བོན་ཐམས་ཅད་ཀྱི་ཡང་སྙིང་གཏན་ཚིགས་ངེས་པའི་གལ་མདོ་ཏན་ཏྲ་ཉི་མའི་འཁོར་ལོ་ཞེས་བྱ་བ་བཞུགས།།
ཞང་ཞུང་གི་སྐད་དུ། །གྱེར་ཞི་ཐ་ཚན་ཏི་ཀ་ཏན་ཏྲ་ད་དོད་ཅི། །རྒྱ་གར་གྱི་སྐད་དུ། །ཏིར་ཏི་ཀ་ཤན་ཏི། །རྒྱལ་ནམ་པ་ལྡོང་གི་སྐད་དུ། །ལྡན་ཏོ་དེ་བ་ཙེ། །མེ་ཉག་གི་སྐད་དུ། །མི་ལཱ་མུ་ཕེད། །གེ་སར་གྱི་སྐད་དུ། །རག་ཤའི་རྦེང་ཆིལ། །སུམ་པའི་སྐད་དུ། །ཁྲེ་ཟེ་ཉོ་པེ་ན། །བོད་སྐད་དུ། །བོན་ཐམས་ཅད་ཀྱི་ཡང་སྙིང། །གཏན་ཚིགས་ངེས་པའི་གལ་མདོ། །ཏན་ཏྲ་ཉི་མའི་འཁོར་ལོ་ཞེས་བྱ་བ། །གཤེན་རབ་སྟོན་པའི་སྐུ་ལ་ཕྱག་འཚལ་ལོ། །རེས་ཤིག་མཚོ་མུ་ལེ་ཏིང་འདུས་ཀྱི་འགྲམ། །གྲོང་ཁྱེར་རྒྱལ་བ་མཉེས་བྱེད་ཀྱི་དབུས། །ཤིང་ཨ་པར་ལྗོན་པའི་བསིལ། །མཁར་ཟོ་བོ་ཁྱུང་རྩེ་ཞེས་བྱ་བ་ན། །མཁས་པ་ཆེན་པོ་ད་མི་ཐད་གེ་ཞེས་བྱ་བ་བཞུགས་པ་ལ། །གཤེན་མ་ངོར་པྲ་ཕུད་ཅེས་བྱ་བས། །གཡུང་དྲུང་སེམས་ཀྱི་དོན་ཞུས་ཏེ། །དགེ་སྤྱོད་དང་དུ་བཞེས་ཤིང།