སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེའི་མཛད་འཕྲིན།
༧སྐྱབས་རྗེ་སྨན་རིའི་དཔོན་སློབ་ཡང་སྟོན་པ་འཕྲིན་ལས་ཉི་མ་རིན་པོ་ཆེ་མཆོག་གིས་རྒྱ་གར་ཤར་ཕྱོགས་སྦས་ཡུལ་འབྲས་མོ་ལྗོངས་སུ་མཛད་འཕྲིན་བསྐྱངས་པ། དེ་ཡང་ཕྱི་ལོ་༢༠༡༦/༡༢/༢༦ཉིན་གྱི་ཞོགས་པར་སྐུ་འཁོར་ལྷན་རྒྱས་རང་དགོན་སྨན་རིའི་གླིང་ནས་ཕེབས་ཐོན་གནང་སྟེ་ལྡི་ལིར་འབྱོར། ཕྱི་ཚེས་༢༧གྱི་ཞོགས་པར་མཁའ་ལམ་བརྒྱུད་ནས་རྒྱ་གར་ཤར་ཕྱོགས་འབྲས་ལྗོངས་ཕྱོགས་སུ་ཕེབས་ཐོན་གནང་སྟེ་ Bagdogra གནམ་ཐང་དུ་རིན་པོ་ཆེ་སྐུ་འཁོར་ལྷན་རྒྱས་བདེ་བར་འབྱོར་ནས་དེར་སོག་གཡུང་དྲུང་གླིང་དགོན་པའི་མཁན་པོ་སྒྲུབ་ཐོན་པ་ཡོན་ཏན་རྒྱ་མཚོ་མཆོག་དང་ཤེས་རིག་ཕུན་ཚོགས་གླིང་གི་ཚོགས་གཙོ་སྒྲུབ་ཐོན་པ་ཚུལ་ཁྲིམས་སངས་རྒྱས། དགེ་བཤེས་བསྟན་འཛིན་བློ་གྲོས། སྒྲུབ་ཐོན་པ་ཚུལ་ཁྲིམས་བསྟན་འཛིན་སོགས་ནས་ཕེབས་བསུ་དང་བཅས་Serekure རུ་འཛུགས་བསྐྲུན་གནང་བཞིན་པའི་ཤེས་རིག་ཕུན་ཚོགས་གླིང་དུ་དཔལ་ལྡན་ཁྲི་བརྟན་ནོར་བུ་རྩེའི་མཁན་པོ་ལུང་རྟོགས་བསྟན་པ་གཡུང་དྲུང་རིན་པོ་ཆེ་མཆོག་དང་། ཁྲི་བརྟན་ནོར་རྩེའི་དཔོན་སློབ་ཚངས་པ་བསྟན་འཛིན་རིན་པོ་ཆེ་རྣམ་གཉིས་གཙོས་པའི་དེ་གའི་ལས་སྣེ་བ་བཅས་ནས་ཕེབས་བསུ་དང་གསར་སྐྲུན་གྲུབ་ལ་ཉེ་བའི་སློབ་གྲྭའི་ཁོར་ཡུག་བཅས་ལ་རབ་གནས་མཛད།