མཁས་དབང་དོན་འགྲུབ་ལྷ་རྒྱལ་མཆོག་གི་མཚམས་སྦྱོར་མདོར་བསྡུས།
བོན་གྱི་འབྱུང་ལྡན་༣༠༡སྟེ་ཕྱི་ལོ་༡༩༦༡ལོར་བོད་ལྗོངས་ནག་ཆུ་ས་ཁུལ་གཉན་རོང་རྫོང་ཁོངས་ཀྱི་འབྲོག་པ་དཀྱུས་མ་ཞིག་གི་ཁྱིམ་དུ་འཁྲུངས་ཤིང་། དགུང་ལོ་༡༡བར་དུ་འབྲོག་པའི་ཞོ་མར་ཐུད་གསུམ་གྱི་ཁྲོད་འཚོ་བ་སྐྱེལ། དེ་ནས་སློབ་གྲྭར་འགྲིམས་འགོ་བཙུགས། ཕྱི་ལོ་༡༩༨༢ལོར་པེ་ཅིང་མི་རིགས་སློབ་གྲྭ་ཆེན་མོར་རྒྱུགས་འཕྲོད་ནས་ལོ་བཞིར་་སློབ་སྦྱོང་གནང་། སློབ་ཆེན་མཐར་ཕྱིན་ནས་བོད་ལྗོངས་སྤྱི་ཚོགས་ཚན་རིག་ཁང་ལ་བོད་ཀྱི་རིག་གཞུང་ལོ་རྒྱུས་ཞིབ་འཇུག་གི་ཕྱག་ལས་གནང་། ལྷག་པར་དུ་བོན་གྱི་ཤེས་རིག་ལོ་རྒྱུས་ལ་ཞིབ་འཇུག་གི་ངལ་བ་དང་དུ་བླངས་ནས་གྲུབ་འབྲས་ཆེན་པོ་ཐོབ་ཡོད་པ་དང་།