གནམ་གྱི་ལྷ་སྲས་དོག་ལ་ཕེབས་པ་ལོ་རྒྱུས་ཞིག་གི་དབུ་འཁྱུད་ཡིན།། གསེར་གྱི་གཡུང་དྲུང་ཀླད་ལ་བསྐོར་བ་གཤེན་པོ་རྣམས་ཀྱི་མཛད་རྗེས་ཡིན།། འགྱུར་མེད་གཡུ་ཡི་བྲག་ཆེན་བལྟམས་པ་མེས་པོས་བསྐྲུན་པའི་ཕྱྭ་མཁར་ཡིན།། དུང་གི་དྲང་ཤིང་སྲིད་མཐར་བརྐྱངས་པ་རིག་འཛིན་རྣམས་ཀྱི་ཕྱག་སྲོལ་ཡིན།།   བསྟ༵ན་པའི་མེ་རོ་ནུབ་ནས་བསུས་ཏེ་གོ་ལ་ཕྱོགས་འཚམས་དྲོས་པར་མཛད།། འཛི༵ན་སྐྱོང་སྤེལ་ལ་གྲགས་དཀར་རྒྱས་ཏེ་ས་ཆེན་རབ་ཏུ་གཡོ་བར་བརྩམས།། དབ༵ང་དང་གཟི་བྱིན་མཁྱེན་དཔྱོད་རྣམས་ཀྱིས་སྐྱེ་འགྲོའི་དྭངས་བ་ལྷག་ཏུ་འདྲེན།། རྒྱ༵ལ་སྲས་རིགས་འཛིན་གོང་མ་རྣམས་ཀྱི་ཐུགས་སྲས་སྐྱེས་བུ་ཁྱེད་ཉིད་རྒྱལ།།