གཡུང་དྲུང་བོན་གྱི་དྲྭ་རྒྱ།

སྲིད་པའི་བོན་གྱི་ལེའུའི་ཡི་གེ་ལ་ཅུང་ཙམ་དཔྱད་པ། (1)

[ནང་དོན་གནད་བསྡུས ]  འདིར་སྲིད་པའི་བོན་གཞུང་སྤྱི་བཤད་བརྒྱུད།བོན་གྱི་ཡིག་ཚང་ཁྲོད་ཀྱི་ལེའུའི་ཡི་གེ་བཅུ་གསུམ་ཁོལ་དུ་ཕྱུང་ནས་གསེད་བཀྲོལ་བྱས་ཡོད། [བརྡ་ཆད་གཙོ་བོ ]    སྲིད་པའི་བོན།   ལེའུ།   ལེའུ་ཡིག    ལེའུའི་ཡི་གེ གླེང་གཞི། སྔོན་ཆད་བོན་གྱི་ལེའུའི་ཡི་གེའི་སྐོར་ལ་དཔྱད་པ་སྟོང་ཞིང་རང་ལ་ཡང་དེ་འབྲེལ་གྱི་བློ་སྦྱོང་ཞན་པས་གསལ་བོར་འཆད་པར་མི་ནུས་ཀྱང་།བོད་ཀྱི་ཤེས་རིག་ཞིབ་འཇུག་ལ་བསྔོ་ཞིང་དགེ་བར་དམིགས་ཏེ།སྲིད་པའི་བོན་གྱི་དཔེ་རྙིང་ཁག་ལས་ལེའུའི་ཡི་གེ་བཅུ་གསུམ་ཟུར་དུ་ཕྱུང་སྟེ་དཔྱད་པ་ཞུ་རྒྱུ་ཡིན། བོན་གྱི་ལེའུའི་ཡི་གེ་དེ་དག་གསེད་བཀྲོལ་མ་བྱས་གོང་དུ། བོན་ལུགས་ལ་ཇི་ལྟར་གྲགས་པ་བཞིན་སྲིད་པའི་བོན་གཞུང་སྤྱི་བཤད་བརྒྱུད།  ཅི་ཞིག་ལ་ལེའུ་དང་ལེའུའི་ཡི་གེའི་གདགས་གཞི་གང་ཡིན་སྐོར་གླེང་བར་བྱ།

སྨན་རིའི་གཡུང་དྲུང་བོན་གྱི་དཔེ་མཛོད་ཁང་དུ་(BDRC)དཔེ་མཛོད་དོ་དམ་དབུ་འཛིན་རྒན་ཀརྨ་གོང་བདེ་ལགས་ནས་གཏམ་བཤད་གནང་བ།

དེ་ཡང་སྤྱི་ལོ་༢༠༡༩ལོའི་སྤྱི་ཟླ་༡༢ཚེས་༧ཉིན་འདི་ག་གཡུང་དྲུང་བོན་གྱི་དཔེ་མཛོད་ཁང་གིས་གོ་སྒྲིག་འོག་དཔེ་མཛོད་ཚོམས་ཆེན་དུ་ཨ་རི་བརྟེན་གཞི་བྱས་པའི་ནང་བསྟན་དཔེ་ཚོགས་ལྟེ་གནས་(BDRC)དཔེ་མཛོད་དོ་དམ་དབུ་འཛིན་རྒན་ཀརྨ་གོང་བདེ་ལགས་ཆེད་ཕེབས་ཀྱིས་ནང་བསྟན་དཔེ་ཚོགས་ལྟེ་གནས་དང་དེར་བཞུགས་ཆོས་བརྒྱུད་ཁག་གི་དེབ་གསར་རྙིང་སྐོར་སོགས་ནས་ངོ་སྤྲོད་གཏམ་བཤད་གནང་ཡོད་པ་དང་།

སྨན་རིའི་གླིང་དུ་འཚོགས་པའི་རིས་མེད་ཀྱི་མདོ་སྔགས་ཟུང་གི་ལྟ་གྲུབ་བགྲོ་གླེང་ཚོགས་ཆེན་ཐེངས་དང་པོའི་སྐབས་ཀྱི་དཔལ་ས་སྐྱའི་མཁན་པོ་ཁྲིཿའགྱུར་མེད་རྡོ་རྗེ་མཆོག་གི་རྩོམ་ཤོག

བསྟོད་སྨོན། འགྱུར་མེད་གཡུང་དྲུང་རྟག་པའི་ཆོས་ཀློང་ན། ། ཀ་དག་རང་རིག་གཉུག་མ་ལྷན་ཅིག་སྐྱེས། ། ཕྱག་ཆེན་སྤྲོས་བྲལ་དབུ་མ་ཆེན་པོའི་དབྱིངས། ཀུན་རྫོབ་རང་སྟོང་དོན་དམ་གཞན་སྟོང་ཤོག ། དམ་བཅའ། ཡག་དག་གི་དག་ཞིང་ན། ། མི་གཙང་བའི་བུ་ག་མེད། ། གནས་ལུགས་ཀྱི་གཞི་དབྱིངས་ན། ། ཀུན་རྫོབ་ཀྱི་ནག་ནོག་མེད། ། ཡིན་ལུགས་ཀྱི་གྲུ་ཁ་ན། ། གཡོ་ཟོལ་གྱི་ཐལ་བརྡུལ་མེད། ། རིས་མེད་ཀྱི་ལམ་བུ་ན། ། རིས་བཅས་ཀྱི་རྐང་རྗེས་མེད། །

རྒྱལ་སྤྱིའི་བོད་རིག་པའི་ཞིབ་འཇུག་གྲོས་ཚོགས་ལ་བསྐྱོད་པའི་རེག་ཟིག

(ཕྱི་ལོ་༢༠༡༦ལོར་རྒྱལ་སྤྱིའི་བོད་རིག་པའི་གྲོས་ཚོགས་ཐེངས་༡༤ནོར་ཝེའི་བྷར་ཀན་སློབ་ཆེན་དུ་འཚོགས་པའི་ཟིན་ཐོ།)

མཁར་རྨེའུ་བསམ་གཏན་གྱིས་མཛད་པའི་བོན་ལུགས་ཀྱི་ཆོ་གའི་སྐོར།

བོན་ལུགས་ཀྱི་ཆོ་ག་ནི་ནང་དོན་མང་ཞིང་རྣམས་གྲངས་ཤིན་ཏུ་མང་པོ་ལྡན་པའི་དད་མོས་ཀྱི་ཆོ་ག་ཞིག་ཡིན། ད་ཕན་ཏུན་ཧོང་ནས་ཐོན་པའི་དུར་མཆོད་སྐོར་ཞིབ་འཇུག་རགས་ཙམ་བྱས་ཡོད་ཕུད། དེ་བྱིངས་ཀྱི་ཆོ་གའི་སྐོར་ཞིབ་འཇུག་བྱ་མཁན་བྱུང་མི་འདུག འོན་ཀྱང་། ཆོ་ག་དེ་ནི་ང་ཚོས་གནའ་རབས་ཀྱི་བོད་མིའི་སེམས་ཁམས་ཀྱི་འགུལ་བསྐྱོད་དང་འཕེལ་རིམ་དག་ཤེས་རྟོགས་བྱ་རྒྱུར་མཁོ་བའི་གལ་ཆེའི་དཔྱད་གཞི་ཞིག་ཡིན་པ་རེད།

མཁས་དབང་མཁར་རྨེའུ་བསམ་གཏན་ལ་བཅར་འདྲི་ཞུས་པ།

གསར་འགོད་པ་དོན་འགྲུབ་བཀྲ་ཤིས་ཡུ་རོབ་ནང་སྐོར་སྐྱོད་དང་བསྟུན་ཏེ་ཕྱི་ལོ་ ༢༠༡༥ ཟླ་ ༡༠ ཚེས་ ༢ ཉིན། ཧྥ་རན་སིའི་རྒྱལ་ས་ཕ་རེ་སིའི་གྲོས་ཚོགས་སྤྱི་གླིང་དུ། རྒྱལ་སྤྱིའི་བོད་རིག་པའི་ལྷན་ཚོགས་ཀྱི་ཚོགས་གཙོ་ཟུར་བ་དང་བོན་གྱི་ལོ་རྒྱུས་མཁས་པ་མཁར་རྨེའུ་བསམ་གཏན་རྒྱལ་མཚན་མཆོག་ལ། རྒྱལ་སྤྱིའི་བོད་རིག་པའི་ད་ལྟའི་གནས་སྟངས་དང་གཡུང་དྲུང་བོན་སོགས་ཀྱི་སྐོར་ལ་བཅར་འདྲི་ཞུས།

སྨན་རིའི་གླིང་གི་བོན་ཕྲུག་བདེ་དོན་གྱི་གཟེངས་རྟགས་མཛད་སྒོ།

ཕྱི་ལོ་༢༠༡༥ཟླ་བ་༡༠ཚེས་༢༥ཉིན་༧དཔལ་གཤེན་བསྟན་སྨན་རིའི་གླིང་དཔེ་མཛོད་ཁང་དུ་བོན་ཕྲུག་བདེན་དོན་གྱི་སློབ་ཕྲུག་རྣམས་ཀྱིས་ལོ་གཅིག་རིང་སློབ་ཕྲུག་གྲུབ་འབྲས་འབུར་ཐོན་རྣམས་ལ་གཟེངས་རྟགས་ཕུལ་བའི་མཛད་སྒོ་བསྡུས་ཡོད།

ས་རཱ་བོད་རིག་པའི་བགྲོ་གླེང་ཐེངས་དགུ་པ།

ཕྱི་ལོ་༢༠༡༥ཟླ་བ་༡༠ཚེས་༡༩་ཉིན་ནས་ཚེས་༢༡བར་ཉིན་གྲངས་གསུམ་རིང་ལ་ས་རཱ་བོད་རིག་པའི་བགྲོ་གླེང་ཐེངས་དགུ་པ་ ༼ཉམས་རྒུད་དུ་འགྲོ་བཞིན་པའི་གནའ་བོའི་བོད་ཀྱི་དམངས་སྲོལ་རིག་གནས་འཚོལ་བ་༽ ཞེས་པའི་བརྗོད་གཞིའི་ཐོག་མཁས་པ་དང་དགེ་བཤེས་ཞིབ་འཇུག་པ་དང་སློབ་ཆེན་སློབ་མ་བཅས་མི་གྲངས་བརྒྱ་ལྷག་གིས་བགྲོ་གླེང་གནང་ཡོད་པ་རེད།

དབུ་ཚད་སེང་གེ་མཇིང་བསྣོལ་གྱི་རིས་མེད་མཁས་པའི་བགྲོ་གླེང་ཆེན་མོ།

ཕྱི་ལོ་༢༠༡༥ ཟླ་༡༠ ཚེས་ ༡༣ ནས་དབུ་འཛུགས་ཞུས་པའི་རིས་མེད་མཁས་པའི་བགྲོ་གླེང་ཆེན་མོ་རི་བོ་དགེ་ལུགས་པའི་གདན་ས་དགའ་ལྡན་དུ་ཚོགས་ཏེ་ཚེས་ ༢༡ ཉིན་མཇུག་བསྡོམས་མཛད་སྒོ་ཚོགས་ཡོད་པ་དང་། ཚོག་མགོན་དུ་ཤར་བྱང་གི་མཁན་པོ་གཉིས་དང་། ཚོགས་ཐོག་ཏུ་གཡུང་དྲུང་བོན་དང་། སྔ་འགྱུར་རྙིང་མ། དཔལ་ལྡན་ས་སྐྱ་བ། རྒྱལ་བ་བཀའ་རྒྱུད་པ། རི་བོ་དགེ་ལྡན་པ་སོགས་ནས་དབུ་ཚད་རིག་པའི་གནས་ལ་མཁས་པའི་དགེ་བཤེས་དང་མཁན་པོ་སོགས་མང་པོ་འཛོམས་ཡོད་ལ། ཆོས་རྒྱུད་སོ་སོའི་ལུགས་ཀྱི་མཁས་པ་རེ་རེས་བགྲོ་གླེང་དང་འབྲེལ་བའི་མྱོང་ཚོར་དང་། མ་འོངས་པའི་ལས་དོན་བྱེད་ཕྱོགས་ཐོག་དགོངས་འཆར་ལྷུག་པར་གནང་བ་དང་། གཡུང་དྲུང་བོན་གྱི་གདན་ས་སྨན་རིའི་གླིང་ནས་དགེ་བཤེས་ཤེས་རབ་བློ་གྲོས་དང་། དགེ་བཤེས་ཤེས་རབ་ཉི་མ། དཔལ་ལྡན་ཁྲི་བརྟན་ནོར་བུའི་རྩེ་ནས་དགེ་བཤེས་གཡུང་དྲུང་ཚུལ་ཁྲིམས་སོགས་ཚོགས་བཅར་ཞུས་ཡོད་པ་རེད།

གསེར་སྐྱེམས་དང་གཡུ་མངོན་ཞེས་པའི་སྐོར་ཅུང་ཞིག་གླེང་བ།

དང་པོ། གསེར་སྐྱེམས་ཀྱི་སྐོར། སྤྱིར་ཐ་སྙད་འདི་དག་སྐོར་ཕྱིས་བྱུང་བོད་ཀྱི་མཁས་པ་ཚོས་དང་པོ་གསེར་སྐྱེམས་ཞེས་པའི་“གསེར་”ནི་གསེར་གཡུ་སོགས་ཀྱི་གསེར་དང་། “སྐྱེམས་”ནི་བཏུང་བྱའི་ཞེ་ས་ཡིན་པར་བཤད་དེ། དཔེར་ན་གསེར་སྐྱོགས་དང་གསེར་སྣོད་སོགས་ཀྱི་ནང་དུ་ཆང་འབུལ་བ་དང་། ཡང་སྐྱེམས་ཞེས་པ་ཆང་ལ་ཞེ་ས་དང་ཆེ་རྟགས་རྗོད་ཚེ་གསེར་སྐྱེམས་ཞེས་བརྡ་སྦྱར་བ་དང་། ཡང་ཆང་ནང་དུ་གསེར་ཕྱེ་སོགས་བླུག་སྟེ་འཐུང་བ་དང་འབུལ་བ་སོགས་ལ་གོ་ཚུལ་ཡང་བཤད།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲ་རྒྱ་ངོ་སྤྲོད།

གཡུང་དྲུང་བོན་གྱི་དྲ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲ་ཚིགས་ཤིག་ཡིན།

གཡུང་དྲུང་བོན་གྱི་དྲྭ་རྒྱའི་ངོ་སྤྲོད།