ཀན་སུའུ་འབྲུག་ཆུའི་བོན་གྱི་དཔེ་རྙིང་གི་ཡུལ་དངོས་རྟོག་ཞིབ་དང་ཞིབ་བསྡུར་ཚོགས་འདུ།

1ཕྱི་ལོ་༢༠༡༦ལོའི་ཟླ༧ཚེས་༡༢ནས་༡༤བར་ཀན་ལྷོ་ཉིན་རེའི་ཚགས་པར་ཁང་གིས་ཀན་སུའུ་འབྲུག་ཆུའི་བོན་གྱི་དཔེ་རྙིང་གི་ཡུལ་དངོས་རྟོག་ཞིབ་དང་ཞིབ་བསྡུར་ཚོགས་འདུ་གཙོ་སྒྲུབ་གནང་ཞིང་། བྱ་འགུལ་དེར་ཀྲུང་དབྱང་མི་རིགས་སློབ་ཆེན་གྱི་དགེ་རྒན་ཆེན་མོ་ཚེ་རིང་ཐར་དང་བོད་ལྗོངས་སྤྱི་ཚོགས་ཚན་རིག་ཁང་གི་དོན་གྲུབ་ལྷ་རྒྱལ། ལན་གྲུ་སློབ་ཆེན་གྱི་དགེ་རྒན་ཆེན་མོ་ཆོས་འཕེལ། ནུབ་བྱང་མི་རིགས་སློབ་ཆེན་གྱི་དགེ་རྒན་ཆེན་མོ་བཀྲ་ཤིས་ཚེ་རིང་། ལྷོ་ནུབ་མི་རིགས་སློབ་ཆེན་གྱི་ལྷོ་ནུབ་མི་རིགས་ཞིབ་འཇུག་ཁང་གི་ཞིབ་འཇུག་པ་ཐོགས་མེད།

2ལྷོ་ནུབ་མི་རིགས་སློབ་ཆེན་གྱི་དགེ་རྒན་ཆེན་མོ་མགོན་པོ་བཀྲ་ཤིས་དང་དགེ་རྒན་ཆེན་མོ་གཞོན་པ་མཆོན་རྟེན་ཐར། དཀར་མཛེས་ཁུལ་ཡིག་ཚང་ཁང་གི་སྡེ་རོང་ཚེ་རིང་དོན་གྲུབ། མཚོ་སྔོན་མི་རིགས་སློབ་ཆེན་གྱི་དགེ་རྒན་ཆེན་མོ་འབྲུག་མོ་སྐྱིད། ཡུན་ནན་ཞིང་ཆེན་བདེ་ཆེན་ཉིན་རེའི་ཚགས་པར་ཁང་གི་གཙོ་སྒྲིག་པ་པད་མ་ཚེ་རིང་སོགས་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ་དང་མཁས་པ་གྲགས་ཅན་བཅུ་ལྷག་དང་། ཀན་སུའུ་ཞིང་ཆེན་དང་ཀན་ལྷོ་ཁུལ་དང་འབྲུག་ཆུ་རྫོང་གི་འགོ་ཁྲིད་མང་པོ་ཞུགས་ཡོད།
3ཟླ7ཚེས12ཉིན་དགེ་རྒན་ཆེན་མོ་དང་མཁས་པ་གྲགས་ཅན་བཅུ་ལྷག་དང་། ཀན་སུའུ་ཞིང་ཆེན་དང་ཀན་ལྷོ་ཁུལ་དང་འབྲུག་ཆུ་རྫོང་གི་འགོ་ཁྲིད་རྣམས་འབྲུག་ཆུར་ཕེབས་ལ། ཕྱི་ཉིན་དགེ་རྒན་ཆེན་མོ་སོགས་མཁས་པའི་དབང་བོ་དང་འགོ་ཁྲིད་རྣམས་ཀྱིས་འབྲུག་ཆུ་རྫོང་གི་ཕིང་ཏིང་ཤང་ལ་རྩེ་(舟曲县坪定乡九原村)དང་ཧན་པན་ཤང་གསེར་པོ་ཤོག་བོད་དམག་ལྷ་ཁང་(憨班乡黑峪村贡巴寺)དུ་ཕེབས་ནས་རྟོག་ཞིབ་དང་གཟིགས་སྐོར་གནང་།
4ཚེས14ཉིན་ཀན་སུའུ་འབྲུག་ཆུའི་བོན་གྱི་དཔེ་རྙིང་གི་ཡུལ་དངོས་རྟོག་ཞིབ་དང་ཞིབ་བསྡུར་ཚོགས་འདུ་འཚོགས། ཚོགས་ཐོག་ཏུ་ཀན་ལྷོ་ཁུལ་དང་འབྲུག་ཆུ་རྫོང་གི་འགོ་ཁྲིད་རྣམས་ཀྱིས་གཙོ་བོ་འབྲུག་ཆུ་ནས་བོན་གྱི་གནའ་དཔེ་རྙེད་པར་ཆེད་དུ་མི་སྣ་རྩ་འཛུགས་བྱས་ཏེ་འཚོལ་བསྡུ་དང་སྲུང་སྐྱོབ་བྱས་པའི་གནས་ཚུལ་ཞུས་ལ། དགེ་རྒན་ཆེན་མོ་གཙོས་མཁས་དབང་རྣམས་ཀྱིས་སོ་སོའི་ཞིབ་འཇུག་གི་ཐད་ནས་འབྲུག་ཆུའི་བོན་གྱི་གནའ་དཔེ་དེ་དག་ནི་མ་དཔེ་དཀོན་པོ་ཡིན་ལ། བོན་གྱི་ལོ་རྒྱུས་དང་རིག་གནས། ཆོས་ལུགས། ཡི་གེ གོམས་སྲོལ་སོགས་ལ་ཞིབ་འཇུག་བྱེད་པར་གསར་རྙེད་བྱུང་བའི་རྒྱུ་ཆ་རིན་ཐང་དང་ལྡན་པ་ཁག་ཅིག་ཡིན་ལ། གནའ་དཔེ་དེ་དག་ལེགས་སྒྲིག་དང་སྲུང་སྐྱོབ། པར་སྐྲུན་སོགས་བྱེད་པའི་ཐད་ལ་དགོངས་འཆར་མང་པོ་བཏོན།
62008ལོར་ཀན་ལྷོ་ཉིན་རེའི་ཚགས་པར་ཁང་གི་གཙོ་སྒྲིག་གཞོན་པ་བློ་གསལ་དང་བོད་ཡིག་རྩོམ་སྒྲིག་པུའུ་ཡི་ཀྲུའུ་རིན་བཀྲ་ཤིས་ཚེ་རིང་ཁོང་གཉིས་ཀྱིས་འབྲུག་ཆུ་རྫོང་ནས་བོན་གྱི་གནའ་དཔེ་གསར་རྙེད་བྱུང་། དེའི་རྗེས་སུ་ཁོང་ཚོས་ས་གནས་ཀྱི་སྟོབས་ཤུགས་དང་མི་མང་པོ་རྩ་འཛུགས་བྱས་ནས་འབྲུག་ཆུ་རྫོང་གི་སྡེ་བ་བཅུར་བོན་གྱི་གནའ་དཔེ་པོད180ལྷག་དང་བསྡོམས་པས་ཤོག་གྲངས36000ལྷག་འཚོལ་བསྡུ་བྱས། འབྲུག་ཆུ་རྫོང་ནས་རྙེད་པའི་བོན་གྱི་གནའ་དཔེ་དེ་དག་ནི་ཡིག་ཆ་དཀོན་མོ་ཡིན་ལ། གནའ་དཔེ་དེ་དག་བོན་གྱི་ལོ་རྒྱུས་དང་རིག་གནས། ཞང་ཞུང་གི་ཡི་གེ ཡིག་རྙིང་གི་སྐུང་ཡིག་སྐོར་ལ་ཞིབ་འཇུག་བྱེད་པའི་རྒྱུ་ཆ་རྩ་ཆེན་དུ་ངེས་སོ།།
གནས་ཚུལ་འབྲི་བ་པོ་བཀྲ་ཤིས་མཚོ། ཧི་བོན་དྲ་ཚིགས་ལས་དྲངས།

1,432 total views, 2 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།