དྲ་ཚིགས་ལས་དྲངས།

http://wap.tibet.cn/tb/wh/st/201507/t20150713_3508646.html

2,284 total views, 2 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།