ཞང་ཞུང་གཙོ་མེན་གྱེར་ཆེན་གྱིས། རིག་འཛིན་འདུས་པའི་བསྒྲུབ་པ་མཛད་དུས་སུ། གུ་གེ་བརྒྱུད་དེ་ཁོད་སྤུངས་ཀྱིས་བཀོད་པའོ། གཤེན་པོ་གསང་བ་འདུས་པས་གསུངས་པ། ཉོན་དང་མ་འོངས་སེམས་ཅན་ཀུན། གཡུང་དྲུང་བོན་འདི་ཐོས་པ་དཀའ་བས། བསྒྲུབ་ལ་བརྩོན་པར་བགྱི། ཁེངས་དྲེགས་བདུད་བཅོམ་བརྩོན་གྲུས་བསྐྱེད། འཆི་བདག་བདུད་ནི་སོ་བྱས་ཉ་བསྒུག་འདྲ། དེ་ཕྱིར་གཡུང་དྲུང་བོན་སྤྱོད་དང་དུ་ལོངས། འོད་གསལ་ཆེན་པོ་རྒྱུན་དུ་བསྒོམ། ཞེས་གསུངས་སོ། 

རྩ་བའི་ས་བཅད་དང་པོ་རྒྱ་ཆེ་བ་ཐེག་པ་ཐུན་མོང་གི་ལུགས་དང་བསྟུན་ནས་སྤྱིར་བཀའ་རྟགས་ཀྱི་ཕྱག་རྒྱ་བཞི་ཡི་ངོས་འཛིན་གཏན་ལ་འབེབས་ཚུལ་དང་།   རྩ་བའི་ས་བཅད་གཉིས་པ་ཐེག་པ་ཐུན་མོང་མ་ཡིན་པ་གཞི་ཡེ་གྲོལ་དུ་འདོད་པའི་རྫོགས་པ་ཆེན་པོ་ལ་གསུམ་དུ་བཤད་པའི་ནང་ཚན་གོལ་ས་ཤུགས་ལས་ཆོད་པར་འདོད་པའི་ལུགས་ཀྱི་བཀའ་རྟགས་ཀྱི་ཕྱག་རྒྱ་བཞི་བྱེ་བྲག་ཏུ་གཏན་ལ་འབེབས་ཏེ་ངོས་འཛིན་གནང་ཚུལ་དང་གཉིས་སོ། རྩ་བའི་ས་བཅད་དང་པོ་རྒྱ་ཆེ་བ་ནང་པའི་ཐེག་པ་རིམ་པ་དགུ་ཐུན་མོང་གི་ལུགས་ལྟར་ན།  ལྟ་བ་བཀའ་རྟགས་ཀྱི་ཕྱག་རྒྱ་མདོ་བཞི།  ཞེས་པ། 

རྗེ་བཙུན་མེ་སྟོན་པོས་མཛད་པའི་འདུལ་བ་ཀུན་བཏུས་ཀྱི་གཞུང་རྩ་བར་བཞག་ནས་གཤེན་གྱི་དྲང་སྲོང་ཡེ་ཤེས་རྒྱལ་མཚན་གྱིས་འདུལ་བ་ཀུན་ལས་བཏུས་པའི་ཏི་ཀ་གསལ་བའི་སྒྲོན་མེ་ཞེས་བྱ་བ་འདུལ་འགྲེལ་ཤིན་ཏུ་རྒྱས་པ་ཞིག་བརྩམས་གནང་མཛད་འདུག་པ་དེ་ནི།  ཆེས་ངོ་མཚར་རྨད་དུ་བྱུང་བའི་འདུལ་འགྲེལ་ཞིག་ཏུ་སྣང་ལ།  དེ་ཙམ་དུ་མ་ཟད་རྒྱལ་བ་མཉམ་མེད་ཆེན་པོས་ཀྱང་ཏི་ཀ་གསལ་བའི་སྒྲོན་མེའི་ས་བཅད་ཀྱི་གོ་རིམ་དང་བསྟུན་ནས་འདུལ་འགྲེལ་འཕྲུལ་གྱི་སྒྲོན་མེ་ཞེས་བྱ་བ་འདི་ཉིད་བརྩམས་པ།  འགྲེལ་དེ་ཉིད་ལ་གཟིགས་ཞིབ་གནང་ན་མཁྱེན་རྟོགས་ཐུབ་པར་འདུག་གོ