གཡུང་དྲུང་བོན་གྱི་ངོ་བོ་དང༌། དབྱེ་བའོ། །དང་པོ་ནི། གང་ལ་སྤྱད་ཅིང་ཉམས་སུ་བླངས་པ་ལ་བརྟེན་ནས་ལུས་ཅན་གྱི་སྒྲིབ་པ་ཟད་པའི་ཐབས་སུ་ གྱུར་པའི་རྣམ་དཀར་གྱི་ཡོན་ཏན། གཉིས་པ་དབྱེ་བ་ནི། བརྗོད་བྱ་དོན་གྱིས་བསྡུས་པའི་གཡུང་དྲུང་གི་བོན་དང༌། རྗོད་བྱེད་ཚིག་གིས་བསྡུས་པའི་གཡུང་དྲུང་གི་བོན་གཉིས། དང་པོ་ལ་དབྱེ་ན་གསུམ་སྟེ། སྤོང་པའི་ལམ་དང༌། སྒྱུར་བའི་ལམ་དང་༌། གྲོལ་བའི་ལམ་མོ། །གཉིས་པ་རྗོད་བྱེད་ལ་གཉིས་ཏེ། བཀའ་དང༌། བཀའ་ལ་བརྟེན་པ་གཉིས། དང་པོ་བཀའ་ལ། མདོ་སྡེ་དང་། འབུམ་སྡེ་དང༌། རྒྱུད་སྡེ་དང༌། མཛོད་སྡེ་དང་བཞིའོ། །