རྗེ་བོན་བརྒྱ་རིན་པོ་ཆེ་ལ་ཕུལ་བའི་དབྱངས་གསལ་མིང་གཞིར་ཚང་བའི་བྱ་དཀའི་ཤིས་སྨོན་ཆེད་བསྒྲིགས།
ཤར་རྫའི་རྒྱལ་ཚབ་འཇིགས་མེད་དབང་ཕྱུག བདེ་སྟོང་ཟུང་འཇུག་ཨེ་ཝཾ་ཡེ་ཤེས་འཕྲུལ།། བཀའ་ལུང་ཉམས་རྟོགས་ལྷ་ཞལ་མངོན་པར་འཁུམས།། བརྩེ་ཆེན་ཐུགས་རྗེའི་འོད་སྣང་ཕྱོགས་བཅུར་འཚེར།། རིག་འཛིན་བོན་བརྒྱ་བླ་མའི་ཞབས་བརྟན་གསོལ།། ཞེས་ཞྭ་དཀར་བསྟན་པའི་སྲོག་ཤིང་། མཁས་གྲུབ་ཡོངས་ཀྱི་གཙུག་རྒྱན། མཁས་པ་ཕྱོགས་རེ་བ་མ་ཡིན་པར་མདོ་སྔགས་རྫོགས་གསུམ་དང་བཅུ་ཕྲག་རིག་པའི་གནས་ཀྱི་ཡང་རྩེར་སོན་ཞིང་། ཁྱད་པར་རང་གཞན་གྲུབ་མཐའ་ཀུན་ལ་མཁས་པའི་སྤྱན་རས་ཡངས་པ། འཆད་རྩོད་རྩོམ་གསུམ་གང་ལའང་ཐོགས་པ་མེད་པ་རྗེ་བོན་བརྒྱ་ཐམས་ཅད་མཁྱེན་པ་ཉིད་བསྟན་འགྲོའི་དོན་དུ་སྐུ་ཚེ་བསྐལ་བརྒྱར་བཞུགས་པའི་ཞབས་བརྟན་འབུལ་སྐབས་གང་གི་གསང་གསུམ་གྱི་ཡོན་ཏན་ལ་མི་ཕྱེད་པའི་དད་འདུན་འཕེལ་བའི་སྐལ་བ་ཅན་སློབ་འབངས་ཨ་འཇིགས་ཀྱིས་ཤར་རྫའི་དབེན་གནས་ནས་ཕུལ་བའོ།།