སྨན་རིའི་བཤད་སྒྲུབ་སློབ་དཔོན་དགེ་བཤེས་དགེ་ལེགས་རྒྱ་མཚོའི་མཛད་པ།

IMG_9514IMG_9516

༸སྨན་རིའི་བཤད་སྒྲུབ་སློབ་དཔོན་དགེ་བཤེས་དགེ་ལེགས་རྒྱ་མཚོ་མཆོག་གིས་ཨུ་རུ་སུའི་དད་ལྡན་ཁག་ཅིག་ལ་རྫོགས་ཆེན་ཐོད་བརྒལ་སྣང་བཞིའི་སྐོར་ལ་ཞལ་ཁྲིད་ཟབ་རྒྱས་གནང་ཡོད་པ་དང་ཚེ་དབང་བོད་ཡུལ་མའི་བཀའ་དབང་བསྩལ་གནང་བ།

IMG_9508IMG_9509
ཕྱི་ལོ་༢༠༡༧ཟླ་བ་༥པའི་ཚེས་༨ནས་ཚེས་༡༥བར་དུ་ཉིན་གྲངས་བརྒྱད་ཀྱི་རིང་ཨུ་རུ་སུའི་ཆར་གཏོགས་ཉམས་དགའ་བའི་དབེན་གནས་ཀྱི་རི་ཁྲོད་ཀུན་བཟང་སྒར་དུ་རྫོགས་ཆེན་ཐོད་བརྒལ་སྣང་བཞིའི་སྐོར་ལ་ཟབ་ཁྲིད་རྒྱས་པར་གནང་ཡོད་པ་མ་ཚད་དེའི་སྒོར་ཞུགས་པའི་དད་ལྡན་རྣམས་ཀྱིས་ཀྱང་ཐུགས་སྣང་ཆེན་པོའི་དྲི་བ་དྲིས་ལན་སོགས་ཟབ་རྒྱས་ཞུས་ཡོད།

IMG_9510
ཚེས་༡༦ཉིན་དད་ལྡན་རྣམས་ལ་སྙན་རྒྱུད་ཀྱི་དབང་བཀའ་རབ་འབྱམས་ཡེ་ཤེས་སྤྱི་བླུགས་ཀྱི་བཀའ་དབང་ཟབ་རྒྱས་བསྩལ་བཞིན་པ།

IMG_9520IMG_9507
ཚེས་༡༧ཉིན་གྱི་ཞོགས་པར་བསང་གསོལ་ལྷ་རྒྱལ་དང་ཀི་བསྭོ་སྒྲོག་ཅིང་བླ་སློབ་ཡོངས་ནས་རྫོགས་པ་ཆེན་པོའི་གཞུང་ཡང་ཟབ་ཚོགས་ཀྱི་འཁོར་ལོ་རྣལ་འབྱོར་དགོངས་པའི་རྒྱན་གྱི་ཚོགས་འཁོར་ཟབ་རྒྱས་བཏང་གནང་བ་དང་།

IMG_9518IMG_9519
ཀུན་བཟང་སྒར་ཆོས་ཚོགས་ཀྱི་བུ་སློབ་ཁག་ཅིག་གིས་མ་བསྐུལ་དང་བླངས་ཀྱི་བྲོ་གར་གླུ་ལེན་དང་གཏང་རག་གི་དགའ་སྟོན་སོགས་ཀྱིས་བཀྲ་ཤིས་མཐར་བརྒྱན་གྱིས་མཇུག་བསྡུས་ཡོད་པ་བཅས་ཀྱི་གནས་བསྡུས་ཙམ་དུ།

ཁྱུང་ཁྲི་རྒྱལ་ནས་མཁོ་སྤྲོད་གནང་།

1,954 total views, 3 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།