ཨ་ཧོ། བཀའ་དྲིན་འཁོར་ཐབས་མེད་པའི་དྲིན་ཅན་གྱི་བླ་མ། སངས་རྒྱས་མི་ཡི་སྒྲོམ་བུ་མངོན་སུམ་དུ་ བྱོན་པའི། གྲུབ་དབང་དམ་པ་མངྒ་ཝེར་ཞི་དེ་མཁྱེན་ནོ། ནམ་ཡང་གཟིགས་པ་མ་རལ་ཐུགས་རྗེས་ རངས་ཟུངས་ཤིག སྔོན་ནས་ལས་འཕྲོ་དཀར་བའི་བུ་སློབ་རྣམས་གསོན་དང་། སྙིང་ནས་ཡང་དག་དོན་ ཞིག་སྒྲུབ་པ་རེ་དགོངས་ན། ཀུན་མཁྱེན་བླ་མའི་གསུང་སྒྲོས་རྗེས་སུ་ནི་ཟློའོ། ཇི་བཞིན་ཐུགས་ལ་འཆང་ དང་ཟོལ་མེད་ཀྱི་གཏམ་ཡིན།

བླ་ཆེན་དྲན་པ་ནམ་མཁས་མཛད། སྟོན་པ་ཀུན་དུ་བཟང་པོ་ལ་ཕྱག་འཚལ་ལོ། །གསང་སྔགས་ཐམས་ཅད་ཀྱི་དེ་ཉིད། རྩ་རྒྱུད་ཀུན་འདུས་སྟོན་པའི་འགྲེལ་བ་ཉི་ཟེར་དྲྭ་བ་ལས། ཐོག་མར་ཕྱག་འཚལ་བ་སྟོན་ཏེ། སྟོན་པ་ཞེས་པ་ལ་བཞི་སྟེ།  དཔེ་ནམ་མཁའི་སྟོན་པ། དོན་བོན་ཉིད་ཀྱི་སྟོན་པ། རྟགས་སེམས་ཉིད་ཀྱི་སྟོན་པ། ཡོན་ཏན་ཁུངས་ཀྱི་སྟོན་པའོ། །དེ་ལ་དཔེ་ནམ་མཁའ་འདི་ཉིད་ཀྱི་ངང་ནས། སྣང་ཞིང་སྲིད་པ་ཐམས་ཅད་སྟོན་པས་ན་སྟོན་པའོ། །དོན་བོན་ཉིད་རྣམ་པར་དག་པའི་ངང་ནས། བོན་ཅན་མཚན་མར་སྣང་བ་ཐམས་ཅད་སྟོན་པས་ན་སྟོན་པའོ། །

༄༅། །སྟོན་པ་ཀུན་ཏུ་བཟང་པོ་ཡིས། །རྣམ་རྟོག་དྲྭ་བ་བཅོམ་མཛད་ཅིང༌། །ཟབ་ཅིང་རྒྱ་ཆེའི་སྐུ་མངའ་བ། །ཐམས་ཅད་མཁྱེན་ལ་ཕྱག་འཚལ་ལོ། །སྟོན་པའི་ཐུགས་ཀྱི་དཀྱིལ་འཁོར་ནས། །བྱིན་གྱི་རླབས་ཀྱིས་བཤད་པ་ཡི། །ཀུན་འདུས་རིན་ཆེན་རྩ་བའི་རྒྱུད། །འོག་མིན་དབྱིངས་ཀྱི་ཕོ་བྲང་དུ། །སྔོན་སྦྱངས་འཕྲོ་ལེན་འཁོར་རྣམས་ལ། །ངོ་བོ་ཉིད་ཀྱིས་བཀའ་བསྩལ་པ། །དད་པ་ཆེ་ལ་ཡིད་གཞུང་ཞིང༌། །སེར་སྣ་ཆུང་ལ་ཆགས་པ་མེད། །སྟོབས་ཆེ་བློ་དང་ལྡན་པ་ལ། །རྒྱུད་འགྲེལ་རྩ་བའི་མན་ངག་བསྟན། །

རྒྱལ་བ་གཉིས་པའི་གསོལ་འདེབས། བདེ་ཆེན་རྒྱལ་པོ་ཀུན་བཟང་རྒྱལ་བ་འདུས། །མི་བརྗེད་གཟུངས་ལྡན་ཤེས་རབ་སྨྲ་བའི་སེང༌། །འཛམ་གླིང་བོན་གྱི་གཙུག་རྒྱན་མཉམ་མེད་པ། །ཤེས་རབ་རྒྱལ་མཚན་ཞབས་ལ་གསོལ་བ་འདེབས།། །།ལན་གསུམ་བརྗོད།