༧རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་ཕྱིར་རང་དགོན་སྨན་རིའི་གླིང་དུ་ཞབས་སོར་བཀོད་གནང་བ།

IMG_0183IMG_0221

ཞྭ་དཀར་བསྟན་པའི་གཙུག་རྒྱན་གསང་གསུམ་བོན་གྱི་མཛོད་འཛིན་གཡུང་དྲུང་བོན་གྱི་བླ་ཆེན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་བོད་མེ་སྤྲེལ་ལོའི་ཟླ་བ་དྲུག་པའི་ཚེས་ལྔ་རེས་གཟའ་ཉི་མ་ཉིན་སྟེ། ཕྱི་ལོ་༢༠༡༦ཟླ་བ་༠༨ཚེས་༠༧ཉིན་རྒྱ་གར་བྱང་ཕྱོགས་ཧི་མ་ཅལ་དུ་གཞིས་ཆགས་པའི་བོན་གཞིས་ཐོབ་རྒྱལ་གསར་པ། ༧གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་བདེ་འཚམས་ངང་ཆིབས་ཕེབས་གནང་བ།

13886972_1065917183444528_6995032145269925654_nདེ་ཡང་ཕྱི་ལོ་༢༠༡༦ཟླ་༠༨ཚེས་༥ཉིན་གྱི་ཕྱི་དྲོའི་ཆུ་ཚོད་གསུམ་པ་ཙམ་ལ་ཨ་རིའི་ནེའུ་ཡོག་ནས་༧ཁྲི་འཛིན་རིན་པོ་ཆེ་མཆོག་དང་སྐུ་ཡི་ཞབས་འཁོར་ཨ་རིའི་བོན་གཤེན་གླིང་གི་དབུ་འཛིན་སྐྱོང་སྤྲུལ་དགེ་བཤེས་བསྟན་འཛིན་རྣམ་རྒྱལ་རིན་པོ་ཆེ་མཆོག་དང་མཁན་པོ་བསྟན་འཛིན་དར་རྒྱས་དང་བཅས་རྒྱ་གར་གྱི་རྒྱལ་ས་ལྡི་ལིའི་གནམ་ཐང་ལ་ཞབས་སོར་འཁོད། དེར་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་དྲུང་ཆེ་དགེ་བཤེས་ཟླ་བ་དར་རྒྱས་མཆོག་དང་། སྨན་རིའི་མགྲོན་གཉེར་དགེ་བཤེས་ཚུལ་ཁྲིམས་བློ་ལྡན་ནམ་སྙན་གྲགས་ལགས། སྨན་རིའི་གྲྭ་ཚང་གི་གཉེར་པ་ཨ་ཀྲོང་རིན་ཆེན་རྒྱལ་མཚན་ལགས། སྨན་རིའི་བླ་བྲང་གི་སྐུའི་ཞབས་ཞུ་པ་ཆེན་མོ་དགེ་སློང་སངས་རྒྱས་རྒྱ་མཚོ་ལགས་སོགས་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་མི་སྣ་མང་པོ་ཕེབས་བསུར་བཅར་ཡོད་པ་དང་།

IMG_0016IMG_0026

ཕྱི་ཚེས་༦ཉིན་གྱི་ཕྱི་དྲོའི་ཆུ་ཚོད་༡།༣༠ཙམ་ལ་༧སྨན་རིའི་ཁྲི་འཛིན་རིན་པོ་ཆེ་མཆོག་རྒྱལ་ས་ལྡི་ལི་ནས་མཁའ་ལམ་བརྒྱུད་དེ་གྲོང་ཁྱེར་ཅན་ངྷི་གྷར་(Chandigarh)ལ་ཞབས་སོར་འཁོད་ཡོད་པ་དང་། ཅན་ངྷི་གྷར་རྒྱལ་སྤྱིའི་གནམ་ཐང་ལ་༧སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་དང་། བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་པ་ཆེ་བ་ཟུར་པ་སྐུ་ངོ་བྱ་དུར་བསོད་ནམས་བཟང་པོ་མཆོག གཡུང་དྲུང་བོན་གྱི་སྤྱི་འཐུས་སྐུ་ངོ་བ་ར་ཚེ་དབང་བཀྲ་ཤིས་ལགས། དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་དྲུང་ཆེ་དགེ་བཤེས་ཟླ་བ་དར་རྒྱས་མཆོག དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་ཟུང་འབྲེལ་འགན་འཛིན་སྨན་རིའི་དགེ་བཤེས་ཟླ་བ་རྣམ་རྒྱལ་ལགས། བོན་གཞིས་ཐོབ་རྒྱལ་གསར་པའི་གཞིས་འགོ་བློ་ལྡན་ཉི་མ་མཆོག  སྨན་རིའི་བཤད་སྒྲུབ་འདུས་སྡེའི་ཚོགས་གཙོ་ཤེས་རབ་རྣམ་རྒྱལ་ལགས། སྨན་རིའི་མགྲོན་གཉེར་དགེ་བཤེས་ཚུལ་ཁྲིམས་བློ་ལྡན་ནམ་སྙན་གྲགས་ལགས། དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་དངུལ་གཉེར་དགེ་བཤེས་ཚེ་དབང་དངོས་གྲུབ་ལགས། སྨན་རིའི་གཉེར་པ་ཟུར་པ་ཚ་ཚ་བླ་མ་རིན་ཆེན་རྒྱལ་མཚན་ལགས། བོན་གཞིས་ས་གནས་རང་བདེན་ཚོགས་ཆུང་གི་ཚོགས་གཙོ་བློ་བཟང་རྒྱ་མཚོ་ལགས། བོན་བུ་ཁྱིམ་ཁང་གི་དྲུང་ཆེ་ཕུན་ཚོགས་དར་རྒྱས་ལགས། བོན་གཞིས་ས་གནས་གཞོན་ནུ་ལས་བྱེད་ཚེ་དབང་ལྷ་རྒྱལ་ལགས་དང་ཆོས་བཟང་ལགས། འདི་ག་གཡུང་དྲུང་བོན་དྲྭ་ཚིགས་ཁང་གི་འགན་འཛིན་ཁྲི་གཡུང་དྲུང་དང་། གྲོང་ཁྱེར་ཅན་ངྷི་གྷར་(Chandigarh)མཐོ་སློབ་ཀྱི་སློབ་ཕྲུག་ཉི་ཤུ་ལྷག་བཅས་སེར་སྐྱ་མང་པོ་ཕེབས་བསུར་བཅར་ཡོད།
IMG_0074IMG_0083

ཕྱི་ཚེས་༧ཉིན་གྱི་ཞོགས་པའི་ཆུ་ཚོད་༩།༣༠ཙམ་གྱི་ཐོག་ཅན་ངྷི་གྷར་(Chandigarh)ནས་ཆིབས་འཁོར་ལ་བཞུགས་ནས་ཕེབས། ས་གནས་ཨོ་ཆི་གྷར་(Oachghat)ནས་ས་གནས་དེའི་མང་ཚོགས་ཀྱིས་ལྷ་བསང་བཏང་། དར་ཁ་འབུལ་བཞིན་ཕེབས་བསུ་གནང་། ས་གནས་དེར་བཞུགས་གུར་ཕུབ་ནས་གསོལ་ཇ་ཕུལ། ཆུ་ཚོད་ཕྱེད་ཀ་ཙམ་ལ་སྐུ་ངལ་གསོ་གནང་ཞིང་ས་གནས་དེའི་མི་མང་ལ་མཇལ་ཁ་གནང་།

IMG_0095IMG_0134

ས་གནས་ཨོ་ཆི་གྷར་(Oachghat)ནས་ཚོགས་སྡེ་དང་མི་སྒེར་ཁག་གི་རླངས་འཁོར་དང་འཕྲུལ་རྟའི་བསྟར་འཕྲེང་བསྒྲིགས་ནས་ཕེབས་བསུ་ཞུས། བོན་གཞིས་ཐོབ་རྒྱལ་གསར་པའི་ལ་མགོ་ལ་བོན་གཞིས་མི་མང་དང་ཉིན་སློབ་ཀྱི་སློབ་སྤྱི་དང་དགེ་སློབ་མང་པོས་རྔ་རོལ་གྱིས་བསུ་མ་ཞུས་ཤིང་། དེ་ནས་གསོ་རིག་འབུམ་བཞིའི་མཐོ་སློབ་ཀྱི་སྒོ་འགྲམ་ལ་དགེ་སློབ་མང་པོས་ལྷ་བསང་གཏོང་ཞིང་ཕེབས་བསུ་ཞུས། དེ་ནས་སྨན་རིའི་གྲྭ་ཚང་སྒོ་ཆེན་འགྲམ་ལ་བཤད་སྒྲུབ་མཁན་སློབ་གཉིས་དབུས་པའི་བོད་མི་མང་གི་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་དང་། སྤྱི་འཐུས་རྒྱ་རིགས་ཐར། སྤྱི་འཐུས་བློ་བཟང་ཆོས་འབྱོར་ལགས་དང་།

IMG_0156IMG_0161

དེ་ནས་དགེ་འདུན་མང་ཚོགས་དང་བཙུན་མ་ཡོངས་ཀྱིས་རྔ་རོལ་དུང་གསུམ་གྱི་མཆོད་པ་འབུལ་བཞིན། བོན་གཞིས་ཐོབ་རྒྱལ་གསར་པའི་སེར་སྐྱ་མི་མང་གིས་ཕེབས་ལམ་གཡས་གཡོན་དུ་བང་སྒྲིག་སྟེ་བདུག་སྤོས་དང་བསང་གསོལ་གཏོང་བཞིན། ཁ་བཏགས་སོགས་ཀྱིས་དགའ་བསུའི་ཁྲོད་དུ་རང་དགོན་དཔལ་གཤེན་བསྟན་སྨན་རིའི་གླིང་གི་ཚོགས་ཁང་ཆེན་མོའི་སྒོ་ཁྱམས་ལ་ཞབས་སོར་བདེ་བར་བཀོད། དེ་ནས་དམིགས་བསལ་གྱིས་གྲྭ་ཚང་འདུས་མང་གིས་གཤེན་རབ་མཆོད་རྔ་བརྡུང་སྟེ་མཆོད་བསུ་ཞུས་ཤིང་ཚོགས་ཁང་ལ་གདན་འདྲེན་ཞུས་ནས་རྒྱལ་བ་སྨན་རིའི་གསེར་ཁྲི་ལ་མངའ་གསོལ་མཛད།

IMG_0175IMG_0192

དེ་ནས་སྨན་རིའི་དཔོན་སློབ་རིན་པོ་ཆེ་ནས་མཎྚལ་སྐུ་གསུང་ཐུགས་རྟེན་འདེགས་འབུལ་ཞུས་ཞིང་བོན་གཞིས་སེར་སྐྱ་མང་ཚོགས་དང་སློབ་ཕྲུག་ཡོངས་ལ་མཇལ་ཁ་གནང་། མཇལ་ཁ་སོགས་ཡོངས་སུ་གྲུབ་ནས་སྨན་རིའི་བླ་བྲང་གཟིམ་ཆུང་ལ་ཆིབས་བསྒྱུར་གནང་སྟེ་ཐུགས་ངལ་གསོ་གནང་བཞིན་བཞུགས་ཡོད་པ་བཅས་སོ། །

IMG_0213IMG_0211

༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་འདི་ལོ་༢༠༡༦ཟླ་གཉིས་པའི་ནང་ཨ་རིའི་བོན་གཤེན་གླིང་གིས་གདན་ཞུས་ཀྱིས་ཨ་རི་ལ་སྨན་བཅོས་དང་སྐུའི་ངལ་གསོ་བཅས་ཀྱི་ཆེད་དུ་ཕེབས་ཏེ། ད་བར་གྱི་ཟླ་དྲུག་ཙམ་རིང་ལ་སྐུའི་སྨན་བཅོས་གནང་བ་ལེགས་འགྲུབ་བྱུང་བ་མ་ཟད་བོན་ཕྱོགས་ཀྱི་མཛད་འཕྲིན་ཁག་ཅིག་བསྐྱངས་ཡོད།

13332786_1741683842775648_733740369802115544_n

 

ཐོག་མར་ཨ་རིའི་བོན་གཤེན་གླིང་གི་དབུ་འཛིན་སྐྱོང་སྤྲུལ་དགེ་བཤེས་བསྟན་འཛིན་རྣམ་རྒྱལ་རིན་པོ་ཆེ་མཆོག་གི་ཐུགས་འགན་འོག་བོན་གཤེན་གླིང་ནས་སྨན་སྦྱོར་འཕྲོད་བསྟེན་ཆེད་གདན་འདྲེན་ཞུས་དོན་ལྟར་སྐབས་དེར་ཕེབས་པ་ནས་བཟུང་སྨན་བཅོས་ཡག་པོ་བྱུང་ནས་སྐུ་ཁམས་གསལ་དྭངས་ཆགས་ཡོད་པ་དངོས་ཡོད་གནས་ཚུལ་ལྟར་ཡིན། དེ་ཡང་བོད་ཕྱི་ནང་གཉིས་སུ་བཞུགས་པའི་གཡུང་དྲུང་བོན་གྱི་བླ་སྤྲུལ་དགེ་བཤེས་གྲྭ་བཙུན་ཇོ་སྔགས་དང་བཅས་པའི་ལྷ་སྡེ་མི་སྡེ་ཡོངས་ནས་མཆོག་གསུམ་དམ་ཅན་རྒྱ་མཚོ་ལ་གསོལ་འདེབས་འཕྲིན་བཅོལ་དང་། ཡི་དམ་ཕྱི་ནང་གསུམ་གྱི་བསྙེན་སྒྲུབ། སྲིད་རྒྱལ་སྲུང་མའི་འབུམ་ཚོགས། སྐུ་ཕྱྭའི་གེགས་སེལ་ཞབས་རིམ་ཚཱ་ཚཱ་ཉེའུ་འདོན་ལ་སོགས་ཞབས་རིམ་རྒྱ་ཆེར་བགྱིས་པའི་ནུས་མཐུ་དང་ལས་སྨོན་དམ་ཚིག་བཟང་པོའི་རྒྱུ་རྐྱེན་ལས། དུས་ཐོག་ཏུ་ཆེས་མཐོའི་སྨན་སྦྱོར་མཐུན་རྐྱེན་སྦྱར་བ་སོགས་ཀྱིས་བློ་ཡུལ་ལས་འདས་པའི་སྐུ་གཟུགས་ལ་གྲུབ་འབྲས་ཁྱད་དུ་འཕགས་པ་ཐོན་ཡོད་པ་མངོན་གསལ་དོད་པོ་ཡིན།

imageimage

ཕྱི་ལོ་༢༠༡༦ལོའི་ཟླ་༥ཚེས་༢༧ནས་༣༠བར་ཨ་རིའི་ནེའུ་ཡོག་ཁུལ་དུ་རྟེན་གཞི་བྱས་པའི་བོན་གྱི་ཚོགས་སྡེ་བོན་གཤེན་གླིང་གིས་གོ་སྒྲིག་འོག་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་མཆོག་གིས་དད་ལྡན་བོན་འབངས་ཁག་ཅིག་ལ་དགོངས་མཛོད་རི་ཁྲོད་ཆེན་པོས་མཛད་པའི་ཟབ་མོ་གནད་ཀྱི་གདམས་པ་རྫོགས་ཆེན་ཨ་ཁྲིད་ཀྱི་ཁྲིད་ལུང་རྒྱས་པ་དང་རིག་འཛིན་ཚེ་ཡི་རྒྱལ་པོའི་བཀའ་དབང་བཀའ་དྲིན་བསྩལ་གནང་ཡོད་པ་དང་།

13680668_308644109482345_226764246815500115_n13892113_308644149482341_3737350200260876694_n

ཕྱི་ལོ་༢༠༡༦ལོའི་ཟླ་༧ཚེས་༣༠ཉིན་ཨ་རིའི་ནིའུ་ཡོག་ཏུ་བོན་གཤེན་གླིང་གིས་གོ་སྒྲིག་འོག་སྐུའི་འཁྲུངས་སྐར་མཛད་སྒོ་རྒྱས་པ་བསྡུས་གནང་ཡོད་པ་དང་། མཛད་སྒོ་ལ་དད་ལྡན་བོད་རིགས་དང་བོད་རིགས་མ་ཡིན་པའི་ཕྱི་གླིང་སློབ་ཚོགས་སོགས་སྟོང་ཕྲག་ལས་བརྒལ་བ་འདུས་གནང་ཡོད་པ་བཅས་ཀྱི་མཛད་བསྡུས་ཙམ་དུ་གཡུང་དྲུང་བོན་དྲ་ཚིགས་ལས་ཁུངས་ནས་བསྡུས་བསྒྲིགས་ཞུས་པ་དགེའོ་ཐ་ཚན་མུ་ཙུག་སྨར་རོ། །

 

4,786 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།