གཡུང་དྲུང་བོན་གྱི་བཤད་སྒྲུབ་འདུས་སྡེའི་སྐབས་༣༩པའི་རྒྱུན་ལས་ནས་པར་སྐྲུན་གྲུབ་པའི་དཔེ་དཀོན་དེབ་འཕྲེང་གསུམ།
༄༅།། སྤྱིར་སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེ་འདི་ཉིད་ཞང་བོད་ལྗོངས་སུ་མི་ལོ་གཅིག་ཁྲི་བརྒྱད་སྟོང་གོང་ནས་དར་ཞིང་རྒྱས་པ་བྱུང་ཡོད་ཀྱང་། དུས་སྙིགས་མའི་སེམས་ཅན་རྣམས་ཀྱི་ལས་བསོད་དང་དར་ནུབ་ཀྱི་གཉེན་འཕྲང་གང་མང་བརྒྱུད་ནས་དབུགས་རྒྱུན་མ་ཆད་ཙམ་དུ་གྱུར། དུས་རབས་ཉི་ཤུ་པའི་དཀྱིལ་དུ་ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་མཚན་བརྗོད་པར་དཀའ་བ་དོན་སླད་ཀྱི་ཚུལ་དུ་ཞུས་ན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་དང་།༧གཡུང་དྲུང་གླིང་གི་མཁན་ཆེན་ཤེས་རབ་བསྟན་པའི་རྒྱལ་མཚན།༧སྨན་རིའི་ཡོངས་འཛིན་ཐུ་བོ་སངས་རྒྱས་བསྟན་འཛིན། ༧གསང་གསུམ་བོན་གྱི་མཛོད་འཛིན་དཔོན་སློབ་བསྟན་འཛིན་རྣམ་དག་སོགས་བསྟན་འཛིན་གྱི་སྐྱེས་ཆེན་དུ་མའི་དཀའ་བ་ཁྱད་དུ་བསད་ངལ་བ་དང་དུ་བླངས་ནས་འཕགས་ཡུལ་སྨན་གྱི་རི་ནས་རང་དོན་དུ་ཐོས་བསམ་སྒོམ་གསུམ་གཞན་དོན་དུ་འཆད་རྩོད་རྩོམ་གསུམ་གྱི་སྒོ་བརྒྱ་ཡངས་པོར་ཕྱེས་ཤིང་།