སྐབས་ཉེར་གཉིས་པའི་གཡས་རུ་འཆད་རྩོད་ཆེན་མོ་བདེ་ལེགས་ངང་མཇུག་གྲུབ་པའི་གནས་བསྡུས།
དེ་ཡང་བོད་ས་ཕག་ལོའི་བོད་ཟླ་༩བའི་ཚེས་༢ནས་བཟུང་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་སྐབས་༢༢པའི་གཡས་རུ་འཆད་རྩོད་ཆེན་མོ་དབུ་ཚུགས་གནང་བ་དང་། དེ་ཡང་གླིང་སྟོད་མཚན་ཉིད་སློབ་དཔོན་བཤད་སྡེའི་མཁན་པོ་དགེ་བཤེས་ཉི་མ་དོན་འགྲུབ་ལགས་དང་། གླིང་སྨད་མཚན་ཉིད་སློབ་དཔོན་བཤད་སྡེའི་སློབ་དཔོན་དགེ་བཤེས་དགེ་ལེགས་རྒྱ་མཚོ་གཉིས་ནས་མཛད་གནང་ དང་། དེ་ཡང་འཛིན་གྲྭ་སྦྲགས་སྤེལ་གྱིས་གླིང་སྟོད་སྨད་གཉིས་སུ་ཕྱེས་ནས་བདུན་ཕྲག་རེ་འཆར་ཅན་ལྟར་ཐུག་ཆེན་རེ་རྒྱག་པའི་ལམ་སྲོལ་གཞིར་བྱས། བདུན་ཕྲག་རེའི་ཉིན་གསུམ་པ་དང་བཞི་པར་རྩོད་པའི་ཐུག་ཆེན་ཉིན་མོར་གཏན་འཁེལ་གྱིས།