རྩོམ་པ་པོ་ཨཅཱརྱ་གཟི་གཡང་། མི་སྣ་གྲགས་ཆེན་དེའི་སྐོར་ཤར་ནུབ་ཀྱི་མཁས་པ་མང་པོས་དཔྱད་རྩོམ་ལྷུག་པོར་བྲིས་གནང་ཡོད་པས། ངོས་རང་ནས་དེའི་སྐོར་སྔར་གྲགས་མ་མྱོང་བའི་གཏམ་གསར་པ་དམིགས་བསལ་བཤད་རྒྱུ་མེད་ཀྱང་། སྔ་ཕྱིའི་བྱུང་བ་ལ་ཕྱིར་འདང་རྒྱག་པར་སྤྲོ།  དེ་ཡང་དབྱིག་གཉེན་གྱི་དུས་རབས་ཀྱི་སྐོར་ལོ་རྒྱུས་སྨྲ་བ་མང་པོའི་བཞེད་པ་མི་མཐུན་པ་མང་པོ་སྣང་། སློབ་དཔོན་འདིའི་འཁྲུངས་ཡུལ་དང་འདས་ཡུལ། མངོན་མཛོད་རྩོམ་ཚུལ། མཁས་དབང་འདི་ལ་སྔ་ཕྱི་གཉིས་སུ་ཡོད་པའི་བཞེད་པ་མི་མཐུན་པ་སོགས་མང་པོ་མཆིས། འདིར་ས་བཅད་ལྔའི་ལམ་ནས་སློབ་དཔོན་གྲགས་ཆེན་དེའི་སྐོར་གླེང་བར་བྱ་རྒྱུ་ཡིན།