དཔལ་གཤེན་བསྟན་སྨན་རིའི་གླིང་དུ་སྐབས་སོ་བརྒྱད་པའི་རིག་པའི་ལྷ་མཆོག་ཤེས་རབ་སྨྲ་བའི་སེང་གེའི་སྒྲུབ་པ་ཆེན་མོ་འཚོགས་པའི་གནས་བསྡུས།
དེ་ཡང་༡༩༨༠ནས་བཟུང་འཆར་ཅན་ལྟར་བོད་ཟླ་དང་པོའི་༢༣ ནས་ཚེས་༣༠ བར་བདུན་ཕྲག་གཅིག་གི་རིང་། རིག་པའི་ལྷ་མཆོག་ཤེས་རབ་སྨྲ་བའི་སེང་གེའི་སྒྲུབ་པ་ཆེན་མོ་འཚོགས་བཞིན་ཡོད་ལ། དེ་ཡང་རིག་པའི་ལྷ་མཆོག་ཤེས་རབ་སྨྲ་བའི་སེང་གེའི་སྒྲུབ་པ་འདི་ནི་༧དཔལ་གཤེན་བསྟན་སྨན་རིའི་གླིང་གི་འཆར་ཅན་སྒྲུབ་པ་བཅུ་གཉིས་ཀྱི་དང་པོ་ཡིན་ལ། དེ་ཡང་སློབ་གཉེར་བ་རྣམས་སློབ་འགོ་མ་ཚུགས་པའི་སྔ་རོལ་དུ་ཆེད་དུ་དམིགས་ནས་བཙུགས་པ་ཞིག་ཀྱང་ཡིན།