གཡུང་དྲུང་བོན་གྱི་སྐོར་བགྲོ་གླེང་ཉིན་དྲུག་པའི་གནད་བསྡུས།
ཕྱི་ཟླ་༦པའི་ཚེས་༡༣ཉིན་དྲུག་པའི་གཡུང་དྲུང་བོན་གྱི་སྐོར་བགྲོ་གླེང་སྨན་རིའི་དཔེ་མཛོད་ཁང་དུ་འཚོགས་ཡོད་པ་དང་། ཉིན་འདིའི་གསུང་བཤད་སློབ་དཔོན་བཀའ་རམས་པ་ཤེས་རབ་རྣམ་རྒྱལ་ཉིད་ནས་《དུས་རབས་ཉེར་གཅིག་པའི་ནང་གི་བོན་གྱི་གནས་བབས་དང་བོན་ཕྲུག་རྣམས་ཀྱི་འགན་འཁྲིའི་》སྐོར་ནས་གསུང་བཤད་གནང་ཡོད་པ་དང་། གསུང་བཤད་སློབ་དཔོན་ཉིད་ནས་བོད་བཙན་པོའི་སྐབས་ཀྱི་བོན་གྱི་གནས་སྟངས་དང་། བོད་སིལ་བུའི་སྐབས་ཀྱི་གནས་སྟངས། བོད་བླ་མའི་དུས་སྐབས་ཀྱི་གནས་སྟངས་སོགས་དུས་རབས་མི་འདྲ་བ་གསུམ་གྱི་སྒོ་ནས་བོན་གྱི་གནས་སྟངས་གསུང་གླེང་གནང་བ་དང་།