གསོ་རིག་འབུམ་བཞིའི་མཐོ་སློབ་སྨན་རིའི་གླིང་ཁྲིམས་མཐུན་དེབ་སྐྱེལ་ངོས་ལེན་གནང་པ།
བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ཀྱི་ཁྲིམས་སྒྲིག་དགོངས་དོན་ལྷན་ཚོགས་ཚོགས་ཐེངས་ ༢༥ པ་ཕྱི་ལོ་ ༢༠༡༦ ཟླ་བ་ ༤ ཚེས་ ༢ ཉིན་རྡ་རམ་ས་ལ་བོད་ཀྱི་གསོལ་མགྲོན་ཚོགས་ཁང་དུ་སྐོང་ཚོགས་གནང་ཡོད་ཅིང་ཚོགས་ཐོག་ཏུ་ལྷན་ཚོགས་ཀྱི་དྲུང་ཆེ་སྨན་པ་ཚེ་རིང་མཚམས་གཅོད་ལགས་ཀྱིས་གསོ་རིག་འབུམ་བཞིའི་མཐོ་སློབ་སྨན་རིའི་གླིང་གི་རྟོགས་ཞིབ་ལས་བསྡོམས་དང་དགོས་འཁོའི་ཡིག་ཆ་ཁག རྟོགས་ཞིབ་ཚོགས་མི་སོ་སོའི་དགོངས་ཚུལ་འགེངས་ཤོག་བཅས་ལྷན་ཚོགས་སུ་ཕུལ་དོན་ལྟར་ཚོགས་ཐེངས་དེར་བོད་ཀྱི་གསོ་བ་རིག་པའི་ཁྲིམས་སྒྲིག་ལས་དོན་དང་འབྲེལ་གསོ་རིག་འབུམ་བཞིའི་མཐོ་སློབ་སྨན་རིའི་གླིང་ཁྲིམས་མཐུན་དེབ་སྐྱེལ་སྐོར་ལ་གྲོས་ཚོགས་ནས་སྤྱི་མོས་ངོས་ལེན་གྱི་གྲོས་ཆོད་བྱུང་ཡོད་འདུག