༢༠༡༤ ཕྱི་ཟླ་ ༥ ཚེས་༥ ཉིན་ལྡི་ལི་ནས་མ་སི་ཀོའོ་ཝར༼MOSCOW ༽་ལ་ཕེབས་ཡོད་པ་དང་།  ཕྱི་ཚེས་༦ ནས་༩ མོ་སི་ཀོ་ཝ་༼MOSCOW༽རུ་མི་བརྒྱ་ལྷག་ཙམ་ལ་བོན་གྱི་སྐོར་ངོ་སྤྲོད་དང་། བོན་ཐེག་པ་རིམ་དགུ་ལས་གཙོ་བོ་རྒྱུ་ཐེག་བཞི་ཡི་སྐོར་དང་། ཁོང་ཚོའི་རེ་འདོད་ལྟར་ཚེ་གཡང་ཁ་སྤྲོད་ཀྱི་ཞབས་བརྟན་གང་དགོས་རྣམས་མཛད། ཕྱི་ཚེས་༡༠ནས་༡༨་བར་ཀུན་བཟང་སྒར་༼KUNSANGAR༽སུང་ནས་སློབ་མ་བརྒྱ་ལྷག་ཙམ་ལས་གསར་པ་རྣམས་ལ་སྔོན་འགྲོ་དང་དེ་ལས་རྒན་པ་རྣམས་ལ་ཞི་གནས་ཨ་གཏད་བལྟ་བ་དང་སེམས་བཙལ་ལུགས་དང་། སེམས་ཀྱི་ངོ་སྤྲོད་པ་སོགས་གང་འོས་རྣམས་བྱས་ཤིང་། སློབ་བུ་རྒན་གྲས་རྣམས་ལ་སྔར་ལོར་ཁྲིད་འཕྲོ་རྫོགས་ཆེན་སྐོར་མུ་མཐུད་ཁྲིད་ནས་སློབ་མ་རྣམས་ཉིན་བསྟར་ཐུན་བཞིའི་ཉམས་ལེན་དང་མ་བྲལ་བར་མཛད་གནང་།