བོན་སྐོར་ཉམས་ཞིབ་པ་ངག་དབང་རྒྱ་མཚོ་དང་ཁོང་གི་གཏམ་བཤད།

2012061802065928འབུམ་རམས་པ་ངག་དབང་རྒྱ་མཚོ་ནི་ཕྱི་ལོ་༡༩༧༠ལོར་མདོ་སྨད་སྟག་ཁམས་སྡེ་སྐོར་བཅོ་བརྒྱད་ཀྱི་ནང་ཚན་གངས་ལེན་དུ་སྐྱེས། ད་ལྟ་སི་ཁྲོན་སློབ་ཆེན་དུ་ཆོས་ལུགས་ཆེད་ལས་ཀྱི་འབུམ་རམས་པའི་ཐོབ་ཐང་གཉེར་བཞིན་ཡོད། (Institute of religion research of Sichuan university ph.d candidate)ཞིབ་འཇུག་གི་ཁ་ཕྱོགས་གཙོ་བོ་ནི་སྲིད་པའི་རྒྱུད་བོན་དང་རྒྱ་ནག་གི་ཆོས་ལུགས་སྐོར་ཡིན། ཁོང་ནི་ཕྱི་ལོ་༡༩༧༩ལོ་ནས་༡༩༨༥ལོའི་བར་དུ་ཀན་སུའུ་ཞིང་ཆེན་ཐེ་བོ་རྫོང་སྟག་ཁམས་སློབ་ཆུང་དུ་སློབ་གཉེར་བྱས། ༡༩༨༥ལོ་ནས་༡༩༨༨ལོའི་བར་དུ་ཀན་སུའུ་ཞིང་ཆེན་ཐེ་བོ་རྫོང་བོད་རིགས་སློབ་འབྲིང་དུ་སློབ་གཉེར་བྱས། ༡༩༨༨ལོ་ནས་༡༩༩༢ལོའི་བར་དུ་ཀན་སུའུ་ཞིང་ཆེན་ཀན་ལྷོ་མི་རིགས་འབྲིང་རིམ་ཆེད་གཉེར་སློབ་གྲྭར་སློབ་གཉེར་བྱས། ༡༩༩༢ལོ་ནས་༡༩༩༤ལོའི་བར་དུ་ཀན་སུའུ་ཞིང་ཆེན་ཐེ་བོ་རྫོང་སྟག་ཁམས་སློབ་ཆུང་དུ་དགེ་རྒན་གྱི་བྱ་བ་གཉེར། ༡༩༩༤ལོ་ནས་༡༩༩༧ལོའི་བར་དུ་ཀན་སུའུ་ཞིང་ཆེན་ཀན་ལྷོ་མི་རིགས་མཐོ་རིམ་དགེ་འོས་ཆེད་གཉེར་སློབ་གྲྭར་སློབ་གཉེར་བྱས། ༡༩༩༧ལོ་ནས་༢༠༠༠ལོའི་བར་དུ་ཀན་སུའུ་ཞིང་ཆེན་ཀན་ལྷོ་མི་རིགས་མཐོ་རིམ་དགེ་འོས་ཆེད་གཉེར་སློབ་གྲྭར་དགེ་རྒན་གྱི་བྱ་བ་གཉེར། ༢༠༠༠ལོ་ནས་༢༠༠༣ལོའི་བར་དུ་ཀན་སུའུ་ཞིང་ཆེན་མི་རིགས་སློབ་ཆེན་དུ་རྒྱ་བོད་ལོ་ཙའི་འབུམ་རམས་པའི་ཐོབ་ཐང་བླངས། ༢༠༠༣ལོ་ནས་༢༠༠༨ལོའི་བར་དུ་ཀན་སུའུ་ཞིང་ཆེན་མི་རིགས་དགེ་འོས་སློབ་གླིང་དུ་དགེ་རྒན་གྱི་བྱ་བ་གཉེར། ༢༠༠༨ལོ་ནས་ད་ལྟའི་བར་དུ་སི་ཁྲོན་སློབ་ཆེན་དུ་ཆོས་ལུགས་ཆེད་ལས་ཀྱི་འབུམ་རམས་པའི་ཐོབ་ཐང་གཉེར་བཞིན་ཡོད།

ཁོང་གི་བོན་སྐོར་གྱི་གཏམ་བཤད་གཤམ་ནས་གསན་རོགས་ཞུ།

http://www.qhtb.cn/radio/375/2015/09-06/26642.html

 

 

1,996 total views, 4 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།