འགྲོ་མགོན་བཀའ་དྲིན་ཅན་གྱི་ཞབས་ལ་འདུད།  །རྒྱལ་བ་འཕགས་པའི་བཀའ་ལུང་དང༌། །བླ་མ་རྒྱུད་པ་ལས་བྱུང་ཞིང༌། རང་གི་གོ་རྟོགས་ཉམས་མྱོང་པའི། །གདམ་པ་ཚིག་འགའ་བྲི་བར་བྱ། གནས་ལུགས་དོན་གྱི་གདམ་པ་ཉམས་སུ་ལེན་པ་ལ། སེམས་དང་སེམས་ཉིད་ཀྱི་ཁྱད་པར་ཕྱེད་དགོས་ཏེ། དེ་ཡང་སེམས་༼མ་༽རྟོགས་པས་སངས་མི་རྒྱས། སེམས་ཉིད་གཤིས་ཀྱི་གནསལུགས་རྟོགས་དགོས། ལུང་ལས་ཀྱང༌། འདི་རྟོགས་རྣམས་ནི་སངས་རྒྱས་ཡིན། འདི་མ་རྟོགས་ན་སངས་རྒྱས་མིན། ཞེས་གསུངས་སོ། སེམས་དྲན་པས་འགྱུ་བ་ཡུལ་མཚོ། བློ་རྟོག་པ་སྣ་ཚོགས་སུ་འཕྲོ་བ། སེམས་ལས་བྱུང་བས་ཤེས་པ་སྣ་ཚོགས་སུ་ཤར་བ་ལ། སེམས་ཞེས་བྱ། ཡིད་ཅེས་བྱ། དྲན་པ་ཞེས་བྱ་སྟེ། འདི་ནི་ངེས་མེད་སྣ་ཚོགས་སུ་འཆར་བ་ཡིན་ཏེ། སྙིང་པོའི་གནས་ལུགས་མ་རྟོགས་ན། དྲན་རྟོག་རེ་རེ་ཆད་པའམ། ཞིག་པའམ། རྟོག་མེད་དུ་གྲོལ་ཀྱང་རུང་སྟེ།

དེ་ཡང་རྗེས་དྲན་དེབ་ཆུང་<<སྐྱོ་གདུང་སྙིང་གི་མུན་སེལ་>>ཞེས་པ་འདི་ཡང་དཔར་བསྐྲུན་ལེགས་གྲུབ་བྱུང་བའི་ཉིན་མོ་འདིར། འདས་པོ་དགེ་བཤེས་དམ་པ་གང་གི་མི་ཚེའི་ཐོག་མཐའ་བར་གསུམ་དང་ཚེ་འདི་ཕྱི་གཉིས་ཀའི་ལམ་སྟོན་དང་མགོན་སྐྱོབས་མཛད་པོ་ྋའཛམ་གླིང་བོན་གྱི་གཙུག་རྒྱན་དམ་པ་ས་གསུམ་ན་འགྲན་པའི་ཟླ་མ་མཆིས་པ་༧རྗེ་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་གྱི་ཞལ་ཚབ་ཞྭ་དཀར་བསྟན་པའི་གཙུག་རྒྱན། ༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་སོ་གསུམ་པ་རིན་པོ་ཆེ་མཆོག་དང་། གཞན་ཡང་སྨྲ་བའི་ཁྱུ་མཆོག་ཆེན་མོ་༧སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་དང་། སྒོས་སུ་སྡེ་སྣོད་སྨྲ་བའི་བཤེས་གཉེན་ཆེན་མོ་སྨན་རིའི་བཤད་སྒྲུབ་མཁན་སློབ་རྣམ་གཉིས་བཅས་ལ་ཞིང་གཤེགས་དམ་པ་གང་གི་ཚབ་བྱས་ཏེ་སྒོ་གསུམ་གུས་འདུད་བླ་མེད་ཀྱིས་བཀའ་དྲིན་རྗེས་དྲན་ཞུ་དགོས་ཡོད།http://www.tibetanebook.com/?view=product&id=303:Chodung-Nyingi-Munsel